Apocalipsis 20:11 - Kashibo-Kakataibo Biblia

¹¹ Usaquin istancëxun cana anua ꞌapu tsóti uxua chaira isan, anu tsócë aribi cana isan. Iscëxbi ca ax anu ꞌain, me ꞌimainun naícama ꞌimainun anu ꞌicë ñucama nëtë́axa, nëtëti ca anua ax ꞌiti ꞌaíma ꞌiaxa.

Nukën 'Ibu Diosan ain unikama 'inan ain bana

¹¹ Usaquin istancëxun cana anua 'apu tsóti uxua chaira isan, anu tsócë aribi cana isan. Iscëxbi ca ax anu 'ain, me 'imainun naícama 'imainun anu 'icë ñucama nëtë́axa, nëtëti ca anua ax 'iti 'aíma 'iaxa.

Apocalipsis 20:11 Iomraidhean Croise

Génesis 18:25

¡Min usokin uni ꞌuchañuma këñun uni ꞌuchañukama, ꞌakin kamina a rabëtaxbi ꞌuchakësa ꞌikë ꞌati ꞌain! ¡Usakin ꞌaxuma ka at! Mix kamina ꞌapu ꞌaish kamabi kushiñu ꞌain kamabi menu, ¿usa ꞌixunmi usakin ñu ꞌakë ax kara minan asabi ꞌiti ꞌit?

Salmos 47:8

¡Dios ax ka kamabi menu ꞌikë unikaman ꞌapuira ꞌapu ꞌikën! ¡Usa ꞌaish ka Dios ax anua tsókë upíira anu tsótaxa!

Salmos 89:14

Min kamina achúshi ꞌapun ꞌakësokin upíira okin ñu ꞌain; usa ꞌixun kamina min kushínbi kamabi ñu ꞌakin ënkinma nu nuibati ꞌain.

Isaías 6:1

A baritian ꞌapu Ozías ñukë anun kana Dios anua tsókë manainra anuxunbia; aín chupa kuëxitan anun anuxun a rabiti xubu a mapukë isan.

Daniel 2:35

Usakian ꞌakëx ka bënëtishi, manë tunan, me tëi, manë panshian, manë uxua a ꞌimainun kuri akamaxi baritiañu me kupúkë iskësaribiti ꞌiaxa, ꞌianan ka baritiañu barionkin tákaia trigonën chua aín bëru a bërutamainun suñun aín chua chamarabi bërutanuma buánkë usaribiti ꞌiaxa. ꞌAínbi ka an ñu nitsínkë chakakë maxá chaiira ax aín bashi chaiira ꞌinun unikin mekama tsitsiruaxa.

Daniel 7:10

usa ꞌain ka tsi ërë́rukë ax ka achúshi baka iskësa ꞌaish a bëtánain chikíaxa. Usa ꞌain ka miles ꞌimainun miles unikaman ñu mëëxumainun, millones ꞌimainun millones unikama a bëtánain sëtë́kë ꞌiaxa, anuxun ka a bana usai anu sëtë́kankë ꞌain bana ñuikin pëukin kirika, anua usai uni ꞌikë kuënëokë akamaribi bakakë ꞌiaxa.

Mateo 11:22

Usa ꞌain cana mitsu cain, anúan an camabi uni aín ñu ꞌacë isti nëtën ca Tiro ꞌimainun Sidónu ꞌicë unicama ꞌacësamaira oquin Nucën Papa Diosan mitsu ꞌuchoquin castícanti ꞌicën.

Mateo 24:35

Naí, me, acamax ca cëñúti ꞌicën, ꞌaínbi ca ꞌën banaxa nëtë́imoi usabi ꞌain camabi ñu ꞌëx quicësabi oi asérabi ꞌiti ꞌicën.

Mateo 25:31

Usaquin catancëxun ca Jesusan aín uti nëtë ñuixuntëcënquin ësaquinribi aín ꞌunánmicë unicama cacëxa: —Uni ꞌinux Nucën Papa Diosnuax uá ꞌaish ꞌën cushínbi utëcëanx cana ꞌApuira ꞌinuxun ꞌain. Usa ꞌain ca ꞌëbë ꞌën ángelcamaribi ꞌiti ꞌicën.

Romanos 2:5

Usa ꞌaínbi camina min sinan ꞌaisama ꞌaish sinanaisama tan. Usai ꞌiquin camina ënquinma camabi nëtën ꞌatima ñuishi sinánquin usaquin ꞌain. A cupí camina anúan Nucën Papa Diosan ꞌuchañu unicama aín ꞌucha cupí castícanti, a nëtën ꞌaisamaira oquin castícancë ꞌinuxun ꞌain.

2 Pedro 3:7

Usa ꞌaínbi ca naí ꞌimainun mecama anúan Nucën Papa Dios quicëbëtainshi tsin cëñuti nëtë utámainun usabi ꞌiti ꞌicën. A nëtën ca an ñu ꞌatima ꞌacë unicama Nucën Papa Diosan uisa cara oti ꞌicë usoquin ꞌati ꞌicën.

Apocalipsis 12:8

ꞌAcananquin ca Miguel ꞌimainun aín ángelcaman, pianancë ñuina chaira maxë capë́sacëñun aín ángelcama ñusmoxa. Ñusmocëbë ca Nucën Papa Diosan nëtënu anua atux ꞌiti ꞌaíma ꞌiaxa.

Apocalipsis 16:20

Mecama shaíquicëbë ca nasícama ꞌimainun matá me ꞌimainun aín bashicamaribi ꞌaíma ꞌinun nëtë́axa.

Apocalipsis 19:11

Usaquin ángelnën cacëxun cana naí panárabëcë isan. Anuaxa caballo uxua chiquitia cana isan. Ax a caballonu tsócë, ax ca Aín Quicësabi Oquin ꞌAcë caquin anëcë ꞌianan ca An Uni Paráncëma caquin anëcë ꞌiaxa. Usa ax ꞌixun ca ꞌatima unicama a uisoquin cara ꞌaisa tania usoquin castícanan axa upí sinánñucama a upí oia.

Apocalipsis 20:2

Ubútancëxun ca a ángelnën capë́sa ꞌaíshbi pianancë ñuinacanꞌëo chaira, an bëráma runusa ꞌixun Nucën Papa Diosan uniotabatia uni paran ꞌixun camabi menu ꞌicë uni paráncë, ñunshin ꞌatimanën ꞌapu Satanás, a biquin mil baritia niaxma ꞌinun manë risin nëaxa.

Apocalipsis 21:1

Usaquin istancëxun cana a pain unio naí, me, parúnpapa, acamaxa nëtë́cë ꞌaish ꞌaíma ꞌain, naí ió ꞌimainun me ióribi isan.

Apocalipsis 21:5

A bana ꞌën cuacëbë ca Nucën Papa Dios, axa anu ꞌApuira ꞌaish tsócë, ax ësai quiaxa: —Camina ꞌunánti ꞌain, cana camabi ñu ió ꞌinun ꞌatëcënin. Quianan ca ësairibi quiaxa: —ꞌËx quicësabi oi ca asérabi ꞌiti ꞌicën. Usa ꞌain camina ꞌëx quicë banacama ënë cuënëoti ꞌain.

Apocalipsis 4:2

Cacëxunshi Nucën Papa Diosan Bëru Ñunshin Upitan ꞌimicëxun cana ꞌuxúnmabi namácësa oquin naicamëꞌëonua anu tsóti upíira upí anu ꞌApuira tsóti, a isan. Isanan cana axa anu tsócë Nucën Papa Dios aribi isan.

Apocalipsis 6:14

Quirica taráncësa ꞌinun taramëti ca naicamëꞌëo nëtë́axa. ꞌImainun ca aín bashicama ꞌimainun nasícama anua ꞌicënuax tacúaxa.