Apocalipsis 20:1 - Kashibo-Kakataibo Biblia

¹ Usaquin istancëxun cana ángel naínuax ubutia isan. A ángelnëx ca quini chaira, anun aín xëcuë xëocati ñu a tuíanan, manë risi chaira aribi tuíncë ꞌiaxa.

Nukën 'Ibu Diosan ain unikama 'inan ain bana

¹ Usaquin istancëxun cana ángel naínuax ubutia isan. A ángelnëx ca quini chaira, anun aín xëcuë xëocati ñu a tuíanan, manë risi chaira aribi tuíncë 'iaxa.

Apocalipsis 20:1 Iomraidhean Croise

Lucas 8:31

Cacëbëtan ca ñunshin ꞌatimacaman, quini cha nëmínra, anu ñunshin ꞌatima ꞌicë, anu xuxunma ꞌanun quixun bënë́quin cacëxa.

2 Pedro 2:4

Nucën Papa Diosan ca axa ꞌuchacë ángelcama aín ꞌucha tërë́nquinma aín nëtënua chiquínquin anúan an camabi uni isti nëtë utámainuan, anu atux tëmërai ꞌiti, bëánquibucënu manë risin tëcërëcacësa ꞌaish anubi ꞌinun ꞌimiacëxa.

Judas 1:6

Angelcama raíri, axa Nucën Papa Diosan nëtënubi ꞌiti ꞌaíshbi anu ꞌiisama tancë cupí chiquía, ax ca anúan an camabi uni isti nëtë utámainuan bëánquibucënu uisatima manë risin tëcërëcacësa ꞌaish, anubi ꞌinun Nucën Papa Diosan ëan ꞌicën.

Apocalipsis 1:18

ꞌËx cana axa bamatimoi tsócë a ꞌain. Bamatancëx baísquia ꞌaish cana bamatëcëntimoi tsotin. Ui unicamax cara uiti nëtën tsóti ꞌicë, uisa nëtën cara bamati ꞌicë quixun cana ꞌën mëníoin. Bamatancëx cara aín ꞌucha cupí anuax uni tëmëracë anu cuanti ꞌicë, cara anua aín ꞌucha tërë́ncë uni ꞌicë anu cuanti ꞌicë quixun cana mëníoin.

Apocalipsis 10:1

Bëtsi ángel cushiira, axribia naínuax aia cana isan. Ax ca nëtë cuin mëu nicësa ꞌianan aín maxcá manámi nónbai ꞌimainun aín bëmánan bari pëquicësa ꞌiaxa. ꞌIanan ca aín quisi rabë́ tsi rëquiruia iscësa ꞌiaxa.

Apocalipsis 18:1

Usai ꞌicëbëtan cana bëtsi ángel naínuax aia isan. Ax cushiira ꞌixun ca aín pëcacën mecama pëcaxa.

Apocalipsis 20:3

Usoquin nëatancëxun ca quini chaira anu nipáxa. Nipátancëxun xëpuquin ca uinu ꞌicë unínbi xëocaisama oquin ꞌunántioxa. Anuaxa unicama parántëcënux chiquitima, anu mil baritian sipuacë ꞌinun ca ángelnën a capë́sa ñuina nëaxun quini chairanu nipáxun xëpuaxa. Usaquin nipácë ꞌaish ca mil baritia ꞌicëbëtan chiquíncë ꞌiti ꞌicën, ꞌuráinra ꞌinuxmabi.