Apocalipsis 19:12 - Kashibo-Kakataibo Biblia

¹² Aín bëru rabë́ ca tsi rëquirucë ënxáira iscësa ꞌiaxa. Axa asérabi ꞌapuira ꞌain ca ꞌapun mañuti ꞌitsaira aín maxcánu ꞌiaxa. Aín anë cuënëocë ꞌicë ca uinu ꞌicë unínbi uisai quicë cara a ꞌicë quixun ꞌunántima ꞌicën, ainshi ca ꞌunania.

Nukën 'Ibu Diosan ain unikama 'inan ain bana

¹² Aín bëru rabë́ ca tsi rëquirucë ënxáira iscësa 'iaxa. Axa asérabi 'apuira 'ain ca 'apun mañuti 'itsaira aín maxcánu 'iaxa. Aín anë cuënëocë 'icë ca uinu 'icë unínbi uisai quicë cara a 'icë quixun 'unántima 'icën, ainshi ca 'unania.

Apocalipsis 19:12 Iomraidhean Croise

Génesis 32:29

—Bërí kamina ꞌë kati ꞌain, uisakin anëkë karamina mix ꞌain —kixun ka Jacobnënribi ñukákëxa. ꞌAínbi ka uni an kakëxa: —¿Uisoti karamina ꞌën anë ꞌë ñukatin? Usokin kakëxun anuxun upíokin sinánxunbiani ka a uni kuankëxa.

Salmos 8:5

Nukama kamina mi ꞌiskësaribi ꞌitánun uniokën, ꞌanan kamina ꞌapu ꞌakësaribi okin nu bërúankën.

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Zacarías 9:16

A nëtë ꞌikëbëtan ka Diosan, aín unikama ië́mikin an ñuina bërúankë unían aín ñuina ꞌakësaribi okin bërúanti ꞌikën, usakin ꞌakëx ka aín unikama atun ëmanuabi upíira maxákama aín maitinu purukë ꞌichúkë usai ichuti ꞌikën.

Mateo 11:27

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Mateo 21:5

Sión cacë ëma, anu ꞌicë unicama camina cati ꞌain: Bërí ca mitsun ꞌapu aia, uni chacama ꞌicësaríma ca burro xanun tuánu tsotax aia.

Mateo 28:18

Usoquian rabicëxun ca Jesusan a rapasu cuanquin atu cacëxa: —ꞌËn Papa Diosan ca naínuxun ꞌanan menuxunribi añu ñu carana ꞌaisa tani a ꞌëx cuëëncësa oquin ꞌanun aín cushi ꞌë ꞌinánxa.

Lucas 10:22

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Juan 17:11

Ënë nëtënu cana ꞌëx tiquiman, cana mibë ꞌi cuanin. ꞌËx cuancëbë ca atux ënë nëtënu bërúti ꞌicën. Mix ꞌuchañuma ꞌaish upíira ꞌianan cushiira ꞌixun camina minmi minan ꞌinun ꞌëmi sinánmicë unicama ënë bërúanti ꞌain. ꞌËx mibë ꞌicësaribitia atux bëtsibë nuibanani achúshi sinánñuishi ꞌaish achúshisa ꞌinun camina atu bërúanti ꞌain.

Juan 17:12

Ënë nëtënu atubë ꞌixun cana minmi ꞌë ꞌináncë unicama min cushínbi bërúan. ꞌËn bërúancëxun ca acama achúshinënbi ꞌëmi sinánti ëncëma ꞌicën. Usa ꞌaínbi ca achúshi uni axa usai ꞌiti ꞌia, an cuni ꞌëmi sinánti ëanxa, a ñuia min bana cuënëo quicësabi oquin.

Efesios 1:21

Usai ꞌinúan ꞌimicëx ca Cristo ax, a unin iscë ꞌapu ꞌimainun a unin iscëma ꞌapuribi ꞌimainun uisa cushi cara, ꞌimainun uisa ꞌapu cara, uisaquin caquin anëcë cara, acamabë sënë́nmaira ꞌicën. Usa bërí ꞌaish ca ënë nëtë cëñúcëbëribi usai ꞌiti ꞌicën.

Hebreos 2:9

Usa ꞌaínbi cananuna Jesús ꞌunanin. A ca Nucën Papa Diosan, usabi ꞌinuxmabi ënë menu uni ꞌaish ángelcama meura ꞌinun xuacëxa. Unicama nuibaquian Nucën Papa Diosan sinánsabi oi ca ax camabi unin ꞌucha cupí bamacëxa. Usa ꞌicëbi ca paë tani bamacë cupí baísquimitancëxun Nucën Papa Diosan aín nëtënu abë ꞌApu ꞌinun ꞌimiacëxa. Usa ꞌicëbi ca paë tani bamacë cupí baísquimitancëxun Nucën Papa Diosan aín nëtënu abë ꞌApu ꞌinun ꞌimiacëxa.

Apocalipsis 1:14

A uni ca aín maxcánu ꞌicë aín bu uxua ꞌaish carnero rani uxuira iscësa ꞌianan matsi uxuira iscësaribi ꞌiaxa. ꞌIanan ca ax cushiira ꞌaish aín bëru rabë́ tsi rëquirucë ënxáira iscësa ꞌiaxa.

Apocalipsis 12:3

A istancëxun cana bëtsi ñuribi naínua isan, ax ca pianancë ñuina chaira, maxë capë́sa ꞌiaxa. Aín maxcá ca mëcën achúshi ꞌimainun rabë́ ꞌiaxa. Usa ꞌaish ca aín maxcá achúshi achúshinu mañuti ꞌiaxa. Aín matúxcacama ca mëcën rabë́ ꞌiaxa.

Apocalipsis 13:1

Usai ꞌicëbëtan cana parúnpapa masinu nixun ñuinacanꞌëo parúnpapanuax uax ꞌiruia isan. A ñuinacanꞌëo ax ca aín matúxcanëx mëcën rabë́ ꞌimainun aín matúxcanu ꞌicë mañutiribi mëcën rabë́ ꞌiaxa. Usa ꞌaish ca aín maxcataxribi mëcën achúshi ꞌimainun rabë́ ꞌimainun, aín maxcácamanuribi Nucën Papa Dios ꞌatimaquin ñui quicë bana cuënëocë ꞌiaxa.

Apocalipsis 19:16

Aín chupanu ꞌimainun ca aín quisinuribi ësaquin cuënëocë ꞌiaxa: “ꞌApucaman ꞌApu ꞌianan ꞌibucaman ꞌIbu”.

Apocalipsis 3:12

Axa ꞌëmi catamëquin ꞌëx cuëëncësabi oi ꞌiti ëncëma unicama, a cana anua Nucën Papa Dios ꞌicë anubia nëtë́timoi ꞌinun ꞌimiti ꞌain. Anuaxa chiquítimoquin ca Nucën Papa Diosan ꞌimiti ꞌicën. ꞌËn Papa Diosan anëbi cana a unicamanu cuënëoti ꞌain. Cuënëonan cana anu Nucën Papa Dios ꞌiti Jerusalén ió, axa naínuax ubúti, aín anëribi ꞌanan cana ꞌën anë ióribi atunu cuënëoti ꞌain.

Apocalipsis 6:2

Quicëbëtan isquin cana achúshi caballo uxua chiquitia isan. Axa a caballonu tsócë unin ca canti achúshi tuíanxa. Tuíanx uquin Nucën Papa Diosan ꞌináncëxun biquin, ꞌapúan mañucë mañuti mañutancëx ca axa ami nishcë unicama ñusmoi abë ꞌacanani cuanxa.

Jueces 13:18

Kiabi ka ángelnën kakëxa: —¿Uisoti kaina ꞌën anë unántisa tanin? ꞌËn anëx ka uínbi ꞌunántisama ꞌaish upíira ꞌikën.