Apocalipsis 22:11 - Kashibo-Kakataibo Biblia

¹¹ A nëtë ꞌurama ꞌaínbi ca an ñu ꞌatima ꞌacë unicaman an ꞌacësabi oquin ꞌati ꞌicën, axa ꞌuchacë unix ca usabii ꞌuchati ꞌicën, an upí ñu ꞌacë unin ca an ꞌacësabi oquin ꞌati ꞌicën, ax Nucën Papa Dios cuëëncësabi oi ꞌicë unix ca usabi ꞌiti ꞌicën.

Nukën 'Ibu Diosan ain unikama 'inan ain bana

¹¹ A nëtë 'urama 'aínbi ca an ñu 'atima 'acë unicaman an 'acësabi oquin 'ati 'icën, axa 'uchacë unix ca usabii 'uchati 'icën, an upí ñu 'acë unin ca an 'acësabi oquin 'ati 'icën, ax Nucën Papa Dios cuëëncësabi oi 'icë unix ca usabi 'iti 'icën.

Apocalipsis 22:11 Iomraidhean Croise

Eclesiastés 11:3

Nëtë kuin tunan kuatsinkë ax ka menu ꞌuí ꞌibúnuxa ꞌikë ꞌikën. ꞌIanan ka i aín tsipumiu ki bëukutia ꞌikatsi aín rëbumi ki bëukutia, ax uimiu kara bëukuaxa anubi rakatia.

Ezequiel 3:27

ꞌAínbi kana ꞌën mi ñu ñuikin kaisatankin amiribishi bananun ꞌimiti ꞌai, usakin ꞌimikëxun kamina ësakin kati ꞌain: Ësai ka Dios kiaxa. Uin kara kuatia an ka kuati ꞌikën, uin kara kuaisama tania an ka kuatima ꞌikën. Atux ka bana kuakëma unibuira ꞌikën.”

Mateo 15:14

Fariseo unicamaxa nishiabi camina isëshiti ꞌain. Atun Nucën Papa Diosan bana uni itsi ꞌunánmiti ꞌixunbi ca uisai cara quia quixun ꞌunanima. Ca bëxuñu unisa ꞌicën. Bëxuñu unin abë bëxuñu uni itsi buáncatsi quixun ꞌaíbi ca bëxuñu ꞌixun uin cuanti cara quixun ꞌunanima, a rabëtaxbi aman cuanx quininu nipacëti ꞌicën.

Mateo 21:19

Pananquiani cuanquin ca higuera cacë i, bai cuëbí nicë, isbiani anu cuanquinbi tuáñuma ꞌaísha aín pëchishi ocëxa. Usa ꞌicë isquin ca Jesusan cacëxa: —Min camina tuatëcëntima ꞌain. Usaquian cacëxëshi ca higuera i chushi xanáncëxa.

Mateo 25:10

Cacë́xa sinánñuma xanucama xënisa ñu bitsi cuancëbë ca an xanu biti uni uaxa. Aía atsíncëbë ca sinánñu xanucamaribi abëtan pinux xubunu atsíanxa. Atsíncëbëtan ca xëcuë xëocatëcëinsama oquin xëpuaxa.

Mateo 5:45

Usaquin ꞌacë ꞌaish camina asérabi mitsun Papa Dios axa naínu ꞌicë an sináncësabi oquin sináncë ꞌain. An ca camabi uni, upí uni ꞌimainun upíma uni aribia pëcanun bari urumianan camabi unin ñu ꞌapácë chabónun ꞌuíribi ꞌibúmia. Usaribi oquin camina camabi uniribi nuibaquin ꞌaquinti ꞌain.

Mateo 5:6

ꞌAcëñuma bamaia uni piti cuëëncësaribi oi Nucën Papa Diosan iscëx upí ꞌiti cuëëncë uni, a ca an usaía ꞌinun ꞌimiti ꞌicën. Usai ca ꞌiti ꞌicë quixun ꞌunani ca chuámarua tani cuëënia.

Juan 8:21

Jesusan ca amiribishi unicama cacëxa: —ꞌËx cana cuantëcënin. Cuancë bariquinbi camina mitsun ꞌë mëraiman. Mëraima camina ꞌuchañu ꞌaish usabi bamati ꞌain. Anu ꞌëx cuanti anu camina cuantima ꞌain.

Efesios 5:27

Usoquin ꞌimitancëx utëcënxun ca aín unicama uisa ꞌuchañumabi ꞌianan Nucën Papa Diosan iscëx atun ñu ꞌatima ꞌacë ëni upí ꞌicë isti ꞌicën.

2 Timoteo 3:13

Usaía ꞌimainun ca ꞌaisama unicama ꞌimainun an uni paráncë unicama, ax bëtsi unían paráncë ꞌixun atúnribi usaribi oquin uni paráncë ꞌaish axa ꞌiásamaira ꞌiti ꞌicën.

Judas 1:24

An ñu ꞌatima ꞌaxúnmami ꞌanun mitsu bërúanan an iscëxmi upí ꞌaish cuëëni aín nëtënu abë ꞌinun mitsu ꞌimiti, ax ca Nucën Papa Dios ꞌicën.

Apocalipsis 16:21

ꞌImainun ca ꞌuí ꞌaíshbi matsiira ꞌaish iru, acamax naínuax achúshi achúshinëx cuarenta (40) kilosa ꞌaish rëucubuaxa. Rëucubucëbëtan ꞌaisamaira oquin paë tani ca ami nishi a unicamax Nucën Papa Diosmi ꞌatimati banaxa.

Apocalipsis 22:3

Usa ꞌain ca Nucën Papa Diosan uisoquin cara ꞌati ꞌicë usoquin ꞌati ñu anu ꞌaíma ꞌiti ꞌicën. Anu ca Nucën Papa Dios ꞌimainun Carnero ꞌicësaribitia unin ꞌucha cupí bama, ax ꞌApu ꞌiti ꞌicën. Usa ꞌicë ca anuxun aín unicaman a rabiti ꞌicën.