Apocalipsis 13:18 - Kashibo-Kakataibo Biblia

¹⁸ An ñu ꞌunáncë unin ca parúnpapanuax uaxa ꞌirucë ñuinacanꞌëo uisai quicë cara aín número ꞌicë quixun ꞌunánti ꞌicën. Aín númeronëx ca, seiscientos sesenta y seis (666) ꞌicën. Anëñu ꞌaíshbia númeroñu unisaribi ca a ñuinacanꞌëon número ꞌicën.

Nukën 'Ibu Diosan ain unikama 'inan ain bana

¹⁸ An ñu 'unáncë unin ca parúnpapanuax uaxa 'irucë ñuinacan'ëo uisai quicë cara aín número 'icë quixun 'unánti 'icën. Aín númeronëx ca, seiscientos sesenta y seis (666) 'icën. Anëñu 'aíshbia númeroñu unisaribi ca a ñuinacan'ëon número 'icën.

Apocalipsis 13:18 Iomraidhean Croise

Salmos 107:43

Uix kara sinánñu ꞌikë an kuni ka ënë bana kikësokin ꞌati ꞌikën, ꞌakin ka Diosan ka kamabi uni nuibatia kixun unánti ꞌikën.

Oseas 14:9

An ñu ꞌunánkë unikama ꞌimainun sinánñu unikama, akaman ka ënë bana kuati ꞌikën: Kamabi ñu Diosan ꞌá ax ka upíokin ꞌá ꞌikën, usa ꞌain ka an ñu ꞌupíshi akë unikaman ax kikësabiokin ꞌaia; usa ꞌaínbi ka ꞌatima sinánñu unikama usakin ñu ꞌaiama Diosan ꞌatima oia.

Marcos 13:14

Usaquin caxun ca Jesusan ësaquinribi aín ꞌunánmicë unicama cacëxa: —An Nucën Papa Dios quicë bana unicama ñuixuncë uni, Danielnëan a ñuiquin cuënëo uni ax ca ꞌatimaira ꞌicëa unin timacë ꞌaíshbi aín suntárucamabë uti ꞌicën. Aí ca ax anua ax ꞌitima anu ꞌiti ꞌicën. An ënë bana iscë uni an ca uisai quicë cara quixun ꞌunánti ꞌicën. Usai ꞌicëbë ca unicama ami racuëti Judea menu ꞌicë ëmacamanuax abáquiani matánu cuanti ꞌicën.

Romanos 3:5

¿Nun nu ax cuëëncësabi oquin ꞌaiama oquin, upí ꞌinun quixun an nu castícania isquian uni raírinën Nucën Papa Dios, ax ca aín sinan upíira ꞌicë quixun ꞌunáncë ꞌain caranuna uisoquin sinánti ꞌain? ¿An nu castícancë cupí ca Nucën Papa Dios upíma ꞌicë quixun caranuna sinánti ꞌain? Usai quicë banax ca unin abi sináncësa ꞌicën.

Apocalipsis 1:3

Anun cuënëo banacama quicësabi oi ꞌiti nëtë ca xënibuiracëma ꞌaínshi uti ꞌicën. A nëtën ca an ënë bana iscë unicama ꞌimainun an uni itsían ñuia cuacë unicama ꞌimainun a bana cuaquin —asérabi ca usaía quicësabi oi ꞌiti ꞌicë —quixun sinánquin a bana quicësabi oquin ꞌacë unicama cuëëinra cuëënti ꞌicën.

Apocalipsis 15:2

Usoquin ángelcama isanan cana parúnpapa upí, bëxnan bëxnánquicë iscësa ꞌaíshbi ꞌunpáxma ꞌaish tsi rëquirucëcëñun mëscucë iscësa isan. Anu ca ꞌaisamaira uni, arpa, anun Nucën Papa Dios rabiti, a ñuñu sëtë́axa. A unicamax ca parúnpapanuax uaxa ꞌirucë ñuinacanꞌëo, a rabicëma, ꞌianan a tanquin unin ꞌacë ñu rabicëma, ꞌianan aín número aín bëmánan ꞌimainun aín mëcë́nu ꞌacëma ꞌiaxa.

Apocalipsis 17:9

Sinánñu ꞌixun camina ꞌën mi cacë bana upí oquin cuati ꞌain. Ënëx ca ësa ꞌicën: Anua xanu tsócë ñuinacanꞌëo, aín maxcácama mëcën achúshi ꞌimainun rabë́, acamax ca matá me mëcën achúshi ꞌimainun rabë́, anu a xanu tsócë, asaribi ꞌicën.

Apocalipsis 21:17

Unin tupúncësaribi oquin ca ángelnën aín cënëribi tupúanxa. Tupúncëx ca aín manámi sesenta y cuatro metro ꞌiaxa.