Apocalipsis 13:3 - Kashibo-Kakataibo Biblia

³ ꞌËn iscëx ca a parúnpapanuax uax ꞌirucë ñuinacanꞌëo aín maxcá achúshi, unin motisama oquin tëacësa ꞌaíshbi mooxa. Mocëbë ratúquin ca camabi menu ꞌicë unin —cushiira ca ax ꞌicë —quixun sinánxa. Usaquin sinánquin ca aín bana cuaxa.

Nukën 'Ibu Diosan ain unikama 'inan ain bana

³ 'Ën iscëx ca a parúnpapanuax uax 'irucë ñuinacan'ëo aín maxcá achúshi, unin motisama oquin tëacësa 'aíshbi mooxa. Mocëbë ratúquin ca camabi menu 'icë unin —cushiira ca ax 'icë —quixun sinánxa. Usaquin sinánquin ca aín bana cuaxa.

Apocalipsis 13:3 Iomraidhean Croise

Lucas 2:1

Ënë menua Jesús uti ca ësai ꞌiacëxa: Romanu ꞌicë ꞌapu, César Augusto, aín bana ca cuacocancëxa, camabi unix ca aín anë quiricanu ꞌai cuanti ꞌicë quixun.

Juan 12:19

Usaía ꞌicancëbë ca fariseo unicamax canancëxa: —Camina iscanin, camabi unix ca ami sinani a isi cuanxa. Usaía ꞌia isquin camina ꞌunáncanti ꞌain, nun Jesús ꞌacatsi quiax ꞌësë́nanquinbi cananuna añubi oiman.

Hechos 8:13

Usaía ꞌicëbë ca Simónribi a bana cuaxun, asérabi ca ax ꞌicë quixun sinani nashimicë ꞌaish Felipebë niacëxa. Abë nitsi ca Felipenëan uni itsin ꞌacëma ñu ꞌaia isi ratuti sináncasmacëxa.

Apocalipsis 13:12

A ñuinacanꞌëo me mëucüax ucë, aín cushi ca parúnpapanuax uax ꞌirucë ñuinacanꞌëo abë ꞌaish aín cushisaribi ꞌiaxa. Usa ꞌixun ca camabi menu ꞌicë unicaman parúnpapanuax uax ꞌirucë ñuinacanꞌëo, axa motisama oquin tëacë ꞌaíshbi mocë, a rabinun me mëucüaxa ucë ñuinacanꞌëon rabimiaxa.

Apocalipsis 13:14

Parúnpapanuax uaxa ꞌirucë ñuinacanꞌëon ismainun, usoquin ꞌanúan Nucën Papa Diosan ëncëxun ca unían iscëma ñu ꞌanan acëma ñuribi ꞌaquin, ënë menu ꞌicë unicama paránxa. Paránan ca a ñuinacanꞌëo parúnpapanuax uaxa ꞌirucë axa manë xëtocën motisama oquin tëacë ꞌaíshbi mocë, abi tanquin a iscësaribi ꞌitánun ꞌanun uni ꞌamiaxa.

Apocalipsis 17:10

Usa ꞌaish ca mëcën achúshi ꞌimainun rabë́ ꞌapucama asaribi ꞌicën. A ꞌapucamax ca mëcën amo ꞌicë sënën, axira paían cushi ꞌicë axa bamacëbë bamacëbë ꞌapu ꞌiacëxa. Achúshinëx ca bërí usaribi ꞌapu ꞌicën, bëtsi ca ꞌicëma pain ꞌicën. Ax ca ꞌapu ꞌaíshbi xënibunuxunma ꞌaia.

Apocalipsis 17:11

Acamax achúshi achúshinëx ꞌicëbë ca acama ꞌicësaribi ꞌaíshbi bëtsi axribi ꞌapu ꞌiti ꞌicën. Ax ca ñuinacanꞌëo, anu a xanu tsócë, axa ꞌiá ꞌaíshbi nëtë́cë, a ꞌiti ꞌicën. ꞌApu ꞌitancëx ca anu ax xënibua ꞌaínbi paëira tani tëmërati anu cuanti ꞌicën.

Apocalipsis 17:13

A mëcën rabë́ ꞌapucaman ca raírinën sináncësaribi oquin sinania. Acaman ca a ñuinacanꞌëon cacësabi oquin ꞌanan atúan ꞌibuacë unicama usaribi oquin ꞌanun ꞌamiti ꞌicën.

Apocalipsis 17:17

Usaía ꞌinun ca Nucën Papa Diosan a mëcën rabë́ ꞌapucama bëtsin sináncësaribi oquían sinánun ꞌimiaxa. Nucën Papa Diosan ꞌimicëxun ca atun, anua a xanu tsócë ñuinacanꞌëon cacësabi oquin ꞌanan atúan ꞌibuacë unicama usaribi oquin ꞌanun ꞌamiaxa. Aín banacama sënë́ntamainun usai ꞌinun ca Nucën Papa Diosan ꞌimiaxa.

Apocalipsis 17:6

A xanúxa, Nucën Papa Diosan uni ꞌicëa unin ꞌacë ꞌimainun an Jesucristo ñuiquin uni bana ñuixuncë cupía unin ꞌacëx bamacë unicaman imi xëax, anun paë́anx cuëëinra cuëënia cana isan. Isi, cana ratúira ratúan.

Apocalipsis 17:8

A ñuinacanꞌëo a min iscë, ax ca ꞌiacëxa, ꞌaíshbi ca bërí ꞌaíma ꞌicën. Ca quini cha nëmíinra anu ꞌicën. Anu ꞌaíshbi ca anu xënibua ꞌaínbi paëira tani tëmërati anu cuanux, quini cha nëmíinra anuax chiquíti ꞌicën. A ñuinacanꞌëo anua xanu tsócë, axa parúnpapanu ꞌia, axa anu ꞌiá, ꞌaíshbi nëtë́a ꞌaish utëcënia isi ca a Nucën Papa Diosan nëtënu ꞌiti oquin nëtë ióñubi aín anë cuënëoma unicama, ax ratúira ratúti ꞌicën.