Apocalipsis 22:9 - Kashibo-Kakataibo Biblia

⁹ ꞌËn a rabicascëxunbi ca ꞌë caxa: —Usai ꞌiaxma ca ꞌit. Mibëtan, an min ꞌacësaribi oquin an Nucën Papa Diosan bana uni ñuixuncë unicama ꞌimainun an ënë quiricanu cuënëocë banacama upí oquin sinánquin cuacë unicaman ꞌacësaribi oquin cana ꞌënribi ax quicësabi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.

Nukën 'Ibu Diosan ain unikama 'inan ain bana

⁹ 'Ën a rabicascëxunbi ca 'ë caxa: —Usai 'iaxma ca 'it. Mibëtan, an min 'acësaribi oquin an Nucën Papa Diosan bana uni ñuixuncë unicama 'imainun an ënë quiricanu cuënëocë banacama upí oquin sinánquin cuacë unicaman 'acësaribi oquin cana 'ënribi ax quicësabi oquin 'aquin Nucën Papa Dios rabin. Usa 'ain ca 'ë rabixunma Nucën Papa Diosëshi rabit.

Apocalipsis 22:9 Iomraidhean Croise

Éxodo 34:14

Usa ꞌain kamina bëtsi dios rabitima ꞌain, ꞌëx kana mitsun ꞌIbu an ñu ꞌatima ꞌaisama okin mitsu bërúankë a ꞌain. ꞌËn anëx ka Dios an ñu ꞌatima ꞌaisama okin bërúankë a ꞌikën.

Mateo 4:9

Ismiquin ca cacëxa: —Minmi ꞌë rantin puruni tsóbuquin ꞌë rabicëxun cana ënë mecama, camabi anu ꞌicë ñucamacëñunbi minan ꞌinun mi ꞌinánti ꞌain.

Lucas 4:7

Rantin puruni tsóbuquinmi min dios ꞌicë ꞌë rabicëxun cana ënë mecama ꞌimainun ënë menu ꞌicë ëmacama ꞌimainun anu ꞌicë ñucama mixmi aín ꞌibu ꞌinun mi ꞌinánti ꞌain.

Deuteronomio 4:19

ꞌImainun kamina manámi bësukin naínua iskin bari, ꞌuxë ꞌispakama, ꞌimainun uisa ñukama kara anu ꞌikë akama iskin a ñukama rabiti sinántima ꞌain, Diosan ka uisa ñu kara anu ꞌikë abi kamabi uninan ꞌinun uniokëxa.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.

Apocalipsis 1:1

Nucën Papa Diosan ca ënë quiricanu cuënëocë ñucama Jesucristo ismiaxa, xënibuiracëma ꞌaínshi ca ësai ꞌiti ꞌicë quixuan aín unicama isminun. Nucën Papa Diosan a ismicë ñucama aín unicaman ꞌunánun ca Jesucristonën aín ángel achúshi Juan isminun xuaxa.

Apocalipsis 1:11

Banai ësai quia cana cuan: —ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain. Ënuxunmi min iscë ñucama ñuiquin camina quiricanu cuënëoti ꞌain. Cuënëotancëxun camina axa ꞌëmi sinani ꞌëmi catamëcë unicama, mëcën achúshi ꞌimainun rabë́ ëmanu ꞌicë, acamami cuënëocë quirica buánmiti ꞌain, Efeso, Esmirna, Pérgamo, Tiatira, Sardis, Filadelfia, Laodicea, a ëmacamanu ꞌicë unicama a.

Apocalipsis 14:7

ca ësai munuma banaquin caxa: —Anun Nucën Papa Diosan camabi uni aín ñu ꞌacësabi oquin, uisa cara oti ꞌicë usoquin ꞌati nëtë ca uaxa. Usa ꞌain camina ami racuë́quin a rabiti ꞌain. An naícama, mecama, parúnpapacama, xëxácama unio, a camina rabiti ꞌain.

Apocalipsis 15:4

Nucën ꞌIbu Dios, ¿uix cara mimi racuë́tima ꞌic? ¿Uin cara mi rabitima ꞌic? Mixëshi camina upíira upí sinánñu ꞌain. Mix upí sinánñu ꞌixun ñu upíshi ꞌaia iscë ꞌixun ca camabi menu ꞌicë unicaman mimi sinánquin mi rabiti ꞌicën.

Apocalipsis 19:10

Quicëbë cana a rabinux a ángel tanáin rantin purúan. Usai ꞌiabi ca ꞌë caxa: —Usai ꞌiáxma ca ꞌit. Uicaman cara Nucën Papa Dios quicë bana unicama ñuixunia an ca Jesús ñuiquin an ꞌunánmicë banacama uni ñuixunia. Mibëtan ax Jesús quicë banacama quicësabi oi ꞌicë unicaman ꞌacësaribi oquin cana ꞌënribi ax quicësaribi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.

Apocalipsis 22:10

Usaquin catancëxun ca ësaquinribi ꞌë caxa: —Ënë quiricanu cuënëocë ñucama camina unpuquinma chanioquin ñuiti ꞌain, camabi unían ꞌunánun, anun ënë ñucama ꞌiti nëtë ca ꞌurama ꞌicë, usa ꞌain.

Apocalipsis 22:18

An ënë quiricanu cuënëocë bana iscë unicama cana ësaquin cain: —An ënë banacama isquinbi ax quicësama oquin bëtsi banacëñun mëscuquin ñuixuncë, a ca Nucën Papa Diosan ënë quiricanu cuënëocë banacamaxa uni tëmëramiti quicësabi oquin tëmëramiti ꞌicën.

Apocalipsis 22:7

Xënibucëma ꞌaínshi cana uti ꞌain. An, ënë bana quicësabi oi ca asérabi ꞌiti ꞌicë quixun sinánquin a bana cuacë unicama, ax ca cuëëinra cuëënti ꞌicën.

Apocalipsis 4:10

ca mëcën rabë́ ꞌimainun taë rabë́ ꞌimainun rabë́ ꞌimainun rabë́ a caniacëcë unicama an axa xënibua ꞌaínbi bamatimoi tsócë Nucën Papa Dios ami bësui, rantin puruni tsóbuquin a rabiia. Rabiquin ca curi ꞌacë mañuti atúan mañucë Nucën Papa Dios ꞌinánquin anua ax ꞌicë aín bëmánon nanquin rabiquin ësaquin caia:

Apocalipsis 9:20

ꞌAisamaira oquin ꞌatimocëxbia bamacëma unicamax ca sinanaquin, atun ñu ꞌaisama ꞌacëcama ëncëma ꞌiaxa. Ñunshin ꞌatimacama rabianan ca unin ꞌacë ñu, curi ꞌacë ꞌimainun uxua manë ꞌacë ꞌimainun panshían manë ꞌacë ꞌimainun maxax ꞌacë ꞌimainun i ꞌacë, a ñucaman isíma ꞌianan cuatíma ꞌianan nitsíamabi, a rabiquin an ꞌacësabi oquin ñu ꞌatima ꞌati ënquinma ꞌaxa.