Apocalipsis 2:23 - Kashibo-Kakataibo Biblia

²³ ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.

Nukën 'Ibu Diosan ain unikama 'inan ain bana

²³ 'Anan cana a xanun 'unánmicë 'ixuan an 'atima ñu 'acë unicamaribi aín tuása 'icë acama bamamiti 'ain. 'Ën usaquin 'acëbëtan ca camabi ëmanu 'icë axa 'ëmi catamëcë unicaman 'unánti 'icën, 'ën cana camabi unían sináncë ñu 'unanin, uisaquin cara aín nuitu mëu sinania quixunribi cana 'unanin. 'Unánquin cana an upí oquin sinánquin ñu 'acë uni axa upitax 'inun 'imianan, an 'atima ñu 'acë uni a aín 'ucha cupí uisoquin carana 'ati 'ai usoquin 'ati 'ain.

Apocalipsis 2:23 Iomraidhean Croise

Salmos 139:1

Nukën ꞌIbu min kamina uisa karana, ꞌëx ꞌai kixun upíokin ꞌunanin;

Jeremías 20:12

Nukën ꞌIbu kamabi kushiñuira, min kamina upí unikaman ñu ꞌakë a ꞌunanin, min kamina unin aín nuitu ꞌukëmëu ñu ꞌaisatankin sinánkë, akamabi ꞌunánin, ꞌën kana ꞌëmi ꞌakinun mi ñukan, usa ꞌain kamina uisakin kaina a unikama tëmëramiti ꞌai a ꞌë ismiti ꞌain.

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Lucas 16:15

ꞌUsáncëxun ꞌunánquin ca Jesusan cacëxa: —Mitsux isamina upí ꞌai quixuan unin isnun quixun camina mitsux cuëëncë ñuishi ꞌain. Usa ꞌaínbi ca Nucën Papa Diosan mitsun nuitu mëúmi sináncë a ꞌunania. Ax isa upí ꞌicë quixuan unin sináncë uni a ca Nucën Papa Diosan aín nuitu ꞌunánquin upíma isia.

Juan 21:17

Rabë́ oquin catancëxun ca amiribishi catëcëancëxa: —Jonásnën bëchicë, Simón, ¿caramina ꞌë nuibatin? Rabë́ ꞌimainun achúshi oquian —caramina ꞌë nuibati —quixun cacëxun ca Simón Pedronën —¿uisoti cara ꞌë ꞌitsoquin ñucatia? —quixun sinani masá nuituquin cacëxa: —ꞌËn ꞌIbu, min camina camabi ñu ꞌunanin. Usa ꞌixun camina ꞌën cana mi nuibati quixun ꞌunanin. Quia ca Jesusan cacëxa: —ꞌËn carnero ca piminuxun ꞌat.

Juan 4:16

Cacëxun ca Jesusan cacëxa: —Min bënë cuënbëtsini ca abë utan.

Hechos 1:24

Usotancëxun abë banaquin ca Pedronën Nucën ꞌIbu Dios cacëxa: —An nubëtan mi ñu ꞌaxunun min caíscë ꞌaíshbi ca Judas mi ñu ꞌaxuanxmabi aín ꞌucha cupí anu ax cuanti anu cuanxa. Usa ꞌain camina camabi unían aín nuitunën sináncë ñu ꞌunáncë ꞌixun, min ënë uni rabë́ uiira caramina Judasnën ñu mëëti ꞌanun caísa quixun nu ismiti ꞌain.

Romanos 14:12

Usoxun ca Nucën Papa Diosan nu achúshi achúshi uisa ñucama caranuna ꞌacën, uisai caranuna ꞌiacën, acama ꞌunánquin, uisa cara oti ꞌicë isti ꞌicën.

Romanos 8:27

An ca Nucën Papa Dios cuëëncësabi oquin aín unicama a ñucáxunia. Usa ꞌain ca Nucën Papa Dios, an camabi unin nuitu mëu sináncë ñu ꞌunáncë, an uisa ñu cara aín Bëru Ñunshin Upitan nu ñucáxunia a cuatia.

2 Corintios 5:10

Utëcëntancëxun ca Cristonën unicama achúshi achúshi uisaquin cara ënë nëtënuxun ñu ꞌaxa quixun isti ꞌicën. Usoquin ca, atun ñu ꞌacë cara upí ꞌicë, cara upíma ꞌicë quixun isti ꞌicën. Atun ñu ꞌacësabi oquin istancëxun ca raíri ax cuëëncësabi oquin ꞌacë, axa cuëënun ꞌimianan raíri an aín bana quicësabi oquin ꞌacëma uni a uisoquin cara ꞌati ꞌicë usoquin ꞌati ꞌicën.

Gálatas 6:5

Cristonan ꞌixun ca unin uisa cara aín sinan ꞌicë quixun sinánan uisa ñu cara ꞌati ꞌicë quixun anbi sinánti ꞌicën.

Deuteronomio 13:11

Ësokin mitsun a unikama ꞌaia isí ka Israel unikama bëtsi ñu atún ꞌakësokin ꞌatimi rakuë́ti ꞌikë kixun ka Moisésnën kakëxa.

Deuteronomio 19:20

Usakin ꞌaia isi rakuë́kin ka aín patsan kamax ñu ꞌatimaira ꞌati sinanima rakuë́ti ꞌikën.

Hebreos 4:13

Axa an unio ꞌaish Nucën Papa Diosmi unë́ti uisa ñubi ca ꞌaíma ꞌicën. An uni aín ñu ꞌacë cupí, uisa cara oti ꞌicë quixun ꞌunáncë, Nucën Papa Dios, an ca camabi ñua unin ꞌaia ꞌunánan aín nuitu mëúa chiquinaquinma sináncë ñubi ꞌunania.

1 Pedro 1:17

Nucën Papa Diosan ca camabi uni uisa ñu cara ꞌaxa quixun isia. Usa ꞌain camina mitsun —Nucën Papa Dios ax ca ꞌën Papa ꞌicë —quixun sinani aín nëtënu ꞌinux ënë nëtënu pan ꞌiquin ñu ꞌatima ꞌatimi racuë́quin upí ñuishi ꞌati ꞌain.

Apocalipsis 2:11

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma uni, ax ca bama ꞌaíshbi baísquitancëx Nucën Papa Diosan nëtënu bamatëcëntimoi ꞌiti ꞌicën. A unicamax ca anu axa ꞌëmi catamëcëma unicama bamatëcëncësa ꞌiti anu ꞌitima ꞌicën.

Apocalipsis 2:7

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma uni, a cana Nucën Papa Diosan nëtënu ꞌicë i, aín bimi a cüax bamatima, a cunun ꞌinánti ꞌain.

Apocalipsis 20:12

Usaquinribi isanan cana axa bama unicama, uni cushibu ꞌimainun uni cushimabu, acamaxa baísquitancëx anua Nucën Papa Dios ꞌicë aín bëmánon sëtë́cë isan. A unicamaxa sëtë́mainun ca quirica achúshi, anu ui unicamax cara Nucën Papa Diosbë ꞌiti ꞌicë quixun aín anë cuënëocë, ax bacacë ꞌiaxa. A isanan cana bëtsi quiricacamaribi isan. A quiricacamanu ca añu ñucama cara unicaman ꞌaxa quixun cuënëocë ꞌiaxa. A quiricacama isquin ca Nucën Papa Diosan unin cara upí ñu ꞌaxa, cara upíma ñu ꞌaxa quixun isaxa. Isun ca aín ñu ꞌacësabi oquin mëníonan an ñu upí ꞌacë uni upí ꞌimainuan an ñu upíma ꞌacë unicama tëmëranun ꞌimiaxa.

Apocalipsis 20:13

Bama unicama ꞌimainun ca parúnpapanuax bacamiquia camaxribi baísquiaxa. Baísquia ca uisoquin cara ñu ꞌatima ꞌaxa, usoquinribi Nucën Papa Diosan uisoquin cara ꞌati ꞌicë usoquin ꞌaxa. ꞌAnan ca uisoquin cara ñu upí ꞌaxa usaribi oquin a upitia bamatimoi abë tsonun ꞌimiaxa.

Apocalipsis 22:12

Xënibucëma ꞌain cana uti ꞌain. Uquin cana an ñu upí ꞌacë ꞌën unicama uisoquin cara ñucama ꞌaxa, usaribi oquin cupíoquin cuëënun ꞌimiti ꞌain.

Apocalipsis 6:8

Cuaquin isquin cana bëtsi caballo, curua, chiquitia isan. Axa anu tsócë uni aín anëx ca Bamati cacë ꞌiaxa. An Bamati cacë uni a nuibiancë, a unix ca Anua Uni Bamacë ꞌIti caquin anëcë a ꞌiaxa. A uni rabë́ ca, ënë menu ꞌicë unicama ꞌaisamaira ꞌaísha nëbë́tsi, rabë́ ꞌimainun rabë́ oquin tëacësa ꞌicëbia amo ꞌicë achúshi cëñunun Nucën Papa Diosan ꞌimiaxa. Usaquin ꞌimicëxun ca a uni rabëtan ꞌacananía ꞌaisamaira uni bamanun ꞌimianan ꞌacëñuma ꞌaísha ꞌaisamaira uni bamanun ꞌimianan ꞌinsinan ꞌaisamaira uni bamanun ꞌimianan axa piánancë ñuinacan picë́xa ꞌaisamaira uni bamanun ꞌimiaxa.

1 Samuel 16:7

ꞌAínbi ka Nukën ꞌIbun kakëxa: “Uisa kara kixun ñachanan kamina uiti chaxkë́ kara kixun istima ꞌain, ꞌëx kana ax ꞌiti kuëëniman. ꞌËx kana unin iskë ñu ñui kikëma ꞌain; unin ka uisa kara bëtsi uni ꞌikë kixun isia, usa ꞌaínbi kana ꞌën uisakin kara unin sinania a ꞌunanin.”