Apocalipsis 16:21 - Kashibo-Kakataibo Biblia

²¹ ꞌImainun ca ꞌuí ꞌaíshbi matsiira ꞌaish iru, acamax naínuax achúshi achúshinëx cuarenta (40) kilosa ꞌaish rëucubuaxa. Rëucubucëbëtan ꞌaisamaira oquin paë tani ca ami nishi a unicamax Nucën Papa Diosmi ꞌatimati banaxa.

Nukën 'Ibu Diosan ain unikama 'inan ain bana

²¹ 'Imainun ca 'uí 'aíshbi matsiira 'aish iru, acamax naínuax achúshi achúshinëx cuarenta (40) kilosa 'aish rëucubuaxa. Rëucubucëbëtan 'aisamaira oquin paë tani ca ami nishi a unicamax Nucën Papa Diosmi 'atimati banaxa.

Apocalipsis 16:21 Iomraidhean Croise

Job 38:22

¿Min kaina anu kuanxun anua matsin tita ꞌikë, a ꞌimainun anua matsi bëruñu ꞌikë aribi anu kuanxun isan,

Job 38:23

ꞌën anun uni atúxbi ꞌakanankë nëtë ꞌanan anúan, tëmërakë nëtë xuti a isan?

Éxodo 9:18

¡Asabi ka usa ꞌain kana! imë́ishi ꞌën ësañuishi achúshi matsin tita chaiira bëruñu Egipto me ënuxun unin uínsaranbi isun ñuiama pakënun ꞌimiti ꞌain.

Éxodo 9:22

Usa ꞌain ka Nukën ꞌIbun Moisés kakëxa: —Naími mësui kamina mëshpati aín, kamabi Egipto menu ꞌibúkian matsin unikëñunbi atun ꞌarakakë ñuina ꞌimainun kamabi egipcio unibunën atun menu ñu ꞌapákë ꞌatima onun.

Isaías 8:21

Usa ꞌain ka an usakin mitsu kakë uni ax anua ꞌikë anuishi ꞌima, amanu amanu bëtsi bëtsi okin, tëmëramikëx numin ꞌikë anunbi ꞌitsaira nishti ꞌikën. Usai ꞌikin ka aín ꞌapu ꞌimainun aín dioskama ꞌatimakin sinánxunti ꞌikën. Usai ꞌikin ka manámia isbëkikin isanan,

Josué 10:11

ꞌAkëbëa amorreo suntáru rairinëxribi abati Bet-horón kakë ëma ratanbiani israel suntárukaman ꞌakëx abati kuankëbëtanbi ka Nukën ꞌIbun matsin tita aín bëru chaiirabu ꞌibúkin aín manë xëtokën israel suntárukaman ꞌakësamaira okin këñunun ꞌamiakëxa.

Apocalipsis 11:19

Usai ꞌicëbë ca naínu ꞌicë anuxun Nucën Papa Dios rabiti xubu aín xëcuë xëoquiaxa. Xëoquicëbëtan cana bunánti, anua Nucën Papa Diosan cuënëo maxax pará rabë́ nancë, a isan. Iscëbëa munuma caná mëriti banacëbë ca bëtsi ñuribi sharámainun mecama shaíquiaxa. ꞌImainun ca ꞌuí ꞌaíshbi matsiira ꞌaish iru ax rëucubuaxa.

Apocalipsis 16:11

Paë tani bënë́quin ca aín paë ꞌimainun aín chancu ꞌaisamaira ꞌain, axa naínu ꞌicë Nucën Papa Dios, ami nishi ꞌatimati banaquin ñuiaxa. Usai ꞌi ca ñu ꞌatima ꞌati ëni sinanacëma ꞌicën.

Apocalipsis 16:9

Usoquian ꞌaisamaira oquin ꞌitsis oquin xarocëxunbi ca unicaman sinanaquin atun ñu ꞌaisama ꞌacëcama ëncëma ꞌicën. Ëníma ꞌianan ca Nucën Papa Dios rabicëma ꞌicën. Nucën Papa Diosan ca anúan atu castícancë ñucama nëtë́ntsianxa. Usaquian ꞌati ꞌaíshbi ca sinanatíma ami xuamati nishi Nucën Papa Diosmi ꞌatimati banaxa.

Apocalipsis 8:7

Achúshi ángelnën pain ca aín manë banañu banoxa. Banocëbë ca ꞌuí ꞌaíshbi matsiira ꞌaish iru, a ꞌimainun tsi rëquirucë, acamabë imi mëscúcë, acamax meu nicëx rëucüaxa. Rëucucëbë ca ꞌaisamaira ꞌaíshbi mecama nëbë́tsi, rabë́ ꞌimainun achúshi oquin tëacësa ꞌaíshbi amo ꞌicë achúshi nëëmëti nëtë́axa. Icama ꞌimainun basi paxacamaribi nëbë́tsi, rabë ꞌimainun achúshi oquin tëacësa ꞌaíshbi, amo ꞌicë achúshi ca nëëmëaxa.