Apocalipsis 16:4 - Kashibo-Kakataibo Biblia

⁴ Usai ꞌicëbëtan bëtsi ángelnënribi aín xanpanu ꞌicë ñu bacacamanu ꞌanan xëxácamanu tutucacëbë ca a ꞌunpáxcamaribi imi ꞌiaxa.

Nukën 'Ibu Diosan ain unikama 'inan ain bana

⁴ Usai 'icëbëtan bëtsi ángelnënribi aín xanpanu 'icë ñu bacacamanu 'anan xëxácamanu tutucacëbë ca a 'unpáxcamaribi imi 'iaxa.

Apocalipsis 16:4 Iomraidhean Croise

Éxodo 8:5

Ësokin ka Nukën ꞌIbun Moisés kakëxa: —Aarón kamina baka kamami sanankin tsatin xëxá ꞌimainun ꞌian akamami okinribi sananun kati ꞌain, usokëbë ka kamabi Egipto me tsitsirui ꞌashá anuax chikiti ꞌikën.

Isaías 50:2

¿Uisa kupín karana ukin ꞌën uibi mërama ꞌain? ¿Uisa kupín kara kuënkëxunbi uínbi ꞌë káma ꞌik? ¿ꞌËx isana mitsu ꞌakinsama ꞌai kixun kaina sinánkankën? ¿ꞌËn isana mitsu chikintima ꞌai kixun kaina sinánkankën? ꞌËx usai ka ꞌiti ꞌikë kiax kikëbëshi ka parúmpapa ëskiti ꞌikën, ꞌimainun ka bakakamaxribi anu uni ꞌikëma mesa ꞌitánun aín ꞌumpax ꞌaíma ꞌiti ꞌikën; usai ꞌikëbë ka anu ꞌikë tsatsakama ꞌumpaxñuma ꞌain xanan bamai chë́kia.

Oseas 13:15

Israel unikamaxa ñu uábuti ꞌikësai mëníokakëbëbi ka suñu amiaxa bari urukë amiax bëkiti ꞌikën, usai ꞌika suñu kushiira anu uni ꞌikëma memiax bëkiti ꞌikën; usai ꞌikëbë ka anua rakákë anuax ꞌumpax ëskimainun xëxá upikamaribi ëski ꞌaíma ꞌiti ꞌikën. Usai ꞌikëbëtan ka axa ami nishkë unikaman atun ñu upíbu akama bikin ꞌibuati ꞌikën.

Apocalipsis 11:6

A rabëtax ca cushiñu ꞌicën. Usa ꞌixun ca ꞌaisa tanquin atúan Nucën Papa Dios quicësabi oquin bana ñuixunmainuan ꞌuí ꞌibúaxma ꞌinun ꞌimiti ꞌicën. ꞌAisa tanquin ca bacanu ꞌicë ꞌunpax imi ꞌimiti ꞌicën. ꞌAisa tanquin ca bëtsi bëtsi ñu ꞌaquin paë tania tëmëranun unicama ꞌimiti ꞌicën. Uiti oquin cara usoquin ꞌaisa tania usoquin ca ꞌati ꞌicën.

Apocalipsis 14:7

ca ësai munuma banaquin caxa: —Anun Nucën Papa Diosan camabi uni aín ñu ꞌacësabi oquin, uisa cara oti ꞌicë usoquin ꞌati nëtë ca uaxa. Usa ꞌain camina ami racuë́quin a rabiti ꞌain. An naícama, mecama, parúnpapacama, xëxácama unio, a camina rabiti ꞌain.

Apocalipsis 16:5

Usaía ꞌunpáxcama ꞌicëbëtan cana an bacacama iscë ángel ësai quia cuan: —Nucën ꞌIbu Dios ꞌaish ca min sinan usabi asérabi upíira upí ꞌicën. Mix camina usabi ꞌiá ꞌaish usabi ꞌain. A ꞌunpáxcamami usoquin imi ꞌimia isquin cana ꞌunan, min sinan upí ꞌixúnmi ñu ꞌaisama cuëëncëma cupí camina usoquin ꞌan.