Apocalipsis 16:10 - Kashibo-Kakataibo Biblia

¹⁰ Usai ꞌicëbëtan ca bëtsi ángelnënribi aín xanpanu ꞌicë ñu, anua parúnpapanuax uax ꞌirucë ñuinacanꞌëo ꞌicë, anu tutucaxa. Tutucacëbë ca anua an ꞌibuacë unicama ꞌicë ax bëánquiaxa. Usai ꞌicëbëtan ꞌaisamaira oquin paë tani ca aín unicama bënë́axa.

Nukën 'Ibu Diosan ain unikama 'inan ain bana

¹⁰ Usai 'icëbëtan ca bëtsi ángelnënribi aín xanpanu 'icë ñu, anua parúnpapanuax uax 'irucë ñuinacan'ëo 'icë, anu tutucaxa. Tutucacëbë ca anua an 'ibuacë unicama 'icë ax bëánquiaxa. Usai 'icëbëtan 'aisamaira oquin paë tani ca aín unicama bënë́axa.

Apocalipsis 16:10 Iomraidhean Croise

Mateo 13:42

manë tsi cha rëquirucë anu puti ꞌicën. Anuax ca anu ꞌicë unicamabë tëmërai bënëti ꞌinuxun ꞌaia.

Mateo 13:50

manë tsi cha rëquirucë anu punuxun ꞌaia. Anuax ca anu ꞌicë unicamabë tëmërai bënëti ꞌinuxun ꞌaia.

Mateo 22:13

Usa isquin ca ꞌapun an mesanu piti nancë unicama caxa: Ënë uni camina mëtanianan tatanitancëxun ëman bëánquibucënu buántancëxun niti ꞌain. Nicëx ca anuax anu ꞌicë unicamabë tëmërai bënëti inti ꞌicën.

Mateo 24:51

Uquin ca usai ꞌia isquin ꞌatimonan anu an uni paráncë unicama ꞌicë anua ꞌinun ꞌimiti ꞌicën. Anuax ca anu ꞌicë unicamax paë tani bënëti inti ꞌicën.

Mateo 8:12

Usaía atux ꞌimainun ca judíos unicama axira Nucën Papa Diosan nëtënu ꞌiti ꞌaíshbi ꞌën bana cuaisama tancë, acamax ëman ꞌicë bëánquibucë anu ꞌiti ꞌicën. Anuax ca anu ꞌicë unicamabë tëmërai bënëti inti ꞌicën.

Lucas 13:28

Usoquin ꞌën cacëx cuanx camina, Abraham, Isaac, Jacob, acama ꞌimainun an Nucën Papa Dios quicë bana uni ñuixuncë unicamaxa anua Nucën Papa Dios ꞌicë anu ꞌëbë ꞌain, mitsux anuma ꞌaish masá nuituirai bënëti inti ꞌain.

1 Pedro 2:17

Camabi uni camina upí oti ꞌain. Axa Jesucristomi catamëcë unicama camina nuibati ꞌain. Nucën Papa Diosmi camina racuë́ti ꞌain. Racuë́anan camina mitsun ꞌapu quicësabi oquin ñu ꞌati ꞌain.

Apocalipsis 11:10

A rabëtan Nucën Papa Diosan bana ñuixunquin atun ꞌuchacama sinánmicë cupí ca axa Nucën Papa Diosmi sináncëma unicama a rabë́ bamacë isi cuëënti ꞌicën. Cuëëni ca abëa nuibanancë unicamabë ñu ꞌinánanti ꞌicën.

Apocalipsis 11:2

A xubu rapasu ꞌicë me mëníocë, ashi camina tupúntima ꞌain. Ax ca axa Nucën Papa Diosmi sináncëma unicamaxa anu ꞌinun ëncë ꞌiti ꞌicën. A unicaman ca cuarenta y dos ꞌuxëcama anu a xubu ꞌicë ëma, Jerusalén, a ꞌatimoi niti ꞌicën. Usa ꞌain camina a xubu rapasu ꞌicë me mëníocë, a tupúntima ꞌain.

Apocalipsis 11:8

Bamamicë ꞌaíshbi maíncëma ꞌaish ca a ëma cha, anu Nucën ꞌIbu Jesús i curúsocënu matása, Jerusalén, anu ꞌicë bainu racáti ꞌicën. A ëmax ca Sodoma ꞌimainun Egipto caquin anëcëribi ꞌicën, anu ꞌicë unicamaxa Sodoma ꞌimainun Egiptonu ꞌicë uníxa ꞌiásaribiti Nucën Papa Diosmi sináncëma ꞌain.

Apocalipsis 17:17

Usaía ꞌinun ca Nucën Papa Diosan a mëcën rabë́ ꞌapucama bëtsin sináncësaribi oquían sinánun ꞌimiaxa. Nucën Papa Diosan ꞌimicëxun ca atun, anua a xanu tsócë ñuinacanꞌëon cacësabi oquin ꞌanan atúan ꞌibuacë unicama usaribi oquin ꞌanun ꞌamiaxa. Aín banacama sënë́ntamainun usai ꞌinun ca Nucën Papa Diosan ꞌimiaxa.

Apocalipsis 17:9

Sinánñu ꞌixun camina ꞌën mi cacë bana upí oquin cuati ꞌain. Ënëx ca ësa ꞌicën: Anua xanu tsócë ñuinacanꞌëo, aín maxcácama mëcën achúshi ꞌimainun rabë́, acamax ca matá me mëcën achúshi ꞌimainun rabë́, anu a xanu tsócë, asaribi ꞌicën.

Apocalipsis 18:2

Ai ca munuma banai quiaxa: —Babilonianu ꞌicë unicaman ꞌaisamaira oquin ñu ꞌatima ꞌacë ꞌixun ca bëtsi mecamanu ꞌicë unicamanribia usaquin ꞌanun sinánmiaxa. Camabi nëtënu ꞌicë ꞌapucamaxribi ca Babilonianu ꞌicë unicaman ꞌaia isi aín unicamabë usaribiti ꞌi cuëëanxa. Babilonianu ꞌicë an ñu marucë unicamax ca ꞌitsa ñu upíira ꞌimainun cupíira bianan maruanan aín nuitunën upí oquin sinanima ꞌitsa curíquiñuishi ꞌiti sinánxa. Atúxa usai ꞌia isi ca camabi menu ꞌicë an ñu marucë uni, Babilonianu ꞌicë ñu biquin marui ꞌitsa curíquiñu ꞌiaxa. A ëmanu ꞌicë unicamaxa usai ꞌi ꞌaisama ꞌicë ca Nucën Papa Diosan ñusmoxa. Ñusmocëbë ca anu ꞌicë xubucama rurucubuaxa. Usa ꞌain ca ñunshin ꞌatimacama anu bërí ꞌia, uisaira ñunshin ꞌatimacama cara, ax ca anu ꞌia, ꞌimainun ca uisa ñu pëchiu ꞌatima cara unin cuëëncëma, axribi anu ꞌia.

Apocalipsis 18:21

Usai a unicamax quicëbëtan ca anun ñu bacati cushiñu ángel achúshinën maxax chaira, anun ñu rënti maxáxsa, a biquin parúnpapanu niaxa. Ni ca quiaxa: —A maxax istëcëntimoquin nicë usaribi ca Babilonia, a ëma chaira, ꞌimainun anu ꞌicë unicamaxribi unin a istëcëntimoquin cëñucë ꞌiti ꞌicën.

Apocalipsis 8:12

Usai ꞌicëbëtan ca bëtsi ángelnënribi aín manë banañu banoxa. Banocëbë ca bari, ꞌuxë ꞌimainun ꞌispacamaribi ꞌitsa ꞌaíshbi nëbë́tsi rabë́ ꞌimainun achúshi oquin tëacësa ꞌaíshbi amo ꞌicë achúshi bënamëti pëquicëma ꞌicën. Usa ꞌain ca nëtë ꞌimainun imë́ribi nëbë́tsi rabë ꞌimainun achúshi oquin tëacësa ꞌaíshbi amo ꞌicë achúshi bari, ꞌuxë, ꞌispacaman pëcacëma ꞌiaxa.

Apocalipsis 9:2

A tuíncë ñu anun ca quini chaira ꞌaish nëmínra a xëocaxa. Xëocacëx ca anuax tsin cuin chiquíaxa, manë tsi rëquirucë aín cuin chiquícësaribi ꞌinun. Chiquíquin a cuinan mapucëx ca bari bëánquicësa ꞌiaxa.