Apocalipsis 15:4 - Kashibo-Kakataibo Biblia

⁴ Nucën ꞌIbu Dios, ¿uix cara mimi racuë́tima ꞌic? ¿Uin cara mi rabitima ꞌic? Mixëshi camina upíira upí sinánñu ꞌain. Mix upí sinánñu ꞌixun ñu upíshi ꞌaia iscë ꞌixun ca camabi menu ꞌicë unicaman mimi sinánquin mi rabiti ꞌicën.

Nukën 'Ibu Diosan ain unikama 'inan ain bana

⁴ Nucën 'Ibu Dios, ¿uix cara mimi racuë́tima 'ic? ¿Uin cara mi rabitima 'ic? Mixëshi camina upíira upí sinánñu 'ain. Mix upí sinánñu 'ixun ñu upíshi 'aia iscë 'ixun ca camabi menu 'icë unicaman mimi sinánquin mi rabiti 'icën.

Apocalipsis 15:4 Iomraidhean Croise

Salmos 105:7

Ax ka nun ꞌIbu ꞌianan nun Dios a ꞌikën; ¡Usa ꞌikë ka kamabi menuxun aín bana ꞌunánxa!

Salmos 22:23

Mitsun kamina a ꞌunánkë ꞌixun Dios, rabikanti ꞌain. ¡Jacobnën rëbúnki Israel unikaman mitsun kamina aín kushi ꞌunánkin Dios rabikanti ꞌain!

Salmos 22:27

Kamabi ñakánu ꞌikë Israel unibu ꞌimainun, bëtsi nëtënu tsókë unikamanribi ka ami sinánkin Dios rabiti ꞌikën; ¡usakin ꞌai ka an ismainunbi rantinpuruni tsóbukanti ꞌikën!

Salmos 22:3

Usa ꞌain kamina mix bëtsi dios kamasamaira ꞌaish uisaibi ꞌikëma ꞌain; usa ꞌikë ka Israel unikaman mi rabiti ꞌikën.

Salmos 89:7

Dios chaiira ꞌimainun ami rakuë́ti mi ka, naínuxun min ángelkaman mi bëarabuinxun rabikania.

Isaías 45:23

ꞌËx kana sinanatëkëntima oi ëbi kiakën, ki kana ꞌën kana ꞌëmi nishkë unikama kanankin ꞌati ꞌai kiakën, kia a banakama sënë́nmikin kana ꞌati ꞌain: usa ꞌain ka a bana sënë́nkëbë kamabi nëtënu ꞌikë unikama ꞌën ismainunbi rantinpuruni tsóbuti ꞌëmi ꞌikin, min kakësa okinbi kananuna sinanatëkëntima okin ꞌati ꞌai kiax atux,

Isaías 6:3

Usai ꞌika bëtsibë bëtsibë kánani ësai kiaxa: “Nukën ꞌIbu kamabi kushiñu ax ka upíira upí, upíira upí ꞌikën; kamabi an menu unio ñukaman ka ax ka kushiira ꞌikë kixun ꞌunania.”

Isaías 60:5

Usakin bëia isi kamina ꞌitsaira kuëëni kuëpunchini kuaikanti ꞌain, usai ꞌi kamina uínsarabi kuëënkësamairai min nuitu mëu kuëënti ꞌain; usai ukin ka parúmpapa nasínua ꞌikë ëmakamanua ꞌikë ñu upíirabu a mitsu bëxunkanti ꞌikën, usakin bëxun ka bëtsi menu ꞌikë unikama ñu kupikëirabu akama mitsu ꞌinánti ꞌikën.

Oseas 3:5

Usai pain ënë ñukama ꞌikë ꞌain ka Israelkaman ami sinanatëkënkin, Nukën ꞌIbu Dios rabiti sinántëkënti ꞌikën, ꞌimainun ka atun ꞌapu ꞌia David aín rëbúnki achúshi atun ꞌapu ꞌiti ꞌikën. Anuan ënë nëtëkama këñuti a nëtë ꞌikëbëtan ka ami rakuë́kin Dios upíokin a ꞌakinun kixun ñukáti ꞌikën.

Habacuc 1:12

Ësai kia ka Habacucnën kakëxa: ¿Nukën ꞌIbu Dios mix karamina bërámabi ꞌia ꞌaish, ꞌën Dios upíira ꞌianan ñutima oi tsókë a ꞌain? Usa ꞌikë kana ꞌën mi rabin min kamina ꞌë bërúankin ꞌakian, minbi kamina an kuëënkësa okían nu ꞌatimonun Babilonianu ꞌikë unikama kushiira ꞌinun ꞌimia.

Malaquías 1:11

Kamabi me kuainakëanu tsókë unikaman ka ꞌë rabia; ꞌimainun ka kamabi menuxun ꞌë rabikin ro sanuira xaronan ñu upíirabukama aribi a isi ꞌëx kuëëntisabi okin upíokin ꞌaia.

Romanos 15:9

Judíos unibushima, judíosma unibunënribi Nucën Papa Diosan ca nu nuibaquin ꞌaquinia quixun ꞌunánquin a rabinun ca Cristo uacëxa. Judíosma unibunën ca a rabiti ꞌicë quixun ñui ca Nucën Papa Diosan bana cuënëo ësai quia: Judíosma unibubëtan cana mi rabiti ꞌain. Mi rabi cana cantati ꞌain.

1 Pedro 1:16

Ësai ca Nucën Papa Diosan bana cuënëo quia: “ꞌËx uisa ꞌuchañumabi ꞌaish upíira ꞌain camina mitsúxribimi upíira ꞌinun uisa ꞌuchabi ꞌatima ꞌain”.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.

Apocalipsis 14:7

ca ësai munuma banaquin caxa: —Anun Nucën Papa Diosan camabi uni aín ñu ꞌacësabi oquin, uisa cara oti ꞌicë usoquin ꞌati nëtë ca uaxa. Usa ꞌain camina ami racuë́quin a rabiti ꞌain. An naícama, mecama, parúnpapacama, xëxácama unio, a camina rabiti ꞌain.

Apocalipsis 16:5

Usaía ꞌunpáxcama ꞌicëbëtan cana an bacacama iscë ángel ësai quia cuan: —Nucën ꞌIbu Dios ꞌaish ca min sinan usabi asérabi upíira upí ꞌicën. Mix camina usabi ꞌiá ꞌaish usabi ꞌain. A ꞌunpáxcamami usoquin imi ꞌimia isquin cana ꞌunan, min sinan upí ꞌixúnmi ñu ꞌaisama cuëëncëma cupí camina usoquin ꞌan.

Apocalipsis 16:7

Usaquin cuanan cana anuxun tsëpasa ñu sanutanun nëënti, anuax ësai qui banaia cuan: —Usa ca. Nucën ꞌIbu Dios ꞌaish camina min cushi chaira ꞌaish, bëtsi cushisama ꞌain. Min sinan upíira ꞌixun camina uisa caramina oti ꞌai usoquin ꞌan. Mixmi ñu ꞌatima cuëëncëma cupí camina usoquin ꞌan.

Apocalipsis 19:2

Ax aín sinan upíira ꞌixun ca uisa cara oti ꞌicë usoquin ꞌaia. Ñu ꞌatima cuëënquinma ca usoquin ꞌaia. Usa ꞌixun ca Babilonia ëmanu ꞌicë unicama, an camabi menu ꞌicë unicama ꞌatima ñu ꞌanun ꞌunánmianan ami sinánxma ꞌinun ꞌunánmicë cupí acama ꞌuchoquin castícanxa. Usaquin ꞌaquin ca an aín unicama ꞌacë unicama cupiaxa.

Apocalipsis 19:8

Usa ꞌain ca aín unicama chupa chuañuma, uxua upíira pañucësa ꞌicën. Banaia ësai quia cana cuan. Axa Jesucristomi catamëcë unicaman pañucë chupa, ax ca aín nuitu upí ꞌixun upí ñu ꞌacë a ꞌunántiocë ꞌicën.

Apocalipsis 3:7

Usaquin catancëxun ca ësaquinribi cuënëonun Jesusan ꞌë caxa: —An axa Filadelfianuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: A aín chaitiocë David ꞌiásaribi ꞌApu ꞌinun Nucën Papa Diosan ꞌimicë, Jesús, axa ꞌuchañuma ꞌaish aín bana asérabi ꞌice, ax ca an xëcuë bërúancë unisaribi ꞌicën. An xëcuë bërúancë ꞌixuan an xëocaia ca uinu ꞌicë unínbi xëcuë xëputima ꞌicën. ꞌImainun ca an xëpuia uinu ꞌicë unínbi xëcuë xëocatima ꞌicën. Usaribi oquin ca ui unix cara ainan ꞌiti ꞌicë, ui unin cara aín bana unicama ñuixunti ꞌicë, acama ainshi mëníoia. Usoquian an mëníocë ꞌain ca uinu ꞌicë unínbi —usama ca —catima ꞌicën. Ax usa ꞌixun ca ësaquin mi caia:

Apocalipsis 4:8

A ñucama achúshi achúshinëx ca anúan nuánti mëcën achúshi ꞌimainun achúshi pëchiñu ꞌiaxa. Aín bërucamax ca ëman ꞌianan ꞌucë mëúribi ꞌiaxa. A ñux ca nëtë́nbi imë́bi nëtëtima Nucën Papa Dios rabi ësai quiaxa: Nucën Papa Dios, ax ca upíira upí, upíira upí upíira upí ꞌicën. Aín cushix ca chaira ꞌaish bëtsi cushisama ꞌicën. Ax ca usabi ꞌiá ꞌaish, usabi ꞌaish, usabi ꞌiti ꞌicën.

Apocalipsis 6:10

A ñunshinax ca munuma banai quiaxa: —Nucën ꞌIbu Dios, upíira upí ꞌaish ꞌuchañumaira ꞌixun mix quicësabi oquin ꞌacë ꞌicë, ¿uínsarainra caramina menu ꞌicë unicama, an nu ꞌa, a cupiti ꞌain?

1 Samuel 2:2

¡Nukën ꞌIbu uixi ka upíira misaribi ꞌaíma ꞌikën! ¡Uínbi ka min ꞌakësa okin bërúankin nu ꞌakinima, Nukën ꞌIbu! Uixi ka misaribi ꞌaíma ꞌikën.