Apocalipsis 19:8 - Kashibo-Kakataibo Biblia

⁸ Usa ꞌain ca aín unicama chupa chuañuma, uxua upíira pañucësa ꞌicën. Banaia ësai quia cana cuan. Axa Jesucristomi catamëcë unicaman pañucë chupa, ax ca aín nuitu upí ꞌixun upí ñu ꞌacë a ꞌunántiocë ꞌicën.

Nukën 'Ibu Diosan ain unikama 'inan ain bana

⁸ Usa 'ain ca aín unicama chupa chuañuma, uxua upíira pañucësa 'icën. Banaia ësai quia cana cuan. Axa Jesucristomi catamëcë unicaman pañucë chupa, ax ca aín nuitu upí 'ixun upí ñu 'acë a 'unántiocë 'icën.

Apocalipsis 19:8 Iomraidhean Croise

Proverbios 31:22

ꞌAínbi ka anúan rakuti chupa aín mëkënanbi ꞌaia, ꞌanan ka chupa upíira aín mëkënanbi ꞌakë aribi pañuia.

Isaías 61:10

¡Uisai karana ꞌëx Nukën ꞌIbumi chuámarua tani kuëënti ꞌain! Diosan ka kuëëira kuëënun ꞌë ꞌimiaxa, usa ꞌixun ka, ¡kamabi ñu kanankin ꞌanun ꞌë ꞌamiaxa! Usa ꞌain kana an xanu biti unían mëníokakin mañuti mañukësa ꞌianan, achúshi xanun birakanuxun mëníokin ain ñu ꞌupíikama pañukë usaribi ꞌain.

Mateo 17:2

Anu cuantancëx ca a unicaman ismainunbi Jesús bëtsiacëxa. Bëtsii ca barin pëcacësa ꞌinun aín bëmánan ichúacëxa. Aín chuparibi ca uxuira ꞌaish bari upí uruia iscësa ꞌiacëxa.

Mateo 22:12

Usa ꞌicë isquin ca ꞌapun a uni caxa: ¿Uisa ꞌaish caramina mix ënu atsínuxun pañuti chupa pañuaxmabi ënu atsían? Cacëxbi ca a uni banaima tsóaxa.

Marcos 9:3

Bëtsicëbë ca aín chupa uxuira ꞌaish chabachabaquicësa ꞌiacëxa. Usa ꞌaish ca ënë menu ꞌicë unínbia chupa chacaquinbi uxuocësamaira ꞌaish uxuira ꞌiacëxa.

Lucas 24:4

ꞌAímoi ratuti ca sináncasmacëxa. Usai ratúquian atun iscëxbi ca rabë́ uni, chupa chaba chabaquicë pañucë, a rapasu ꞌiacëxa.

Hechos 1:10

Usai ꞌia manámi bësuquin isabacëbëbi ca uni rabë́ tari uxua pañucë atu nëbë́tsi ꞌiacëxa.

Romanos 13:14

Usa ñucama ëni camina Nucën ꞌIbu Jesucristonën mitsu usai ꞌinun quixun sinánmicësabi oi ꞌiti ꞌain. Ënë nëtënu ꞌicë ñuishi sináncë uni an ñu ꞌatima ꞌacësaribi oquin ꞌati camina sinántima ꞌain.

Romanos 3:22

Camabi uni an Jesucristomi catamëquin —aín quicësabi oquin ca ꞌën ꞌuchacama tërë́nti ꞌicë —quixun ꞌunáncë, acama ca Nucën Papa Diosan upí isia. Jesucristomi catamëcë cupíshi ca an judíos uni ꞌimainun judíosma uniribi upí isia.

Apocalipsis 15:4

Nucën ꞌIbu Dios, ¿uix cara mimi racuë́tima ꞌic? ¿Uin cara mi rabitima ꞌic? Mixëshi camina upíira upí sinánñu ꞌain. Mix upí sinánñu ꞌixun ñu upíshi ꞌaia iscë ꞌixun ca camabi menu ꞌicë unicaman mimi sinánquin mi rabiti ꞌicën.

Apocalipsis 15:6

Xëóquicëbë ca ángel, axa anun menu ꞌicë unicama ꞌaisamaira oquin tëmëramiti ñuñu mëcën achúshi ꞌimainun rabë́, acamax anuax chiquíaxa. Aín chupax ca xapusa ñu uxuira ꞌacë, ꞌianan chuañuma upíira upí ꞌiaxa. Anúan shitëcërëquicë ax ca curi ꞌacë ꞌiaxa.

Apocalipsis 19:14

Axa naínu ꞌicë caballo uxuanu tsócë ax chiquitia ca aín caballo uxuanu tsotax naínuax chiquíquin axa abë ꞌicë unicaman a nuibianxa. An nuibiancëcamax ca chupa uxua upíira upí chuañuma pañucë ꞌiaxa.

Apocalipsis 3:18

Mitsúxmi usai ꞌinúnma cana mitsu ꞌësëquin ësaquin cain: Curi manë ax ca ꞌitsísirocëx aín chuacama nëtëtia. Nëtë́cëbë ca aín upíshi bërutia. Usaribi oquin asérabi mitsun nuitu upí ꞌinun ꞌën mitsu ꞌiminun camina ꞌë ñucáti ꞌain. Mitsun ꞌatima ñu ꞌacëcama tërë́ncë ꞌianan ꞌëmi sinánquin ñu upí ꞌacë ꞌaish chupa uxua pañucësa ꞌinun ꞌën mitsu ꞌiminun camina ꞌë ñucáti ꞌain. Mitsun uisa ñu ꞌati cara ꞌatima ꞌicë, uisa ñu ꞌati cara upí ꞌicë quixun upí oquin ꞌunáncëma ꞌaish bëxuñu unisa ꞌixunbi, acama mitsu ꞌunánminun camina ꞌë ñucáti ꞌain.