Apocalipsis 16:11 - Kashibo-Kakataibo Biblia

¹¹ Paë tani bënë́quin ca aín paë ꞌimainun aín chancu ꞌaisamaira ꞌain, axa naínu ꞌicë Nucën Papa Dios, ami nishi ꞌatimati banaquin ñuiaxa. Usai ꞌi ca ñu ꞌatima ꞌati ëni sinanacëma ꞌicën.

Nukën 'Ibu Diosan ain unikama 'inan ain bana

¹¹ Paë tani bënë́quin ca aín paë 'imainun aín chancu 'aisamaira 'ain, axa naínu 'icë Nucën Papa Dios, ami nishi 'atimati banaquin ñuiaxa. Usai 'i ca ñu 'atima 'ati ëni sinanacëma 'icën.

Apocalipsis 16:11 Iomraidhean Croise

Esdras 1:2

Persia menu ꞌikë ꞌapu Ciro ax ësai kiakëxa: Nukën ꞌIbu Dios naínu ꞌikë, an ka ꞌapu ꞌixun kamabi menu ꞌikë unikama ꞌakinnun ꞌë ꞌimiaxa, ꞌimainun ka ꞌën achúshi anuxun a rabiti xubu Jerusalén Judá menua ꞌikë anu ꞌaminun ꞌë sinánmiaxa.

Esdras 6:10

ꞌinánkëxun ka ax kuëëntisabi okin akama Dios xaroxunkin ꞌë ñukáxuanan ꞌën bakë chikëkamaribi Dios ñukáxunti ꞌikën.

Esdras 7:12

Usa ꞌain ka Artajerjes uisa kara ax ꞌikë kixun kakin Esdras, sacerdote an ñu uni ꞌunánmitia, Dios naínu ꞌikë anbi a tanti aín banakama ꞌunánmikë a kuënëoxunkin kirikanu ësokin kakëxa.

Esdras 7:21

ꞌËx ꞌapu Artajerjes, ꞌixun kana kamabi an kuríki bërúankë Éufrates baka ꞌukëmanan ꞌikë a unikama ësokin kamin Esdras sacerdote asérabi an ñu ꞌunankëira uni ꞌimainun an Dios naínu ꞌikë ax kia bana ꞌunánkëira an ñukákëxun ka añu kara ñukatia a asérabi ꞌinánti ꞌikën,

Esdras 7:23

ꞌInánan ka kamabi Dios naínu ꞌikë a anuxun rabiti xubunu nankan ñukama ñukákëxun aribi bënë́kinshi ꞌinánti ꞌikën, usokëbëtan ka Diosan anu ꞌëx ꞌapu ꞌikë me ënë ꞌatimonan ꞌën bakë bëchikëkamaribi tëmëramitima ꞌikën.

Nehemías 1:4

Ësokin ꞌë kakëxun a banakama kuatankëx kana tsótax iankën uiti nëtë ꞌitsaira masánuituti ꞌiakën, usai ꞌi pikëmëanan abë banakin kana naínu ꞌikë Nukën ꞌIbu Dios ñukákën.

Nehemías 2:4

Kakëxun ka —¿Añu karana mi ꞌaxúnti ꞌain? —kixun ꞌapun ñukákin ꞌë kakëxa. Usakin kakëx Dios naínu ꞌikë abë pain banatankëxun kana,

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Jonás 1:9

Ësokin kakëxun ka Jonásnën atu kakëxa: —ꞌËx kana Israelkama ꞌain, usa ꞌixun kana ꞌën ꞌIbu Dios naínu ꞌikë a rabin, an ka parúmpapa ꞌimainun me uniokëxa.

2 Timoteo 3:13

Usaía ꞌimainun ca ꞌaisama unicama ꞌimainun an uni paráncë unicama, ax bëtsi unían paráncë ꞌixun atúnribi usaribi oquin uni paráncë ꞌaish axa ꞌiásamaira ꞌiti ꞌicën.

Apocalipsis 11:13

Usai ꞌicëbë ca me ꞌaisamaira shaíquiaxa. Shaíqui ca Jerusalén ëma nëbë́tsi rabë́, mëcën rabë́ oquin tëacësa ꞌaíshbi amo ꞌicë achúshi rurucubuaxa. Rurucubucëbë ca ꞌaisamaira uni siete mil bamaxa. Acama bamacëbëtan ca bamacëma unicaman racuë́quin, Nucën Papa Dios naínu ꞌicë rabiaxa.

Apocalipsis 16:2

Cacëx cuanxun ca achúshi ángelnën pain aín xanpanua ꞌicë ñu menu tutucaxa. Tutucacëbë ca uicamax cara axa parúnpapanuax uax ꞌirucë ñuinacanꞌëonan ꞌicë ꞌunántioquin cuënëocë, ꞌianan a tanquian a iscësa oquin unin ꞌacë ñu rabicë unicamanu ꞌaisamaira chancu ꞌiruaxa. Usai ꞌiquin ca aín nami chëquimiquin ꞌaisamaira oquin paëoxa.

Apocalipsis 16:21

ꞌImainun ca ꞌuí ꞌaíshbi matsiira ꞌaish iru, acamax naínuax achúshi achúshinëx cuarenta (40) kilosa ꞌaish rëucubuaxa. Rëucubucëbëtan ꞌaisamaira oquin paë tani ca ami nishi a unicamax Nucën Papa Diosmi ꞌatimati banaxa.

Apocalipsis 16:9

Usoquian ꞌaisamaira oquin ꞌitsis oquin xarocëxunbi ca unicaman sinanaquin atun ñu ꞌaisama ꞌacëcama ëncëma ꞌicën. Ëníma ꞌianan ca Nucën Papa Dios rabicëma ꞌicën. Nucën Papa Diosan ca anúan atu castícancë ñucama nëtë́ntsianxa. Usaquian ꞌati ꞌaíshbi ca sinanatíma ami xuamati nishi Nucën Papa Diosmi ꞌatimati banaxa.

Apocalipsis 2:21

Axa usai ꞌiabi cana usa ñu ënía ꞌëmi sinánun caían. Caíncëxunbi ca ëmi catamëquin sinanaquin aín ñu ꞌatima ꞌacë ëncëma ꞌicën.