Apocalipsis 5:2 - Kashibo-Kakataibo Biblia

² A isanan cana achúshi ángel cushiira axa ësai qui munuma banaia isan: —¿Uínra cara ax bëtsibë sënë́nmaira ꞌixun ënë quirica anúan tacáshcacë pëóshxun bacati ꞌic?

Nukën 'Ibu Diosan ain unikama 'inan ain bana

² A isanan cana achúshi ángel cushiira axa ësai qui munuma banaia isan: —¿Uínra cara ax bëtsibë sënë́nmaira 'ixun ënë quirica anúan tacáshcacë pëóshxun bacati 'ic?

Apocalipsis 5:2 Iomraidhean Croise

Job 41:15

Aín kaxukamax ka biranani manë parókë takáshkikësa ꞌimainun maxá iru usaribi ꞌikën.

Salmos 103:20

¡Anu uxun ka aín ángel kushiirabu an Nukën ꞌIbu Dios rabiti ꞌikën! Mitsun kamina an kakësabiokin ꞌanan, uisakin ñu ꞌanun kara mitsu kaia usakin ꞌaxunti ꞌain.

Apocalipsis 10:1

Bëtsi ángel cushiira, axribia naínuax aia cana isan. Ax ca nëtë cuin mëu nicësa ꞌianan aín maxcá manámi nónbai ꞌimainun aín bëmánan bari pëquicësa ꞌiaxa. ꞌIanan ca aín quisi rabë́ tsi rëquiruia iscësa ꞌiaxa.

Apocalipsis 18:21

Usai a unicamax quicëbëtan ca anun ñu bacati cushiñu ángel achúshinën maxax chaira, anun ñu rënti maxáxsa, a biquin parúnpapanu niaxa. Ni ca quiaxa: —A maxax istëcëntimoquin nicë usaribi ca Babilonia, a ëma chaira, ꞌimainun anu ꞌicë unicamaxribi unin a istëcëntimoquin cëñucë ꞌiti ꞌicën.

Apocalipsis 5:1

Axa anu tsócë Nucën Papa Dios an aín mëcën mëquenën tuíncë cana quirica taráncë isan. Iscëx ca aín namë́nu cuënëocë ꞌianan aín caxunuribi cuënëocë ꞌiaxa. A quirica aín namë́ istisama ꞌitánun upí oquin tacáshcacë ꞌaish ca anúan tacáshcacë ñu mëcën achúshi ꞌimainun rabë́ ꞌiaxa.

Apocalipsis 5:5

Usai bëunan mëscutiabi ca a caniacëcë unicama achúshinën ꞌë caxa: —Camina ini bëunan mëscútima ꞌain. Ca is, Judatan rëbúnquicama achúshi, ꞌInúan cacë, ax Davidnën rëbúnquiribi ꞌicë, Jesús, ax bamáxbi baísquia ꞌaish camabi ñun ꞌibuira, an ca a quirica taráncë bacaquin, anúan a tacáshcacëcama pëóshti ꞌicën.