Apocalipsis 17:8 - Kashibo-Kakataibo Biblia

⁸ A ñuinacanꞌëo a min iscë, ax ca ꞌiacëxa, ꞌaíshbi ca bërí ꞌaíma ꞌicën. Ca quini cha nëmíinra anu ꞌicën. Anu ꞌaíshbi ca anu xënibua ꞌaínbi paëira tani tëmërati anu cuanux, quini cha nëmíinra anuax chiquíti ꞌicën. A ñuinacanꞌëo anua xanu tsócë, axa parúnpapanu ꞌia, axa anu ꞌiá, ꞌaíshbi nëtë́a ꞌaish utëcënia isi ca a Nucën Papa Diosan nëtënu ꞌiti oquin nëtë ióñubi aín anë cuënëoma unicama, ax ratúira ratúti ꞌicën.

Nukën 'Ibu Diosan ain unikama 'inan ain bana

⁸ A ñuinacan'ëo a min iscë, ax ca 'iacëxa, 'aíshbi ca bërí 'aíma 'icën. Ca quini cha nëmíinra anu 'icën. Anu 'aíshbi ca anu xënibua 'aínbi paëira tani tëmërati anu cuanux, quini cha nëmíinra anuax chiquíti 'icën. A ñuinacan'ëo anua xanu tsócë, axa parúnpapanu 'ia, axa anu 'iá, 'aíshbi nëtë́a 'aish utëcënia isi ca a Nucën Papa Diosan nëtënu 'iti oquin nëtë ióñubi aín anë cuënëoma unicama, ax ratúira ratúti 'icën.

Apocalipsis 17:8 Iomraidhean Croise

Salmos 69:28

¡Usokin ꞌakinma kamina a unikaman anë anua xënibua ꞌaínbi min unikama mibë ꞌiti anua atun anë tërënti ꞌain! ¡Usakin ꞌakin kamina atun anë, anua mix kuëënkësabi oi ꞌikë unikaman anë ꞌikë anubi atun anë nantima ꞌain!

Daniel 7:11

ꞌËn iskëx ka manchan chukúma ax ꞌatimatira anun rakuë́tisa ꞌinun banai ësai kiaxa; ꞌimainun ka ꞌën iskëxun ñuina chaiira a ꞌatankëxun aín nami chánkapaxa, usotankëxun ka uni ꞌunánkëma an tsi rëkirukënu aín nami xarátia këñutanun puruaxa.

Daniel 7:26

ꞌAínbi ka anuxun bana mëníokë anuxun a ꞌapu aín kushi bikuankin a meu ꞌimikin, ñankáishi bërutanun kamabi këñúkë ꞌiti ꞌikën.

Daniel 7:3

Usai ꞌikëbëshi ka ꞌën usakin sinánkë ꞌaímabi rabë́ ꞌimainun rabë́ribi ñuinakan ꞌëo ꞌën iskëx raíri iskësamabu ꞌaish parúmpapanuax chikíaxa.

Daniel 7:7

ꞌImainun ka ashiti sënë́nkin ꞌën namákësokin iskë ñuinakan ꞌëo ax ꞌaisama ꞌianan rakuë́mianankë ꞌaish kushiirabu ꞌiaxa. Aín xëta ax ka chaiira ꞌaish manë iruira usa ꞌiaxa; usa ꞌixun ka kamabi ñu pianan masókin ꞌanan axa tëxëkëkama aribi chakakin amáxa. Usa ꞌaish ka achúshi ñuinakan ꞌëo ꞌën namákësokin iskë usama ꞌiaxa, ꞌimainun ka mapai rabë́ manchanñu aín maxkánu ꞌiaxa.

Mateo 25:34

Usai ꞌitancëxun cana ꞌëx ꞌApuira ꞌixun axa ꞌën mëqueu ꞌicë unicama cati ꞌain: ꞌËn Papa Diosan ca mitsu upí oquin sinánxunia. Mecama ꞌimainun anu ꞌicë ñucama unioquin ca an mitsu sinánxunquin anu mitsux abë ꞌiti mëníocëxa. Ax quiásabi oi camina bërí anu ꞌiti ꞌain.

Lucas 10:20

Ñunshin ꞌatimanën mitsun bana cuacë cupí cuëëncësamaira oi camina mitsun anëcama ca Nucën Papa Diosan nëtënu ꞌicë quiricanu ꞌacë ꞌicë quixun ꞌunani cuëëinra cuëënti ꞌain.

Lucas 8:31

Cacëbëtan ca ñunshin ꞌatimacaman, quini cha nëmínra, anu ñunshin ꞌatima ꞌicë, anu xuxunma ꞌanun quixun bënë́quin cacëxa.

Juan 17:24

Papan, ënë nëtë unitisama pan ꞌain camina ꞌë nuibaquin misaribi ꞌinun min cushi ꞌë ꞌináncën. Usa cana ꞌëx ꞌai quixun isnúxa minmi ꞌë ꞌináncë unicamax anu ꞌëx ꞌicë anuribi ꞌëbë ꞌiti cana cuëënin.

Hechos 15:18

Usai cana mitsun ꞌIbu Dios an ënë banacama bëráma ñuiá ꞌëx quin.

Efesios 1:4

Mecama uniocëma ꞌixunbi ca Nucën Papa Diosan Cristo cupínu an iscëx ꞌuchañuma ꞌianan ainanshi ꞌinun nu caísacëxa.

Tito 1:2

Usa ꞌixun cana ainan ꞌaish ca uni xënibua ꞌaínbi aín nëtënu abë ꞌiti ꞌicë quixun unicama ꞌunánmin. Ax asérabi cëmëma ꞌaish ca Nucën Papa Dios bëráma, me ꞌimainun camabi ñu uniosama pain ꞌaíshbi, ësai ca ꞌën unicama ꞌën nëtënu ꞌëbë ꞌiti ꞌicë quiax quiacëxa.

1 Pedro 1:20

Cristo ca usai ꞌiti ꞌicë quixun ca camabi ñu unioisama pain ꞌixunbi Nucën Papa Diosan mëníocëxa. Usaquian mënío ꞌain ca aín uti nëtë sënë́ncëbëishi usai ꞌinux Cristo ënë menu uacëxa, mitsúxmi ami catamënun.

Apocalipsis 11:7

Atúan unicama bana ñuixuncë nëtëcama inúcëbë ca piánancë ñuinasa ñu, ax quini chaira ꞌaish nëmíinra, anuax chiquíti ꞌicën. Chiquítancëxun ca an unicama bana ñuixuncë rabë́, ami nishi abë ꞌacánanquin ñusmoquin bamamiti ꞌicën.

Apocalipsis 17:11

Acamax achúshi achúshinëx ꞌicëbë ca acama ꞌicësaribi ꞌaíshbi bëtsi axribi ꞌapu ꞌiti ꞌicën. Ax ca ñuinacanꞌëo, anu a xanu tsócë, axa ꞌiá ꞌaíshbi nëtë́cë, a ꞌiti ꞌicën. ꞌApu ꞌitancëx ca anu ax xënibua ꞌaínbi paëira tani tëmërati anu cuanti ꞌicën.

Apocalipsis 17:2

A ëmanu ꞌicë unicaman ca bëtsi menu ꞌicë unicamacëñun atun ꞌapuburibi, atun ꞌacësaribi oquian ñunshínquin ꞌatima ñu ꞌanun ꞌamiaxa.

Apocalipsis 20:10

Usoquin cëñuanan ca ñunshin ꞌatimanën ꞌapu, an unicama paráncë, a ꞌianëmëꞌëosa manë tsi, anuaxa azufreribi rëquirucë, anu ꞌinun niaxa. Anua ꞌitsa maxcáñu ꞌianan ꞌitsa matúxcañu ñuinacanꞌëo a ꞌimainun bëtsi ñuinacanꞌëo an Nucën Papa Dios rabiquinma ñuinacanꞌëo rabinun quixun unicama paráncë, anu atux ꞌicë ca ñunshin ꞌatimanën ꞌapuribi anu niaxa. Anuxun ca acaman nëtë́nbi imë́bi xënibua ꞌaínbi nëtë́timoquin paë tanquin tëmërati ꞌicën.

Apocalipsis 20:12

Usaquinribi isanan cana axa bama unicama, uni cushibu ꞌimainun uni cushimabu, acamaxa baísquitancëx anua Nucën Papa Dios ꞌicë aín bëmánon sëtë́cë isan. A unicamaxa sëtë́mainun ca quirica achúshi, anu ui unicamax cara Nucën Papa Diosbë ꞌiti ꞌicë quixun aín anë cuënëocë, ax bacacë ꞌiaxa. A isanan cana bëtsi quiricacamaribi isan. A quiricacamanu ca añu ñucama cara unicaman ꞌaxa quixun cuënëocë ꞌiaxa. A quiricacama isquin ca Nucën Papa Diosan unin cara upí ñu ꞌaxa, cara upíma ñu ꞌaxa quixun isaxa. Isun ca aín ñu ꞌacësabi oquin mëníonan an ñu upí ꞌacë uni upí ꞌimainuan an ñu upíma ꞌacë unicama tëmëranun ꞌimiaxa.

Apocalipsis 3:10

Mitsun camina uisa ñu cara ꞌicëbëtanbi ꞌëmi catamëanan ꞌën bana quicësabi oquin ꞌati ëncëma ꞌain. Usaími ꞌicë cupí cana anúan unicama paë tani tëmërati nëtëa ucëbëmi tëmëraxma ꞌinun mitsu ꞌimiti ꞌain.

Apocalipsis 3:5

Axa ꞌëmi catamëquin ꞌëx cuëëncësabi oi ꞌiti ëncëma unicama atux ca usoquin chupa uxua pañucë ꞌiti ꞌicën. A unicaman anë cana ꞌën quiricanua tërë́ntima ꞌain. Tërë́nquinma cana acama achúshi achúshi ñuiquin —ax ca ꞌënan ꞌaish xënibua ꞌaínbi ꞌëbë ꞌiti ꞌicë —quixun ꞌën Papa Dios ꞌimainun aín ángelcama cati ꞌain.