Apocalipsis 14:7 - Kashibo-Kakataibo Biblia

⁷ ca ësai munuma banaquin caxa: —Anun Nucën Papa Diosan camabi uni aín ñu ꞌacësabi oquin, uisa cara oti ꞌicë usoquin ꞌati nëtë ca uaxa. Usa ꞌain camina ami racuë́quin a rabiti ꞌain. An naícama, mecama, parúnpapacama, xëxácama unio, a camina rabiti ꞌain.

Nukën 'Ibu Diosan ain unikama 'inan ain bana

⁷ ca ësai munuma banaquin caxa: —Anun Nucën Papa Diosan camabi uni aín ñu 'acësabi oquin, uisa cara oti 'icë usoquin 'ati nëtë ca uaxa. Usa 'ain camina ami racuë́quin a rabiti 'ain. An naícama, mecama, parúnpapacama, xëxácama unio, a camina rabiti 'ain.

Apocalipsis 14:7 Iomraidhean Croise

Génesis 22:12

Kakëxun ka Nukën ꞌIbu Diosan ángelnën amiribishi kakëxa: —Min bëchikë uisabi oxuma ka ꞌat, bërí ka Nukën ꞌIbu Diosan mixmi asérabi ami sinánkëxun, min nuitu ꞌunánxa min kamina min bëchikë ñuñakima achúshira ꞌikëbi nuibakinma a rabikin ꞌakatsi ꞌian.

Nehemías 9:6

Ësokin unikama katankëxun ka Esdrasnën Dios ësokin kakëxa: “Mixmi Dios ira ꞌain ka misaribi Dios uixi ꞌitima ꞌikën. Min kamina naíkamë ꞌëo ꞌanan a manámia ꞌikë ñukama këñun anu ꞌikë ꞌispakamaribi uniokën; ꞌanan kamina meribi ꞌatankëxun anu ꞌikë ñukamaribi ꞌakën, ꞌatankëxun kamina parúmpapanu ꞌikë ñukamaribi ꞌakën. Usa ꞌain ka min ꞌimikëx kamabi ñukamax upiti tsotia. Usa ꞌikë ka min ángel naínu ꞌikë kaman rabimainun menuxunribi mi rabiti ꞌikën.

Salmos 115:15

¡ꞌËn kana kuëënin Dios an me, ꞌimainun naí kamë ꞌëo unio an ka upíokin sinánxunkin mitsu ꞌakinti ꞌikën!

Salmos 124:8

Nukën ꞌIbun ka nu ꞌakinia, an ka naíkamë ꞌëo ꞌimainun me uniokëxa usa ꞌixun.

Salmos 33:6

Diosan ka aín banan ishi naíkamë ꞌëo uniokëxa, ꞌanan ka bari ꞌuxë ꞌispa akamaribi uniokëxa.

Salmos 89:7

Dios chaiira ꞌimainun ami rakuë́ti mi ka, naínuxun min ángelkaman mi bëarabuinxun rabikania.

Salmos 95:5

ꞌIanan ka parúmpapa anbi ꞌá ꞌaish ainan ꞌikën, ꞌimainun meribi ka ainan ꞌikën; ¡anbi ka ꞌain mëkënan ꞌakësokin ñukama uniokëxa!

Éxodo 20:11

ꞌËn kana mapai achúshi ꞌimainun achúshi nëtë ꞌimikin ꞌëx min ꞌIbu ꞌixun naí ꞌimainun me parúmpapa kamabi anu ꞌikë ñukama uniokën, usakin uniotankëx kia ꞌain ka siete nëtë ꞌikëbë anun uni tantiti ꞌikën, usai ꞌikin kana a upíokin sinánxuni a nëtëx ka bëtsi nëtësama upíira nëtë ꞌiti ꞌikë kiax kana kiakën.

Isaías 40:3

Achúshi ángelnëx ka munuma banai ësai kia: “Nukën ꞌIbu ka ꞌaia kamina anu uni ꞌikëma menu bai mëníoxunti ꞌain, a kamina Nukën ꞌIbu Dios ꞌaxunti ꞌain, ax ka achúshi bai chaiira puntë ꞌianan naxba anu ñu ꞌirukëma me ꞌiti ꞌikën.

Isaías 40:6

Achúshi unix ka ësai munuma banai kia: kia kana ꞌën ñukan: “¿Uisai karana ꞌëx munuma banai kiti ꞌain?” Kakëxun ka an ꞌë kaxa. Ënë bana kamina munuma banai kiti ꞌain kixun ka ꞌë kaxa. “Kamabi unix ka xubi kókë usaribi ꞌikën, ¡aín tsóti ax ka ñu ua naënu kotankëxi bëríbi nëtë́kë usa ꞌikën!

Isaías 40:9

Sión an upí banakama ñuikë, ax ka aín bashi achúshi chaxkë́ira anu kuaruti ꞌikën. Jerusalén an upí banakama ñuikë, mix kamina kushiira banati ꞌain, Judá menu ꞌikë ëmakamanu ꞌikë unikama aturibi upí bana a ñuixunti ꞌain: ¡Ënu ka mitsun Dios ꞌikë kamina iskanti ꞌain!

Isaías 42:12

ꞌUsakin ꞌakin ka Nukën ꞌIbu axa parúmpapa nasínu ꞌikë mekamanu ꞌikë unikama atúnribi rabiti ꞌikën.

Isaías 44:23

¡Naíkamë ꞌëo ax ka munuma kuëëni kuënkënti ꞌikën, usakian Nukën ꞌIbun ñu ꞌakë a isi! ¡Munuma kuënkëni ka me chaiira nankë́kë kamax unix ꞌikësaribiti ꞌiti ꞌikën! ¡Aín bashikama ꞌimainun ninu ꞌikë ikama axribi ka munuma unix ꞌikësai kuëënti ꞌikën, Nukën ꞌIbun ka aín kushi chaiira ismikin Israel unikama Jacobnën rëbúnkikama ië́miaxa usa ꞌain!

Isaías 58:1

Nukën ꞌIbun ka ësokin ꞌë kaxa: “Rakuëtimaishi kamina munuma banai kiti ꞌain, usai ꞌi kamina manë banañu banokëx ꞌikësa min bana ꞌinun kushin banati ꞌain; usai ꞌikin kamina ꞌën kaísa unikama atun ꞌakë ꞌatima ñukama ñuikin kati ꞌain, ax ka Jacobnën rëbúnkikama ꞌikën atun ꞌuchakëkamaribi ñuikin kati ꞌain.

Malaquías 2:2

Mitsun kamina ꞌëx kikësabiokin ꞌanan asérabi ꞌë rabikanti ꞌain. Usakin ꞌaiama kana ꞌën mitsu ꞌatima okin sinánxunti ꞌain. Usa ꞌainbi mitsun ꞌën kikësokin ꞌaiama okin, kana sacerdote ꞌixunmi bikë ñukama aribi mitsu bikuanti ꞌain, usa ꞌain kana ësokin mitsu ꞌati pëuan mitsun kamina ꞌë rabitisama tankanin.” Usai ka Dios kamabi kushiñuira ax kiaxa.

Mateo 25:13

Usaquin catancëxun ca Jesusan cacëxa: —Mitsúnribi camina añu nëtë́inra ꞌianan uínsaran carana ꞌëx utëcënti ꞌai quixun ꞌunánquinmabi —ca uti ꞌicë —quixun sinani cuëënquin ꞌëx uti caínti ꞌain.

Lucas 17:18

¿Judíos unima, Samaritano, ënë́xëshi cara Nucën Papa Dios rabiquin —ca asábi ꞌicë —quixun ꞌë cai uax?

Hechos 14:15

—¿Uisocasquin caramina ësoquin ñu ꞌacanin? Nuxribi cananuna mitsusaribi unishi ꞌain. Usa ꞌaíshbi cananuna an mitsu ꞌaquincëxunmabimi ñancábi ñu rabicë, a ënquin Nucën Papa Dios ashi rabinun quixun mitsu cai uan. An bamatiomoi tsóo ꞌixun naí, me, bacacama ꞌimainun anu ꞌicë ñucamaribi unio, a camina sinánti ꞌain.

1 Pedro 4:7

Anúan ënë menu ꞌicë ñucama cëñúti nëtë ca ꞌuramatia. Usa ꞌain camina camabi nëtën upí oquin sinani Nucën Papa Diosbë banati ꞌain.

Apocalipsis 11:13

Usai ꞌicëbë ca me ꞌaisamaira shaíquiaxa. Shaíqui ca Jerusalén ëma nëbë́tsi rabë́, mëcën rabë́ oquin tëacësa ꞌaíshbi amo ꞌicë achúshi rurucubuaxa. Rurucubucëbë ca ꞌaisamaira uni siete mil bamaxa. Acama bamacëbëtan ca bamacëma unicaman racuë́quin, Nucën Papa Dios naínu ꞌicë rabiaxa.

Apocalipsis 11:18

Axa mimi sináncëma unicamax ca mimi xuamati nishaxa. Nishcë ꞌaínbi ca anun min uisoquin caramina atu ꞌati ꞌai, usoquin ꞌati nëtë uaxa. Anun min camabi uni bama ꞌaíshbia baísquicë isti nëtë ca uaxa. An mix quicë bana uni ñuixuncë unicama, ꞌimainun axa min aín ꞌuchacama tërë́nun mimi catamëcë ꞌixun min bana cuacë unicama, aín cushi unicama ꞌimainun cushima unicamaribi, camabi isquinmi anun mibëa ꞌinun biti nëtë ca uaxa. ꞌImainun ca anúan ꞌuchañu unicama anua atun ñu ꞌatima ꞌacë cupí camabi ꞌuchañu uni ꞌiti anu cuanti nëtëribi uaxa.

Apocalipsis 15:4

Nucën ꞌIbu Dios, ¿uix cara mimi racuë́tima ꞌic? ¿Uin cara mi rabitima ꞌic? Mixëshi camina upíira upí sinánñu ꞌain. Mix upí sinánñu ꞌixun ñu upíshi ꞌaia iscë ꞌixun ca camabi menu ꞌicë unicaman mimi sinánquin mi rabiti ꞌicën.

Apocalipsis 16:9

Usoquian ꞌaisamaira oquin ꞌitsis oquin xarocëxunbi ca unicaman sinanaquin atun ñu ꞌaisama ꞌacëcama ëncëma ꞌicën. Ëníma ꞌianan ca Nucën Papa Dios rabicëma ꞌicën. Nucën Papa Diosan ca anúan atu castícancë ñucama nëtë́ntsianxa. Usaquian ꞌati ꞌaíshbi ca sinanatíma ami xuamati nishi Nucën Papa Diosmi ꞌatimati banaxa.

Apocalipsis 18:10

Ianan ca racuëti ꞌuracëox quiti icën: —Usai ꞌimari ꞌitibi camina ꞌin. Babilonia chaira, mix bëtsi ëmasama ꞌiá ꞌaíshbi camina bënëtishi Nucën Papa Diosan ꞌuchoquin castícancë ꞌain. Usai ca ꞌapucama quiti ꞌicën.

Apocalipsis 18:17

Usa ꞌaínbi ca bënëtishi a ñu cupíira cupí ax cëñúaxa. Usai quicëbë ca ax manë nuntiñu ꞌicë unicama, ꞌimainun an a nunticama niquincë unicama, ꞌimainun axa a nunticaman cuancë unicama ꞌimainun parúnpapan bëtsi bëtsi nëtënua maruti ñu bënux cuancë unicamaxribi ꞌura sëtë́axa.

Apocalipsis 18:19

Quianan ca masá nuitucë uníxa ꞌicësaribiti me cupúcë bitancëx aín maxcánu mapucuti rarumati ini quiaxa: —Usai ꞌimari ꞌitibi ca ꞌia. A ëmanu ꞌicë unicamax ꞌaisamaira curíquiñu ꞌixun ca an aín manë nuntin maruti ñu bëcë unicaman ñu biaxa. Bicëbë ca a unicamaxribi ꞌaisamaira curíquiñu ꞌiaxa. Usa ꞌaínbi ca bënëtishi a ëmanu ꞌicë unicamax cëñúaxa.

Apocalipsis 19:5

Cacë́xa anu Nucën Papa Dios ꞌicë anuax ësai banaia cana cuan: An axa cuëëncësabi oquin ꞌacë unicama, aín cushibu ꞌimainun aín cushimabu, mitsun camina camaxunbi Nucën Papa Dios rabiti ꞌain.

Apocalipsis 4:11

Nucën ꞌIbu Dios, min camina camabi ñu uniocën. Mix cuëëncësabi oi ca ꞌiacëxa, mix cuëëncësabi oquin camina min cushínbi camabi ñu ënë menu ꞌicë ꞌimainun naínu ꞌicë ñuribi uniocën. Usa ꞌaish camina camabi unicama ꞌimainun ángelcamanribi rabitisa ꞌain.

Apocalipsis 4:9

Usaquian ꞌitsa bëruñu ñu an Nucën Papa Dios, axa anu ꞌApuira tsóti, anu ꞌianan bamatimoi tsócë, a nëtë́timoquin rabianan —ca asábi ꞌicë —quixun cacëbëtan cacëbëtan,

Apocalipsis 8:10

Usai ꞌicëbëtan ca bëtsi ángelnënribi aín manë banañu banoxa. Banocëbë ca ꞌispa chaira, bimicëxa taban rëquirucësa ꞌaish naínuax rëquícuaianx nipacëaxa. Usari ꞌi ca bacacamabëa xëxácama ꞌitsa ꞌaíshbi nëbë́tsi, rabë́ ꞌimainun achúshi oquin tëacësa ꞌain, amo ꞌicë achúshinu nipacëaxa.

1 Samuel 6:5

Usokin kamina ku tankin kuri ꞌanan makún tankinribi ꞌati ꞌain, nun menu ñu ꞌapákëkamama këñuia ꞌati ꞌain, usokin kamina Israel unikaman Dios rabiti ꞌain; usokin ꞌakëbëtan sapi ka nu ꞌatima okë ëanan nun diosribi ꞌanan me ꞌatimokë a ënti ꞌikën.