Apocalipsis 14:6 - Kashibo-Kakataibo Biblia

⁶ Usa ꞌain cana bëtsi ángelribi isan. Camabi unin cuanun ca naínu nuani munuma banai, Cristo cupí ca unicamax xëníbua ꞌaínbi Nucën Papa Diosnan ꞌiti ꞌicë quiaxa. Camabi menu ꞌicë unicama bëtsi bëtsi unibu, bëtsi bëtsi menu ꞌicë, bëtsi bëtsi banan banacë an cuanun,

Nukën 'Ibu Diosan ain unikama 'inan ain bana

⁶ Usa 'ain cana bëtsi ángelribi isan. Camabi unin cuanun ca naínu nuani munuma banai, Cristo cupí ca unicamax xëníbua 'aínbi Nucën Papa Diosnan 'iti 'icë quiaxa. Camabi menu 'icë unicama bëtsi bëtsi unibu, bëtsi bëtsi menu 'icë, bëtsi bëtsi banan banacë an cuanun,

Apocalipsis 14:6 Iomraidhean Croise

Génesis 1:6

Usakin ꞌatankëx ka Nukën ꞌIbu Dios kiakëxa: Ka achúshi xabá chaiiracha an ꞌumpaxkama ënananmiti ꞌiti ꞌikën. Kikëbëshi ka usai ꞌiakëxa.

2 Samuel 23:5

Usa ꞌain ka ꞌën rëbúnkikamax Diosanbi bërúankë unibu ꞌiti ꞌikën, an ka ëbëtan achúshi ñu sinántëkëntima okin ꞌakëxa, anbi ka usokin ꞌati sinánkëxa usa ꞌixun ka an kikësokinbi ꞌati ꞌikën. ꞌAkin ka axa ꞌëmi nishkë unikamabë ꞌakanankin ꞌën ꞌanun ꞌë ꞌamiti ꞌikën, ꞌamianan ka kamabi ꞌën ꞌaisatankë ñukamaribi ꞌanun ꞌë ꞌamiti ꞌikën.

Salmos 119:142

Min ꞌakë ñukama axa xënibua ꞌaínbi upí ꞌimainun ka min ꞌunánmikë ñukama ax asérabi këmëkin ꞌunánmikëma ꞌikën.

Salmos 139:24

ꞌunánan kamina ꞌën karana ꞌatima ñu ꞌai akamabi, ꞌunánkin uisai karana ꞌëx ñu upí ꞌai xënibuti tsóti ꞌai kixun ꞌë ꞌunánmiti ꞌain.

Salmos 145:13

Mix ꞌapu ꞌia ax ka xënibua ꞌainbi mix ꞌapu ꞌiti ꞌikën, usa ꞌain ka kamabi unin rëbúnki ax mix kuëënkësabi oi ꞌiti ꞌikën.

Isaías 40:8

Usa ꞌain ka xubi ax ëski chushimainun ro ua axribi chushi xanania, ꞌaínbi ka Nukën ꞌIbu Diosan bana, ax xënibua ꞌaínbi usabi ꞌiti ꞌikën.”

Isaías 45:17

ꞌAínbi ka Nukën ꞌIbun Israel unikama a ië́miakëxa, ië́mikin xënibua ꞌaínbi ꞌitiokin ië́miakëxa. Usa ꞌaish ka uínsaranbi katë́ti ñuumara ꞌitima ꞌikën.

Isaías 6:2

Isanan kana unisa akamaxa tsi rëkirukë kamasa ꞌaish a manámi tsókë isan. Usa ꞌaish ka achúshi achúshinëx mapai achúshi ꞌimainun achúshi pëchiñu ꞌiaxa. Usa ꞌaish ka rabë́ pëchin bëmápuküanan, rabëtan aín chixumixun aín nami mapuanan ka rabëtanribi nuanxa.

Ezequiel 1:14

A ñukama uni iskësa ax ka kuantankëx bënëtishi utëkëni kaná mëriti ꞌikësai ꞌiakëxa.

Daniel 4:1

Ësai ka ꞌapu Nabucodonosor kiakëxa: ꞌëx kana kamabi ëmanu ꞌikë unikama ꞌimainun bëtsi menu ꞌikë unikama ꞌianan bëtsi banan banakë unikama atun menu ꞌikë akamaxa upiti ñuñu ꞌi bukukanti kuëënin kixun ka ꞌapun kirika kuënëomiakëxa.

Daniel 9:21

Kakëbëbi ka Gabriel kakë ángel ꞌën namákësokin iskëbëa ꞌëmi mërakë ax nuánkësakuatsini anu ꞌëx ꞌikë anu uaxa. Ukë anun ka Dios ñuina xaroxunti hora ꞌiti chukúmara pishinkë ꞌain bari kuabuti ꞌiaxa.

Mateo 10:27

ꞌËn mitsu imë́ribi cacë banacama camina camabi unían cuanun ñuiti ꞌain. Ñuianan camina mitsun xubunuxun ꞌën mitsu cacëcamaribi camabi unían cuanun ëmánxun ñuiti ꞌain.

Marcos 16:15

Usaquin caxun ca atu cacëxa: —Camabi menu cuanquin camina, ꞌëmi catamëti, aín ꞌucha tërë́ncë ꞌaish ca uni Nucën Papa Diosnan ꞌiti ꞌicë quixun camabi unían ꞌunánun, bana ñuixunti ꞌain.

Romanos 16:25

Cananuna Nucën Papa Dios asérabi rabiti ꞌain. Mitsux ainan ꞌaish Jesucristomi catamëtia ca an mitsu upíira upiti ami sinánun mitsu cushioti ꞌicën. Usoquin ca ꞌati ꞌicë quixun ca aín unicaman mitsu ꞌunánmiaxa. ꞌËnribi cana usoquin unicama ñuixunin. Ënë mecama uniocëma pain ꞌixun ca Nucën Papa Diosan, usai ca Jesucristo ꞌiti ꞌicë quixun sináncëxa. A ñucama unin ꞌunánma ꞌaínbi ca bërí Jesucristo ucë cupí unin ꞌunánti ꞌicën.

Colosenses 1:23

Usa ꞌinuxun camina camabi nëtën Cristomishi catamëcë ꞌixun sinánbëquinquinma ainan ꞌaíshmi aín nëtënu abë ꞌiti ashi manuquinma sinánti ꞌain. Usai ꞌi ca uni asérabi Nucën Papa Diosnan ꞌicë quixunmi cuacë bana ca camabi menuxunribi ñuicania. ꞌËnribi cana unicama a bana ñuixunin.

2 Tesalonicenses 2:16

Usa ꞌain cana Nucën ꞌIbu Jesucristo ꞌimainun Nucën Papa Dios an nuibaquin nux chuámashi tani cuëënun ꞌimianan xënibua ꞌaínbi abë ꞌinun nu ꞌimicë,

Hebreos 13:20

Nucën Papa Dios, an aín unicama abë upí ꞌinun ꞌimicë, an ca Nucën ꞌIbu Jesucristo, an aín unicama bërúainracë, a bamacëbi baísquimiacëxa. An Jesús aín imi ꞌapati bamacë cupí nun ꞌuchacama tërë́nquin nux xënibua ꞌaínbi ainan ꞌinun ꞌimicë,

1 Pedro 1:25

Usa ꞌaínbi ca Nucën ꞌIbu Diosan bana xënibua ꞌaínbi usabi ꞌia. Ënë banax ca —Jesucristomi catamëti ca uni Nucën Papa Diosnan ꞌiti ꞌicë —quixuan aín unicaman mitsu ñuixuncë a ꞌicën.

Apocalipsis 10:11

Usai ꞌicëbëtan cana ënë banaribi cuan: —Bëtsi bëtsi unibu, bëtsi bëtsi nëtënu ꞌianan bëtsi bëtsi banan banacë, a unicama ñuia Nucën Papa Dios quicë bana camina unicama ñuixuntëcënti ꞌain.

Apocalipsis 10:7

Bëtsi ángelnën aín manë banañu banocëbë ca an Nucën Papa Dios quicë bana uni ñuixuncë unicamaxa, usai ca ꞌiti ꞌicë quiásabi oi ꞌiti ꞌicën. A bana uisai quicë cara quixun unin ꞌunánma ꞌaínbi ca a bana quicësabi oi ꞌiti ꞌicën, manë banañu banocëbë.

Apocalipsis 13:7

Usaquian ëncëxun ca camabi menu ꞌicë unicama, axa Nucën Papa Diosmi catamëcë, abë ꞌacananquin ñusmoxa. Ñusmoxun ca camabi menu ꞌicë unicama, bëtsi bëtsi unibu, bëtsi bëtsi banan banacëcama, aín bana cuanun ꞌimiaxa.

Apocalipsis 3:10

Mitsun camina uisa ñu cara ꞌicëbëtanbi ꞌëmi catamëanan ꞌën bana quicësabi oquin ꞌati ëncëma ꞌain. Usaími ꞌicë cupí cana anúan unicama paë tani tëmërati nëtëa ucëbëmi tëmëraxma ꞌinun mitsu ꞌimiti ꞌain.

Apocalipsis 5:9

Carnero ꞌicësaribitia unin ꞌucha cupí bama, ami bësuax ca cantati ió cantaxa, ësai qui: —Min camina bëtsibë sënë́nmaira ꞌixun a quirica anúan tacáshcacë pëóshxun bacati ꞌain. Mix bamax baísquia ꞌixun camina nucama bëtsi bëtsi unibu, bëtsi bëtsi banan banacë, ꞌimainun camabi nëtënuax ucë, ꞌimainun bëtsi bëtsi ꞌapuñu unicama, Nucën Papa Diosnan ꞌinun ië́mian.

Apocalipsis 8:13

Usacëbëtan istëcënquin cana ángel naínuax nuania isan. Nuania, munuma banai ësai quia cana cuan: —Manë banañu rabë́ ꞌimainun rabë́ banocë ꞌaínbi ca rabë́ ꞌimainun achúshi ángelnënribia banocëbëtan, axa menu bucucë unicaman masócë ꞌixun ꞌaisamaira paë tanti ꞌicën. Achúshi banocëbë tëmëranan ca bëtsi banocëbëribi tëmëranan bëtsiribia banocëbë usaribiti tëmëratëcënti ꞌicën.