Apocalipsis 20:2 - Kashibo-Kakataibo Biblia

² Ubútancëxun ca a ángelnën capë́sa ꞌaíshbi pianancë ñuinacanꞌëo chaira, an bëráma runusa ꞌixun Nucën Papa Diosan uniotabatia uni paran ꞌixun camabi menu ꞌicë uni paráncë, ñunshin ꞌatimanën ꞌapu Satanás, a biquin mil baritia niaxma ꞌinun manë risin nëaxa.

Nukën 'Ibu Diosan ain unikama 'inan ain bana

² Ubútancëxun ca a ángelnën capë́sa 'aíshbi pianancë ñuinacan'ëo chaira, an bëráma runusa 'ixun Nucën Papa Diosan uniotabatia uni paran 'ixun camabi menu 'icë uni paráncë, ñunshin 'atimanën 'apu Satanás, a biquin mil baritia niaxma 'inun manë risin nëaxa.

Apocalipsis 20:2 Iomraidhean Croise

Génesis 3:1

Nukën ꞌIbu Diosan uniokë bëtsi ñuina raëkëma kamasamaira ka runu ꞌiakëxa, usa ꞌixun ka xanu ñukákëxa: —¿Asérabi kara Diosan i bimi naësa ënu ꞌikëkama ënë pixunma anun mi kax?

Génesis 3:15

ꞌËn kana mixmi xanubë nishananun ꞌimiti ꞌain, ꞌën ꞌimikëx ka min rëbúnki ꞌimainun xanun rëbúnki nishananti ꞌikën. Aín rëbúnkinën ka min maxkánu mi amánuxun ꞌaia, ꞌakëxun kamina aín taë tsipútunu ꞌanuxun ꞌain.

Job 1:7

Usai anu ukë ka Diosan ñukákëxa: —¿Uinuax kaina mix aín? Kixuan ñukákëxun ka axa paránankë ñunshin ꞌatimanën kakëxa: —ꞌËx kana kamabi mekama oi kuaínbëkini nitsin.

Mateo 19:29

Ësaquinribi cana mitsu cain, uinu ꞌicë unin cara ꞌëx cuëëncësabi oquin ꞌanuxun aín xucën, aín chirabacë, aín papa, aín tita, aín bëchicë, aín naë, añu ñu cara, abi ëanxa, a unix ca ëncë ñuñu ꞌicësamaira oi ñuñu ꞌiti ꞌicën. ꞌIanan ca Nucën Papa Dios quicësabi oi aín nëtënu abë nëtë́timoi ꞌiti ꞌicën.

Mateo 8:29

Usa ꞌixun ca a isi munuma cuëncë́nquin Jesús cacëxa: —¿Uisati caramina Jesús, Diosan Bëchicë, min nu ubíoin? ¿Anúnmi nu masóti nëtë ucëma pan ꞌaínbi caramina nu ubíoi uan?

Marcos 4:15

Anúan uni nicë me iru anu nipacëcë ñu bëru asaribi ca bëtsi bëtsi uni ꞌicën. Usa ꞌixuan Nucën Papa Diosan bana cuacëbëbi bënëtishi uxun ca ñunshin ꞌatimanën ꞌapu, Satanás, an sinánxma ꞌinun a cuacë banacama a manumia.

Marcos 5:7

Usaria ca Jesusan ñunshin ꞌatima cacëxa: —Ñunshin ꞌatima, ënë uninuax ca chiquit. Cacëxun ca munuma cuëncë́nquin Jesús cacëxa: —Dios, naínu ꞌicë, aín Bëchicë Jesús camina mix ꞌain. ¿Uisati caramina ꞌë ubíoin? Diosan cuamainun cana mi cain, ꞌë tëmëramixunma ca ꞌat.

Juan 12:31

Bërí ca ënë nëtënu ꞌicë unicama, cara ꞌëmi sinania, cara ꞌëmi sinanima quixun Nucën Papa Diosan isti ꞌicën. Isanan ca an ꞌëmi sináncëma unicaman ꞌapu, ñunshin ꞌatimanën ꞌapuribi ax cushi ꞌicëbi ꞌën unicama ꞌibuatimoquin ñusmoti ꞌicën.

Juan 16:11

An ënë nëtënu ꞌicë unicama ꞌibuacë ñunshin ꞌatimanën ꞌapu ca castícanuxun ꞌuchocë ꞌicën. Usa ꞌain ca axa ꞌëmi catamëcëma unicamanribi, usaribiti ca atux castícancë ꞌiti ꞌicë quixun ꞌunánti ꞌicën.

Romanos 16:20

Usoquin mitsun ꞌacëbëtan ca Nucën Papa Dios, an aín unicama chuámarua ꞌimiti, an ñunshin ꞌatimanën ꞌapu mitsu ubíotëcënxunma ꞌanun bënë́nquinshi ñusmamiti ꞌicën. Nucën ꞌIbu Jesucristonën mitsu nuibaquin ꞌaquincëx mitsux upí ꞌiti cana cuëënin.

Hebreos 2:14

Achúshi unin bëchicëcamax ca aín xucë́nsaribi ꞌia. Usaribiti ca Nucën Papa Diosan bëchicëcamaxa uni ꞌain, axribi uni ꞌinux Jesús uacëxa. Uni ꞌaish ca, an ñu ꞌatima ꞌati sinánmicë ꞌaísha Nucën Papa Diosbë uni ꞌitima ꞌicëbi ñunshin ꞌatimanën ꞌapu a ñusmonux bamati cupí, Jesús uni ꞌiacëxa.

1 Pedro 5:8

Paru ꞌinúan cuëë́rui aín piti bari nicësa, usaribiti ca ñunshin ꞌatimanën ꞌapu, uni ñu ꞌatima ꞌanun quixun sinánmianan Nucën Papa Diosmi sinánti ënminuxun bari nitsia. Usa ꞌain camina mitsua paránti rabanan bërúancati ꞌain.

2 Pedro 2:4

Nucën Papa Diosan ca axa ꞌuchacë ángelcama aín ꞌucha tërë́nquinma aín nëtënua chiquínquin anúan an camabi uni isti nëtë utámainuan, anu atux tëmërai ꞌiti, bëánquibucënu manë risin tëcërëcacësa ꞌaish anubi ꞌinun ꞌimiacëxa.

Judas 1:6

Angelcama raíri, axa Nucën Papa Diosan nëtënubi ꞌiti ꞌaíshbi anu ꞌiisama tancë cupí chiquía, ax ca anúan an camabi uni isti nëtë utámainuan bëánquibucënu uisatima manë risin tëcërëcacësa ꞌaish, anubi ꞌinun Nucën Papa Diosan ëan ꞌicën.

Apocalipsis 12:13

Usaía naínuax banaia ꞌën cuacëbëtan ca pianancë ñuina chaira maxë capë́sa an —naínua chiquínxun ca ꞌë menu niaxa —quixun ꞌunánquin, xanu axa bëbu tuá bacë́ncë, a ꞌatimonuxun nuiaxa.

Apocalipsis 12:15

Ñuina chaira capë́sa an ca a xanua bacan buántanun quixun aín cuëbitan ꞌunpax chaira, a caxuxun xucaxa.

Apocalipsis 12:17

Usai ꞌia isi ca ñuina chaira capë́sa ax ꞌaisamairai xuamati xanumi nishaxa. Nishi ca a xanun rëbúnqui raíri, an Nucën Papa Diosan bana quicësabi oquin ꞌacë ꞌianan an Jesucristomi sinánti ëncëma, a unicamabë ꞌacanani cuanxa.

Apocalipsis 12:3

A istancëxun cana bëtsi ñuribi naínua isan, ax ca pianancë ñuina chaira, maxë capë́sa ꞌiaxa. Aín maxcá ca mëcën achúshi ꞌimainun rabë́ ꞌiaxa. Usa ꞌaish ca aín maxcá achúshi achúshinu mañuti ꞌiaxa. Aín matúxcacama ca mëcën rabë́ ꞌiaxa.

Apocalipsis 12:4

Aín ina chaira anun ca maë́ncësoquin ꞌispacama nëbë́tsi, rabë́ ꞌimainun achúshi oquin tëacësa ꞌaíshbi amo ꞌicë achúshi menua nipacënun rëupaxa. Usoquin ꞌispa rëupatancëx ca bacënia aín tuá ꞌenux, tuñu xanu bëmánon niracëaxa.

Apocalipsis 12:9

Anua atux ꞌiti ꞌaíma ꞌain ca pianancë ñuina chaira maxë capë́sa a aín ángelcamacëñunbi Nucën Papa Diosan chiquínxun menu niaxa. A capë́sa ñuina ax ca an bëráma Nucën Papa Diosan uniotabatia uni paran ꞌaish ñunshin ꞌatimanën ꞌapu, Satanás, an camabi menu ꞌicë unicama paráncë a ꞌicën.

Apocalipsis 13:2

A parúnpapanuax uax ꞌirucë ñuinacanꞌëox ca paru ꞌinúansa ꞌianan aín taë xaë́on taësa ꞌianan aín cuëbitax ꞌinúan cuëbísa ꞌiaxa. A parúnpapanuax uax ꞌirucë ñuinacanꞌëo ca capë́sa ñuinacan aín cushi ꞌinánan, aín bana cuacësaribi oquin aín bana cuanan unicaman an sinánmicësa oquin ꞌanun ꞌimiaxa.

Apocalipsis 13:4

Parúnpapanuax uax ꞌirucë ñuinacanꞌëo a, aín cushi ꞌináncë cupí, ca capë́sa ñuina chaira a camabi menu ꞌicë unicaman rabiaxa. Rabianan ca parúnpapanuax uax ꞌirucë ñuinacanꞌëoribi rabi —asaribi ñu ca ꞌaíma ꞌicë —quianan ca —axa abë ꞌacananti ca ꞌaíma ꞌicë —quiaxa.

Apocalipsis 20:10

Usoquin cëñuanan ca ñunshin ꞌatimanën ꞌapu, an unicama paráncë, a ꞌianëmëꞌëosa manë tsi, anuaxa azufreribi rëquirucë, anu ꞌinun niaxa. Anua ꞌitsa maxcáñu ꞌianan ꞌitsa matúxcañu ñuinacanꞌëo a ꞌimainun bëtsi ñuinacanꞌëo an Nucën Papa Dios rabiquinma ñuinacanꞌëo rabinun quixun unicama paráncë, anu atux ꞌicë ca ñunshin ꞌatimanën ꞌapuribi anu niaxa. Anuxun ca acaman nëtë́nbi imë́bi xënibua ꞌaínbi nëtë́timoquin paë tanquin tëmërati ꞌicën.

Apocalipsis 20:7

Mil baritia inúcëbë ca Nucën Papa Diosan ꞌimicëx Satanás quini chaira anuax chiquíti ꞌicën.

Apocalipsis 9:11

A chanpucaman ꞌapu ax ca quini chaira ꞌaish nëmíinra anu ꞌicë ñunshíncaman cushi ꞌiaxa. A ñunshinan anëx ca hebreo banan cacë Abadón ꞌicën, griego banan cacë ca Apolión ꞌicën.