Apocalipsis 17:11 - Kashibo-Kakataibo Biblia

¹¹ Acamax achúshi achúshinëx ꞌicëbë ca acama ꞌicësaribi ꞌaíshbi bëtsi axribi ꞌapu ꞌiti ꞌicën. Ax ca ñuinacanꞌëo, anu a xanu tsócë, axa ꞌiá ꞌaíshbi nëtë́cë, a ꞌiti ꞌicën. ꞌApu ꞌitancëx ca anu ax xënibua ꞌaínbi paëira tani tëmërati anu cuanti ꞌicën.

Nukën 'Ibu Diosan ain unikama 'inan ain bana

¹¹ Acamax achúshi achúshinëx 'icëbë ca acama 'icësaribi 'aíshbi bëtsi axribi 'apu 'iti 'icën. Ax ca ñuinacan'ëo, anu a xanu tsócë, axa 'iá 'aíshbi nëtë́cë, a 'iti 'icën. 'Apu 'itancëx ca anu ax xënibua 'aínbi paëira tani tëmërati anu cuanti 'icën.

Apocalipsis 17:11 Iomraidhean Croise

Apocalipsis 13:10

Uicaman cara uni itsi sipuanun ꞌinania, acamaxribi ca sipuacë ꞌiti ꞌicën. An uni itsi manë xëtocën ꞌacë uni, a ca bëtsi unínribi usaribi oquin ꞌati ꞌicën. Usa ꞌaínbi ca axa Nucën Papa Diosmi catamëcë unicaman uisai cara ñu ꞌicëbëtanbi Nucën Papa Diosmi sinánti ëntima ꞌicën.

Apocalipsis 13:12

A ñuinacanꞌëo me mëucüax ucë, aín cushi ca parúnpapanuax uax ꞌirucë ñuinacanꞌëo abë ꞌaish aín cushisaribi ꞌiaxa. Usa ꞌixun ca camabi menu ꞌicë unicaman parúnpapanuax uax ꞌirucë ñuinacanꞌëo, axa motisama oquin tëacë ꞌaíshbi mocë, a rabinun me mëucüaxa ucë ñuinacanꞌëon rabimiaxa.

Apocalipsis 13:3

ꞌËn iscëx ca a parúnpapanuax uax ꞌirucë ñuinacanꞌëo aín maxcá achúshi, unin motisama oquin tëacësa ꞌaíshbi mooxa. Mocëbë ratúquin ca camabi menu ꞌicë unin —cushiira ca ax ꞌicë —quixun sinánxa. Usaquin sinánquin ca aín bana cuaxa.

Apocalipsis 17:8

A ñuinacanꞌëo a min iscë, ax ca ꞌiacëxa, ꞌaíshbi ca bërí ꞌaíma ꞌicën. Ca quini cha nëmíinra anu ꞌicën. Anu ꞌaíshbi ca anu xënibua ꞌaínbi paëira tani tëmërati anu cuanux, quini cha nëmíinra anuax chiquíti ꞌicën. A ñuinacanꞌëo anua xanu tsócë, axa parúnpapanu ꞌia, axa anu ꞌiá, ꞌaíshbi nëtë́a ꞌaish utëcënia isi ca a Nucën Papa Diosan nëtënu ꞌiti oquin nëtë ióñubi aín anë cuënëoma unicama, ax ratúira ratúti ꞌicën.