Apocalipsis 16:16 - Kashibo-Kakataibo Biblia

¹⁶ Ñunshin ꞌatimacama tuan tita iscësa, an sinánmicëx ca camabi menu ꞌicë ꞌapucama ꞌimainun aín suntárucamax Armagedón cacë me anu timë́axa. A mex ca hebreo banan Armagedón cacë ꞌicën.

Nukën 'Ibu Diosan ain unikama 'inan ain bana

¹⁶ Ñunshin 'atimacama tuan tita iscësa, an sinánmicëx ca camabi menu 'icë 'apucama 'imainun aín suntárucamax Armagedón cacë me anu timë́axa. A mex ca hebreo banan Armagedón cacë 'icën.

Apocalipsis 16:16 Iomraidhean Croise

Juan 19:13

Usaquian judíos unicaman cacëxun Jesús ëman chiquímitancëx ca Pilato anuxuan ami uni manáncëxun cuacë anu tsóbuacëxa. Anu tsóti ax ca me mëníoquian anu maxax nancë ꞌaish hebreo banan Gabata cacë, ꞌiacëxa.

Juan 19:17

Buáncëxun ca Jesusan abi anua matáscanti i curúsocë ꞌiábianquin Calvario cacë matá, hebreo banan Gólgota cacë, anu buáncëxa.

Juan 5:2

Jerusalénu cënëa aín xëcuë achúshi, Oveja cacë, a bëtánain ca unin ꞌacë ꞌian ꞌiacëxa. Ax ca hebreo banan Betesda caquin anëcë ꞌiacëxa. A ꞌian rapasu, anua uni niti, anu ca mëcën achúshi itá nitsíncë ꞌaish manan tapuñu ꞌiacëxa.

Hechos 26:14

Pëcacëx cananuna camáxbi menu nipacëacën. Nipacëxun cana hebreo banan ësai quia cuacën: “Saulo, Saulo, ¿uisoti caramina ꞌë bëtsi bëtsi oin? Ami tatíqui chacati nishquin i tapun, taën ꞌaquinmi paë tancësa, usaribiti camina mibi ꞌin. Usaquin ꞌë ꞌai ꞌëmi sinántisama tani camina mixbi ꞌatimóracatin”.

Apocalipsis 17:14

Acamax ca Carnero ꞌicësaribitia unin ꞌucha cupí bama abë ꞌacananti ꞌicën. ꞌAcananquin ca Carnero ꞌicësaribitia unin ꞌucha cupí bama, ax cushiira ꞌaish, ꞌibucaman ꞌIbu ꞌianan ꞌapucaman ꞌApu ꞌixun axa abë ꞌacanancëcama ñusmoti ꞌicën. Axa abë ꞌicëcaman ca a amia catamënun caísquin Nucën Papa Diosan sinánmicë ꞌixun uisai cara ñu ꞌicëbëtanbi a ëncëma ꞌicën. Usa ꞌixun ca Carnero ꞌicësaribitia unin ꞌucha cupí bama abë ꞌicëcaman axa abë ꞌacanancëcama ñusmoti ꞌicën.

Apocalipsis 9:11

A chanpucaman ꞌapu ax ca quini chaira ꞌaish nëmíinra anu ꞌicë ñunshíncaman cushi ꞌiaxa. A ñunshinan anëx ca hebreo banan cacë Abadón ꞌicën, griego banan cacë ca Apolión ꞌicën.

Jueces 4:7

ꞌËn kana Sísara ꞌapu Jabín ain suntárunën kushi axa, Quisón kakë xëxá anuax mitsubë ꞌakanankin atun caballonën nikinkë anuax ꞌakánanti a ꞌimainun ain suntárukamabi bëi unun ꞌimiti ꞌain. ꞌAínbi kana ꞌën mitsunmi kupitanuma ꞌanun ꞌamiti ꞌain, ka Dios kiaxa.

Jueces 5:19

Usa ꞌain ka abë ꞌakánanti ꞌapukama ax Taanac kakë ëma ꞌimainun Meguido kakë rapasua ꞌikë xëxá anu kuankëxa, kuankinbi ka cananeo ꞌapukaman Israel unikama abë ꞌakanankin atu ꞌaxun aín ñu biti sinanx kuankin atún ñu buanima ꞌianan aín manë uxuabi buánma ꞌikën.