Apocalipsis 21:21 - Kashibo-Kakataibo Biblia

²¹ A ëma aín xëcuëcama ca perla chaira ax po namë iscësa ꞌiaxa. Xëcuë achúshi achúshi ax ca perla achúshi ꞌiaxa. A ëman bai cha anu niti ax ca curi ꞌacë ꞌaíshbi bëxnan bëxnánquicësa ꞌiaxa.

Nukën 'Ibu Diosan ain unikama 'inan ain bana

²¹ A ëma aín xëcuëcama ca perla chaira ax po namë iscësa 'iaxa. Xëcuë achúshi achúshi ax ca perla achúshi 'iaxa. A ëman bai cha anu niti ax ca curi 'acë 'aíshbi bëxnan bëxnánquicësa 'iaxa.

Apocalipsis 21:21 Iomraidhean Croise

1 Reyes 6:20

Kata upíira a ꞌukëmëu ꞌikë aín chaxkë́ ka nueve metro ꞌianan, aín naxba nueve metroribi ꞌianan ka manámi ꞌikë axribi nueve metro ꞌiakëxa. Upíira kakë a bëtánain ka Salomónnën, ꞌanan anuxun ro xaroti kunxan ꞌamitankëxun upíira ꞌitánun kurin ronun ꞌamiakëxa.

Apocalipsis 17:4

A xanu anu tsócë ax ca aín chupa minanën pucucësa ꞌimainun ushían ꞌiaxa. ꞌImainun ca ñun curánan curi ꞌacë ꞌianan maxax upíira upí ꞌacë ꞌianan perla pañucë ꞌixun curi ꞌacë xanpa tuíncë ꞌiaxa. A xanpanu ca aín ñu ꞌaisama ꞌacëcama purucësa ꞌiaxa.

Apocalipsis 18:16

Iní ca ësai quiti ꞌicën: —ꞌImari ꞌitibi ca ꞌiaxa. A ëma cha anu ꞌicë unicamax ca xanun atun chupa upíira upí minanën pucucësa ꞌimainun ushíanën pucucë pañucësa ꞌiaxa. ꞌIanan ca xanu ñu cupíira cupí, curi ꞌacë, maxax upí ꞌacë, ꞌimainun perla, po namë́ iscësa, usa ñucaman mëníocacësa ꞌiaxa.

Apocalipsis 21:15

Axa ꞌëbë banacë ángel ax ca curi ꞌacë tsatiñu ꞌiaxa, anúan a ëma tupúanan aín xëcuëcama tupúanan aín cënëcamaribi tupúnti.

Apocalipsis 21:18

Cënëcë ax ca jaspe cacë maxax paxa ꞌaíshbi tunántani ꞌaish, nibaníbaquicë ꞌiaxa. ꞌImainun ca a ëmanu ꞌicë ñucama ax curi upí ꞌacë ꞌaish, bëxnan bëxnánquicësa ꞌiaxa.

Apocalipsis 22:2

A bacax ca a ëmanu ꞌicë bai cha anúnbi xobucë ꞌiaxa. A bacax ca ꞌunpax ꞌaíshbi Nucën Papa Diosan cushi anúan uni bamatimoi tsóti, a ꞌiaxa. A baca aín cuëbí rabë́ amo anu ca i achúshi ꞌiaxa. Camabi baritian ca a in mëcën rabë́ ꞌimainun rabë́ oquin tuaxa, ꞌuxë camabi. A bimix i bimisa ꞌaíshbi ca ax anúan uni bamatimoi tsóti, a ꞌiaxa. A i pëchix ca camabi menuax ucë uníxa anun ꞌinsíntëcëntimoi bucuti a ꞌiaxa.

Apocalipsis 4:6

Anua Nucën Papa Dios ꞌicë a bëmánon ca parúnpapa upí, bëxnan bëxnánquicë iscësa ꞌaíshbi ꞌunpáxma ꞌiaxa. Anua Nucën Papa Dios ꞌicë a nëbë́tsi ꞌianan a nëbë́tsioracë ca ꞌitsaira bëruñu rabë́ ꞌimainun rabë́ ñu, axa bamatimoi tsócë, axribi ꞌiaxa. Aín bëmánon ꞌitsaira bëruñu ꞌianan ca aín caxumiribi a ñu ꞌitsaira bëruñu ꞌiaxa.