Apocalipsis 20:4 - Kashibo-Kakataibo Biblia

⁴ Acama istancëxun cana anu tsóti cha bëtsi bëtsi isan. Anu ca an uni raíri ñu upí cara ꞌaxa, ñu upíma cara ꞌaxa quixun isti, acama tsócë ꞌiaxa. Acama isanan cana axa —ꞌëx cana Jesúsnan ꞌai —quiquin bana ñuixuncë cupí tëbíscacë unicama, ꞌimainun axa Nucën Papa Diosan bana cuacë cupí tëbíscacë unicama, acaman ñunshínribi isan. Acamax ca ꞌitsa maxcáñu ꞌianan ꞌitsa matúxca ñuinacanꞌëo a rabima, ꞌianan a tanquin unin ꞌacë ñu a rabima, ꞌianan ainan ꞌinun ꞌunántioquin aín bëmánan ꞌimainun aín mëcën cuënëocëma ꞌiaxa. ꞌËn iscëx ca acamax bama aíshbi baísquiaxa. Baísquitancëx ca Cristobë mil baritia ꞌapu ꞌiaxa.

Nukën 'Ibu Diosan ain unikama 'inan ain bana

⁴ Acama istancëxun cana anu tsóti cha bëtsi bëtsi isan. Anu ca an uni raíri ñu upí cara 'axa, ñu upíma cara 'axa quixun isti, acama tsócë 'iaxa. Acama isanan cana axa —'ëx cana Jesúsnan 'ai —quiquin bana ñuixuncë cupí tëbíscacë unicama, 'imainun axa Nucën Papa Diosan bana cuacë cupí tëbíscacë unicama, acaman ñunshínribi isan. Acamax ca 'itsa maxcáñu 'ianan 'itsa matúxca ñuinacan'ëo a rabima, 'ianan a tanquin unin 'acë ñu a rabima, 'ianan ainan 'inun 'unántioquin aín bëmánan 'imainun aín mëcën cuënëocëma 'iaxa. 'Ën iscëx ca acamax bama aíshbi baísquiaxa. Baísquitancëx ca Cristobë mil baritia 'apu 'iaxa.

Apocalipsis 20:4 Iomraidhean Croise

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Daniel 7:18

Usokin ꞌakë ꞌaínbi ka Dios manámi ꞌikë an kaískë unikama atúxa xënibua ꞌaínbi ꞌapu ꞌinun ꞌinánkë ꞌiti ꞌikën.

Daniel 7:22

usakin ꞌakëbëbi ukin ka uni apan ax bëbakin an ira Diosan kaískë uni ꞌakë unikama ꞌanun ꞌamiaxa, usakin ꞌatankëxun ka anuan ꞌati nëtë sënë́nkë ꞌain atúxa ꞌapu ꞌinun ꞌimiaxa.

Daniel 7:27

Usa ꞌain ka Dios manámi ꞌikë an a rabikë unikama atux kushiira ꞌixúan, xënibua ꞌaínbi bëtsi bëtsi menu ꞌikë ꞌapukama ꞌakinun ꞌimiti ꞌikën. Usokin ꞌakinkëxun ka kamabi menu ꞌikë unikaman ain bana tankin ax kikësabiokin ꞌakánti ꞌikën.

Daniel 7:9

Usai ꞌikëbëtan abi ꞌën iskëxun ka anu tsótikama nanxa, nankëbë ka anu achúshi uni apan tsóbuaxa. Aín chupax ka matsi uxua iskësa uxuira ꞌiaxa, ꞌimainun ka aín bu axribi xapu uxua upíira iskësa ꞌiaxa. Usa ꞌain ka anua tsókë anun mañakë ax tsi ërë́rukë iskësa usaribi ꞌiaxa,

Malaquías 4:5

Mitsun kamina ꞌunánti ꞌain: ꞌËn kana an ꞌën bana ñuikë Elías ꞌëx anun uti nëtë ꞌikëmapan ꞌain xuti ꞌain, a nëtëx ka achúshi nëtë chaiira ꞌaish ami rakuë́ti ꞌiti ꞌikën.”

Mateo 19:28

Cacëxun ca Jesusan aín ꞌunánmicë unicama cacëxa: —Asérabi cana ꞌën mitsu cain, uni ꞌinux anuax uá, ꞌëx Nucën Papa Diosan mëníosabi oi nëtë iótëcëncëbë ꞌapuira ꞌain camina, asérabi ꞌën bana cuacë ꞌaish mitsun ꞌëbë cushi ꞌixun Israelnën bëchicë mëcën rabë́ ꞌimainun rabë́ aín rëbúnqui judíoscamax cara atúan ñu ꞌacë cupí, uisai ꞌiti ꞌicë quixun cati ꞌain.

Mateo 24:10

Unían ami nishquin ꞌatimocëxun ca ꞌitsa unin ꞌëmi catamëti ënti ꞌicën. Usai ꞌi abë nishánanquin ca uni raíri, bëtsi unin ꞌatimonuxun binun ꞌinánti ꞌicën.

Marcos 6:16

Quia cuati ca Herodes quiacëxa: —Ax ca Juan, a ꞌën tëbíscamia, a ꞌicën. Usa ꞌaish ca ax bërí baísquiaxa.

Marcos 6:27

bënë́nquinshi aín suntáru achúshi Juanën maxcá isa bëxunun quixun xuacëxa.

Marcos 9:11

Ësai canantancëxun ca Jesús ñucáquin cacëxa: —¿Mixmi asérabi Cristo ꞌaínbi cara uisacatsi an Moisésnën cuënëo bana ꞌunáncë unicamax, Elías pain ca uti ꞌicë quin?

Lucas 1:17

Juan ax ca Nucën ꞌIbu Jesúsa unun ax pain rëcuë́ncuatsini uti ꞌicën. Ax ca Elías ꞌiásaribiti Nucën Papa Diosan cushiñu ꞌixun unicaman upí oquin sináncësaribi oquin aín bëchicë sinánun sinánmiti ꞌicën. Sinánmianan ca an aín bana cuaisama tancë unicama sinanamiquin, Nucën Papa Diosmi sinánun ꞌimiti ꞌicën. Usoquian ꞌimicëxun ca axa Nucën ꞌIbu Diosan xucëx ucëbëtan, Israel unibunën upí oquin aín bana cuati ꞌicën.

Lucas 14:14

Usa unicaman ca min ꞌacësaribi oquin miribi pi cuanun quixun camitima ꞌicën. Camicëma ꞌicëbi ca an iscë́xmi upí ꞌicë, anúan bama unicamax baísquiti nëtë ꞌicëbëtan Nucën Papa Diosan aín nëtënuaxmi cuëënun mi ꞌimiti ꞌicën.

Lucas 22:30

Usa ꞌixunmi ꞌën nëtënuxun ꞌëbëtan pianan, Israelnën bëchicë mëcën rabë́ ꞌimainun rabë́, aín rëbúnquicamax cara atun ñu ꞌacë cupí, uisai ꞌiti ꞌicë quixun canun cana mitsu ꞌimiti ꞌain.

Juan 14:19

ꞌItsama nëtë ꞌicëbëtan ca an Nucën Papa Diosan bana cuacëma unin ꞌë istëcëntima ꞌicën. Usa ꞌaínbi camina mitsun ꞌë istëcënuxun ꞌain. ꞌËx pain Nucën Papa Diosbë ꞌicë cupí camina usaribiti mitsúxribi abë ꞌinuxun ꞌain.

Romanos 11:15

Judíos unibunëx Cristomi catamëcëma ꞌaish Nucën Papa Diosnanma ꞌain ca judíosma unibu Cristomi catamëti Nucën Papa Diosnan ꞌia. Usa ꞌaínbi ca judíos unicamaxribi Cristomi catamëcë ꞌaish, uni bamacë ꞌaíshbi baísquicësa ꞌain, Nucën Papa Dios cuëëinra cuëënti ꞌicën.

Romanos 8:17

Aín bëchicë ꞌicë ca Nucën Papa Diosan ax quicësabi oquin nu ꞌaquianan aín nëtënu abë ꞌinun nu ꞌimiti ꞌicën. Ainan ꞌicë ca Nucën Papa Diosan Cristosaribi nu ꞌimiti ꞌicën. Cristonan ꞌixúnu tëmëraquinbi ax cuëëncësabi oquin ꞌati ëncëma ꞌicë ca Nucën Papa Diosan nuribi aín quicësabi oquin aín nëtënu Cristobë ꞌinun nu ꞌimiti ꞌicën.

2 Timoteo 2:12

Nucën Papa Dios ainan cupí tëmëraquinbi ëncëma ꞌaish cananuna abë ꞌapusa ꞌiti ꞌain. Usa ꞌaínbi ca nuxnu —ꞌëx cana Jesucristonën unima ꞌai —quicëbë axribi nu ñui —ax ca ꞌën unima ꞌicë —quiti ꞌicën.

Apocalipsis 1:2

Xucëxuan ismicëxun ca Juanën uisa ñu cara isaxa quixun cëmëquinma a ñucama cuënëoxa. Usaquin ca Juanën Nucën Papa Dios quicësabi oquian Jesucristonën a ismianan a ñuiquin cacë banacama cuënëoxa.

Apocalipsis 1:9

ꞌËx Juan ꞌaish cana mitsúxmi ꞌicësaribiti Jesúsnan ꞌaish mitsun xucë́nsa ꞌain. Mitsúxmi ꞌicësaribiti cana Jesucristonan cupí, unin ꞌatimocë ꞌaíshbi asérabi Nucën Papa Diosan uni ꞌain. Mitsu ꞌacësaribi oquian an cushiocëxun cana uisa ñu cara ꞌicëbëbi bënë́quin ami catamëti ëniman. Usa ꞌixun Nucën Papa Diosan bana ñuixuanan, Jesús ñui quicë banaribi uni ñuixuncë cupí cana Patmos cacë nasínu sipuacësa ꞌinun unin ëncë ꞌain.

Apocalipsis 11:11

Rabë́ ꞌimainun achúshi nëtë ꞌimainun nëtë itsi bari xamárucëbë ca a rabëtax bamaxbi Nucën Papa Diosan ꞌimicëx uinacëtëcëni niruaxa. Nirucëbë ca an atu iscë unicama ratuti racuë́ira racuë́axa.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.

Apocalipsis 11:3

A unicamaxa ꞌatimati anu nimainun cana an ꞌë ñuiquin unicama canun rabë́ uni xuti ꞌain. A uni rabë́ ax ca rabë́ olivos cacë iisa ꞌimainun rabë́ anu lamparín nanti ñusa ꞌicën. An ca ꞌën xucëxun ꞌaisamaira nëtë, mil doscientos sesenta, a nëtëcama ꞌë ñuiquin bana unicama ñuixunti ꞌicën. Atux ca masá nuitucë unían pañucësaribi chupa pañucë ꞌiti ꞌicën.

Apocalipsis 11:7

Atúan unicama bana ñuixuncë nëtëcama inúcëbë ca piánancë ñuinasa ñu, ax quini chaira ꞌaish nëmíinra, anuax chiquíti ꞌicën. Chiquítancëxun ca an unicama bana ñuixuncë rabë́, ami nishi abë ꞌacánanquin ñusmoquin bamamiti ꞌicën.

Apocalipsis 12:11

Aín unicama, nucën xucë́antu, ax ca Carnero ꞌicësaribitia unin ꞌucha cupí bama, ami catamëcë cupí atun ꞌucha tërë́ncë ꞌianan aín bana ënquinma sináncë ꞌaish, ñunshin ꞌatimanën ꞌapúan ꞌatima ñu ꞌamicëma ꞌiaxa. Atun ca axa ami nishcë unin bëtsi bëtsi ocëx bamatisa ꞌixunbi Nucën Papa Diosmi sinánti ëncëma ꞌicën.

Apocalipsis 14:11

Manë tsi anuxuan atun xënibua ꞌaínbi paë tanti, anuax ca aín cuin nëtëtima tëxëquiruia. Usai ca an parúnpapanuax uax ꞌirucë ñuinacanꞌëo, ꞌimainun a tanquian a iscësa oquin unin ꞌacë ñu a rabicë unicama, ꞌimainun ñuinacanꞌëon anë anu cuënëocë unicaman nëtë́timoquin nëtë́nbi imë́bi paë tanti ꞌicën.

Apocalipsis 15:2

Usoquin ángelcama isanan cana parúnpapa upí, bëxnan bëxnánquicë iscësa ꞌaíshbi ꞌunpáxma ꞌaish tsi rëquirucëcëñun mëscucë iscësa isan. Anu ca ꞌaisamaira uni, arpa, anun Nucën Papa Dios rabiti, a ñuñu sëtë́axa. A unicamax ca parúnpapanuax uaxa ꞌirucë ñuinacanꞌëo, a rabicëma, ꞌianan a tanquin unin ꞌacë ñu rabicëma, ꞌianan aín número aín bëmánan ꞌimainun aín mëcë́nu ꞌacëma ꞌiaxa.

Apocalipsis 17:8

A ñuinacanꞌëo a min iscë, ax ca ꞌiacëxa, ꞌaíshbi ca bërí ꞌaíma ꞌicën. Ca quini cha nëmíinra anu ꞌicën. Anu ꞌaíshbi ca anu xënibua ꞌaínbi paëira tani tëmërati anu cuanux, quini cha nëmíinra anuax chiquíti ꞌicën. A ñuinacanꞌëo anua xanu tsócë, axa parúnpapanu ꞌia, axa anu ꞌiá, ꞌaíshbi nëtë́a ꞌaish utëcënia isi ca a Nucën Papa Diosan nëtënu ꞌiti oquin nëtë ióñubi aín anë cuënëoma unicama, ax ratúira ratúti ꞌicën.

Apocalipsis 2:26

Axa aín bamati nëtë utámainun ꞌëmi catamëquin ꞌëx cuëëncësabi oi ꞌiti ëncëma uni, acama cana ꞌëx utëcënquin aín cushi ꞌixun camabi menu ꞌicë unicaman aín bana cuaquin aín quicësabi oquin ꞌanun ꞌaminun ꞌimiti ꞌain.

Apocalipsis 20:6

Uicamax pain cara baísquicë ꞌicë, acamax ca Nucën Papa Diosan ꞌimicëx aín nuitu upíira ꞌaish cuëëinra cuëënti ꞌicën. Bamatëcëntimoi ca xënibua ꞌaínbi Nucën Papa Diosbë ꞌiti ꞌicën. Bamatëcëntimoi ca Nucën Papa Dios ꞌimainun Cristo cuëënquin rabianan abë mil baritian ꞌapu ꞌiti ꞌicën.

Apocalipsis 22:5

Anu ca bëánquicë ꞌaíma ꞌiti ꞌicën. Anuxun ca Nucën ꞌIbu Diosanbi a ëma pëcati ꞌicën. Usa ꞌain ca lamparín ꞌimainun barin pëcacë anu ꞌaíma ꞌiti ꞌicën. Nucën Papa Diosbë ca anuax aín unicama xënibua ꞌaínbi ꞌapu ꞌiti ꞌicën.

Apocalipsis 3:21

ꞌAnan cana axa ꞌëmi catamëquin ꞌëx cuëëncësabi oi ꞌiti ëncëma unicamax ꞌëbë ꞌapu ꞌinun ꞌimiti ꞌain, ꞌëx tëmëraibi ax cuëëncësabi oi ꞌiti ëncëma ꞌicëa ꞌën Papan ꞌë abë ꞌapu ꞌinun ꞌimicësaribi oquin.

Apocalipsis 4:4

Anu ax tsócë aribi nëbë́tsioracë ca mëcën rabë́ ꞌimainun taë rabë́ ꞌimainun rabë́ ꞌimainun rabë́ anu tsóti itsi ꞌiaxa. Axa a anu tsótinu tsócëcamax ca mëcën rabë́ ꞌimainun taë rabë́ ꞌimainun rabë́ ꞌimainun rabë́ caniacëcë unicama ꞌiaxa. Acamax ca aín chupa uxua ꞌianan curi ꞌacë mañuti mañucë ꞌiaxa.

Apocalipsis 6:9

Usai ꞌicëbëtan ca Carnero ꞌicësaribitia unin ꞌucha cupí bama, an anúan quirica tacáshcacë ñu itsiribi pëóshaxa. Pëóshcëbëtan cana Nucën Papa Diosan bana cuanan, a banax ca asérabi ꞌicë quiax quicë cupí unin ꞌacë́xa bama unicaman ñunshin, anuxun ñuina xaroti bucúncë maxax, a tëmúcüa isan.

Apocalipsis 7:3

—Nun an Nucën Papa Dios quicësabi oquin ꞌacë unicama ꞌunánti oquin atun bëmánancama cuënëocëma pan ꞌain camina mecama ꞌimainun parúnpapacama ꞌimainun icamaribi ꞌatimotima ꞌain.