Apocalipsis 4:1 - Kashibo-Kakataibo Biblia

¹ A ñucama pain cuatancëxun cana xëcuë xëocacësa ꞌinuan naí panárabëcë isan. Isquin cana anun paían ꞌë cacë bana axa manë banañu banocë́xa banacësari banaia cuatëcëan, ësai qui: —Ënu ca ꞌirui ut, mixmi aia cana uisa ñucama cara ꞌiti ꞌicë quixun mi ismiti ꞌain.

Nukën 'Ibu Diosan ain unikama 'inan ain bana

¹ A ñucama pain cuatancëxun cana xëcuë xëocacësa 'inuan naí panárabëcë isan. Isquin cana anun paían 'ë cacë bana axa manë banañu banocë́xa banacësari banaia cuatëcëan, ësai qui: —Ënu ca 'irui ut, mixmi aia cana uisa ñucama cara 'iti 'icë quixun mi ismiti 'ain.

Apocalipsis 4:1 Iomraidhean Croise

Éxodo 1:1

Ënëx ka Israel unibunën anë axa Jacobë Egipto menu bëba akama ꞌikën, a unikamax ka achúshi achúshinëx aín aintsikama ꞌimainun aín xanu, aín bëchikë kamabëbi kuankëxa:

Éxodo 19:24

ꞌAínbi ka Nukën ꞌIbun Moisés kakëxa: —Aín bashinuax kuabútëkënxun kamina Aarón biti ꞌain, bitsini kamina abë mapë́rakëtëkënti ꞌain. Mitsux mapërakëtëkën maínun ka sacerdote ꞌimainun unikamaxribi ꞌunántiokë a inui anu ꞌëx ꞌikë ënu mapërakëkatsi kixun sinani ꞌutima ꞌikën, usai ꞌiabi kana ꞌën bamamiti ꞌain.

Éxodo 24:12

Nukën ꞌIbun ka Moisés amiribishi katëkëankëxa: —ꞌËx anu ꞌikë ain bashi anu mapërakëtankëxun kamina anuxun ꞌë kaínti ꞌain, anuxun kana maxá pará okin ꞌakë rairi anu ax kikësoi ꞌiti bana ꞌimainun a tanti bana anu kuënëokë, anua Israel unibunën uisa ñu kara ꞌati ꞌikë uisa ñu kara ꞌatima ꞌikë a ꞌunánti mi ꞌinánti ꞌain.

Ezequiel 1:1

ꞌËx kana sacerdote Ezequiel ꞌiakën, ꞌën papax ka Buzí kakë ꞌiakëxa, usa ꞌain ka mapai achúshi baritia ꞌapu Joaquín Judá menu uankë ꞌiakëxa, anúan rabë́ ꞌimainun rabë́ ꞌuxë ꞌikë ax mapai achúshi nëtë ꞌikë anun kana ꞌëx treinta baritia ꞌiakën. Usa ꞌain kana ꞌëx ñatanbiankin Babilonianu uankë a kamabëbi Quebar kakë baka kuëbí Babilonia menu ꞌikë anu ꞌiakën, anuxun kana naíkamë ꞌëo baaki panárabëkëbëtan Dios isakën. Usa ꞌain ka Diosan anbi ꞌë kakin aín mëkën ꞌënu nankësa ꞌinun aín kushi ꞌë tamiakëxa.

Mateo 3:16

Usoquin Juanën nashimicëx ca Jesús bacanuax ꞌiruquiani cuancëxa. Cuanquinbi ca Jesusan naí panárabëcëbëtan isquin anuax numacuru tinax uáxa Nucën Papa Diosan Bëru Ñunshin Upí anu ꞌiruia isacëxa.

Marcos 1:10

Usoquin Juanën nashimicëx, bacanuax ꞌiruquian Jesusan iscëxbi ca naí panárabëacëxa. Usacëbëtan ca ñumacuru tinax uaxa Nucën Papa Diosan Bëru Ñunshin Upí anu ꞌiruia isacëxa.

Lucas 3:21

Sipuacëma pan ꞌixun unicama nashimianan ca Juanën Jesúsribi nashimiacëxa. Nashimicëx aín Papa Diosbë banacëbë ca naí panárabëacëxa.

Juan 16:13

ꞌAínbi ca Nucën Papa Diosan Bëru Ñunshin Upí, an Nucën Papa Diosan sináncë ñucama ꞌunáncë, an mitsubë ꞌixun, ꞌën mitsu ñuixuncë banacama ax cara uisaira quicë ꞌicë quixun mitsu ꞌunánmianan uisa ñucamax cara upí ꞌicë mitsu ꞌunánmiti ꞌicën. An ca anbi sináncësa oquinma, Nucën Papa Diosan cacëxuan cuacë ñucamaishi mitsu ꞌunánmiti ꞌicën. ꞌUnánmianan ca uisai cara ꞌën unicama ënë nëtënuax ꞌianan Nucën Papa Diosan nëtënuaxribi ꞌiti ꞌicë quixun mitsu ꞌunánmiti ꞌicën.

Hechos 10:11

Iscë́xa naí panarabë́cëbë ca anuax chupa chaira, amácasa ꞌitánun aín rëbucamanu rabë́ ꞌimainun rabë́ oquin tëcërëcacë ꞌaish meu ubúacëxa.

Hechos 7:56

Isquin ca cacëxa: —Ca is. Naí panárabëcëbëtan cana axa uni ꞌinux anuax uá Jesús, a Nucën Papa Dios mëquea nicë isin.

Apocalipsis 1:10

Anun Nucën ꞌIbu Dios rabiti nëtën ꞌëx ami sinánquin cana ꞌuxúnmabi namácësa oquin, ꞌë caxucüaxa manë banañu banocë́xa banacësari munuma banaia cuan.

Apocalipsis 1:12

Banaia cuati, uin cara ꞌë usaquin caia quixun istisa tani cana cuainacëan.

Apocalipsis 1:19

A min iscë ñucama ꞌimainun a min isti ñucama, acama camina usai ca ꞌia quixun ñuianan usai ca ꞌicëma ꞌaíshbi ñu ꞌiti ꞌicë quixun cuënëoti ꞌain.

Apocalipsis 11:12

Racuë́cëbëtan ca a rabëtan ësaquin caía naínuax banaia cuaxa: —Nëri ca ut. Cacëx ca axa atumi nishcë unicaman ismainunbi nëtë cuinan nëbë́tsiocëx naínu cuanxa.

Apocalipsis 11:19

Usai ꞌicëbë ca naínu ꞌicë anuxun Nucën Papa Dios rabiti xubu aín xëcuë xëoquiaxa. Xëoquicëbëtan cana bunánti, anua Nucën Papa Diosan cuënëo maxax pará rabë́ nancë, a isan. Iscëbëa munuma caná mëriti banacëbë ca bëtsi ñuribi sharámainun mecama shaíquiaxa. ꞌImainun ca ꞌuí ꞌaíshbi matsiira ꞌaish iru ax rëucubuaxa.

Apocalipsis 16:17

Usai ꞌicëbëtan ca anuxun Nucën Papa Dios rabiti xubunuax chiquícë ángel itsínribi aín xanpanu ꞌicë ñu tutucaxa. Tutucacëbëa naínu ꞌicë anuxun Nucën Papa Dios rabiti xubu anua Nucën Papa Dios ꞌicë anuax ësai banaia cana cuan: —Anuishi sënë́nquin cana ꞌan.

Apocalipsis 19:11

Usaquin ángelnën cacëxun cana naí panárabëcë isan. Anuaxa caballo uxua chiquitia cana isan. Ax a caballonu tsócë, ax ca Aín Quicësabi Oquin ꞌAcë caquin anëcë ꞌianan ca An Uni Paráncëma caquin anëcë ꞌiaxa. Usa ax ꞌixun ca ꞌatima unicama a uisoquin cara ꞌaisa tania usoquin castícanan axa upí sinánñucama a upí oia.

Apocalipsis 22:6

Ismitancëxun ca a ángelnën ꞌë caxa: —ꞌËn mi cacësabi oi ca asérabi ꞌiti ꞌicën. Nucën ꞌIbu Dios, an ax quicë bana uni ñuixuncë unicama sinánmicë, an ca uisai cara xënibucëma ꞌaínshi ñu ꞌiti ꞌicë quixuan, aín unicaman ꞌunánun, aín ángel xuaxa.