Apocalipsis 14:2 - Kashibo-Kakataibo Biblia

² A isanan cana naínuaxa banaia cuan. A banax ca baca xuqui cushíinra banaruia cuacësa ꞌianan caná munuma banacësaribi ꞌaish ꞌitsa unían aín arpa ꞌaia cuacësaribi ꞌiaxa.

Nukën 'Ibu Diosan ain unikama 'inan ain bana

² A isanan cana naínuaxa banaia cuan. A banax ca baca xuqui cushíinra banaruia cuacësa 'ianan caná munuma banacësaribi 'aish 'itsa unían aín arpa 'aia cuacësaribi 'iaxa.

Apocalipsis 14:2 Iomraidhean Croise

2 Samuel 6:5

Usokian buánkëbë ka, a kaxú David ꞌimainun abëa kuankë unikamax Dios rabi kuëëni aín kushibëbi ransakin atun sharíkati sharikamainun manë parókë ꞌamainun atun arpa ꞌanan mëkënan mëëkin banamikë akama kuëënkin ꞌakankëxa.

Salmos 33:2

Nukën ꞌIbu kamina arpa mëëkë aín banabi tankin asabi ka kati ꞌain ꞌanan kamina manë sharikati a mëëkin rabiti ꞌain,

Salmos 43:4

ꞌImikëxun kana anuxun mi ñuina xaroxunti ꞌakë a ꞌurama oti ꞌain ꞌën ꞌIbu Dios, anuxun kana mi rabikin ꞌitsaira kuëënkin, arpa mëëkin mi rabiti ꞌain ꞌën ꞌIbu Dios, usa ꞌixun kamina ꞌitsaira kuëënun ꞌë ꞌimiti ꞌai ꞌËn ꞌIbu Dios.

Salmos 93:4

ꞌaínbi kamina mix naínu Dios baka bëchunan kushisamaira ꞌianan, parúmpapakama bëchuni tuki banarukë usamaira ꞌain.

Éxodo 19:16

Usokian kakë rabë́ ꞌimainun achúshi nëtë sënë́nkëbëa a pë́karakë ꞌain ka kanákamë ꞌëo sharakirumainun nëtë kuin këxtuira an aín bashi mapuakëxa. Mapukë a mëuküaxa kushiira ꞌinun aín manë banañu banaia kuati ka kamabi Israel unikamax aín ꞌikënuaxbi rakuë́ti bërëkankëxa.

Éxodo 20:18

Kamabi israel unikaman ka kaná banakë a kuanan manë banañu bana okë aribi bana oia kuakëxa, kuanan ka mëríru mëriruia ꞌikë a isanan aín bashinua kuin këxtuira ꞌibúkin mapuruia isakëxa; isi rakuë́ti ka aín bashi ꞌura atux ꞌiakëxa.

Zacarías 9:14

Usakin ꞌakëbëtan ka Diosan aín unikama aín kushi chaiira cha anun ꞌakinti ꞌikën; ꞌakinkin ka kaná mëríkë axa pia nikëx kuankë usa ꞌitánun ꞌimiti ꞌikën. ꞌImi ka Dios aín manë banañu banobiani suñúan mëu aín rëbumi kikiani kuanti ꞌikën.

1 Corintios 13:1

ꞌËx bëtsi bëtsi banan bananan anun ángel banacë banánribi banacëxbi ca uni nuibacëma ꞌaish ꞌën bana rata tancácësa ñancáishi ꞌicën.

Apocalipsis 1:10

Anun Nucën ꞌIbu Dios rabiti nëtën ꞌëx ami sinánquin cana ꞌuxúnmabi namácësa oquin, ꞌë caxucüaxa manë banañu banocë́xa banacësari munuma banaia cuan.

Apocalipsis 1:15

Aín taëx ca cashtá manë́xa niba nibaquicë ꞌaish ichúcësa ꞌiaxa. ꞌImainun ca aín banax baca xuqui cushíinra banaruia cuacësa ꞌiaxa.

Apocalipsis 11:12

Racuë́cëbëtan ca a rabëtan ësaquin caía naínuax banaia cuaxa: —Nëri ca ut. Cacëx ca axa atumi nishcë unicaman ismainunbi nëtë cuinan nëbë́tsiocëx naínu cuanxa.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.

Apocalipsis 15:2

Usoquin ángelcama isanan cana parúnpapa upí, bëxnan bëxnánquicë iscësa ꞌaíshbi ꞌunpáxma ꞌaish tsi rëquirucëcëñun mëscucë iscësa isan. Anu ca ꞌaisamaira uni, arpa, anun Nucën Papa Dios rabiti, a ñuñu sëtë́axa. A unicamax ca parúnpapanuax uaxa ꞌirucë ñuinacanꞌëo, a rabicëma, ꞌianan a tanquin unin ꞌacë ñu rabicëma, ꞌianan aín número aín bëmánan ꞌimainun aín mëcë́nu ꞌacëma ꞌiaxa.

Apocalipsis 18:22

Anu ꞌicë, an ñu marucë unicama bëtsi menu ꞌicë an ñu marucë unicamasama ꞌaish, ñubë́ ꞌixun ca camabi menu ꞌicë unicama paránquin ꞌatima ñu ꞌamiaxa. Usa ꞌaínbi ca Babilonia ëma cha anuxun arpa cacë ñua raírinën ꞌamainun raírinënribi pacon banomainun bëtsi bëtsi ñucamaribi ꞌai cuëëni sharatia unin cuatëcëntima ꞌicën. An i ꞌanan manë uniocë unían anuxun ꞌatëcënti ca ꞌaíma ꞌiti ꞌicën. An ñu rëncë xanúan ñu rënquin tarúncaia ca unin cuatëcëntima ꞌicën. Anun xubucama pëcati lamparín ca ꞌaíma ꞌiti ꞌicën. Unin xanu biti nëtë ca ꞌitëcëntima ꞌicën.

Apocalipsis 5:8

Bicëbë ca ꞌitsa bëruñu rabë́ ꞌimainun rabë́ ñu, axribia bamatimoi tsócë, acama ꞌimainun mëcën rabë́ ꞌimainun taë rabë́ ꞌimainun rabë́ ꞌimainun rabë́ caniacëcë unicamaribi, Carnero ꞌicësaribitia unin ꞌucha cupí bama ami bësucë ꞌaish a rabi rantin purúanxa. A caniacëcë unicaman ca arpa cacë ñu a ꞌai cuëëni cantati, a ꞌimainun curi ꞌacë manë xanpa anua sanutanun nëënti tsëpasa ñu ꞌicë, acama tuíanxa. A xanpanuax cuin tëxë́quianxa ꞌirucë, ax ca aín unicaman Nucën Papa Dios rabianan ñucácë banacama a ꞌiaxa.

Apocalipsis 6:1

Usaquin istancëxun cana Carnero ꞌicësaribitia unin ꞌucha cupí bama, an anúan quirica tacáshcacë mëcën achúshi ꞌimainun rabë́ ñu a achúshi pëóshia isan. Pëóshcëbëtan cana ꞌitsa bëruñu rabë́ ꞌimainun rabë́ ñu, axribia bamatimoi tsócë, acama achúshinëxa caná banacësari munuma banai —ca chiquiti ut —quia cuan.

Apocalipsis 8:7

Achúshi ángelnën pain ca aín manë banañu banoxa. Banocëbë ca ꞌuí ꞌaíshbi matsiira ꞌaish iru, a ꞌimainun tsi rëquirucë, acamabë imi mëscúcë, acamax meu nicëx rëucüaxa. Rëucucëbë ca ꞌaisamaira ꞌaíshbi mecama nëbë́tsi, rabë́ ꞌimainun achúshi oquin tëacësa ꞌaíshbi amo ꞌicë achúshi nëëmëti nëtë́axa. Icama ꞌimainun basi paxacamaribi nëbë́tsi, rabë ꞌimainun achúshi oquin tëacësa ꞌaíshbi, amo ꞌicë achúshi ca nëëmëaxa.