Apocalipsis 12:9 - Kashibo-Kakataibo Biblia

⁹ Anua atux ꞌiti ꞌaíma ꞌain ca pianancë ñuina chaira maxë capë́sa a aín ángelcamacëñunbi Nucën Papa Diosan chiquínxun menu niaxa. A capë́sa ñuina ax ca an bëráma Nucën Papa Diosan uniotabatia uni paran ꞌaish ñunshin ꞌatimanën ꞌapu, Satanás, an camabi menu ꞌicë unicama paráncë a ꞌicën.

Nukën 'Ibu Diosan ain unikama 'inan ain bana

⁹ Anua atux 'iti 'aíma 'ain ca pianancë ñuina chaira maxë capë́sa a aín ángelcamacëñunbi Nucën Papa Diosan chiquínxun menu niaxa. A capë́sa ñuina ax ca an bëráma Nucën Papa Diosan uniotabatia uni paran 'aish ñunshin 'atimanën 'apu, Satanás, an camabi menu 'icë unicama paráncë a 'icën.

Apocalipsis 12:9 Iomraidhean Croise

Génesis 3:1

Nukën ꞌIbu Diosan uniokë bëtsi ñuina raëkëma kamasamaira ka runu ꞌiakëxa, usa ꞌixun ka xanu ñukákëxa: —¿Asérabi kara Diosan i bimi naësa ënu ꞌikëkama ënë pixunma anun mi kax?

Génesis 3:13

Usakian kakëxun ka Nukën ꞌIbu Diosan xanu ñukákëxa: —¿Uisa kupí kaina usokin ꞌan? Kakëxun ka xanun kakëxa: —Runun ꞌë paránkëxun, kana a i bimi pian.

Isaías 65:25

ꞌIanan ka shórapánanën carnerobë timë́xun, pimainun paru ꞌinúanën vaca bënën ꞌakësaribi okin pasto piti ꞌikën, ꞌimainun ka rununribi me putu piti ꞌikën. Usa ꞌain ka an kamabi ꞌën bashikamanu ꞌikë, unikama ꞌatima oti uinu ꞌikë unibi ꞌaíma ꞌiti ꞌikën.” Usai ka Nun ꞌIbu kiaxa.

Mateo 13:39

An chucu ꞌapácë uni asaribi ca ñunshin ꞌatimanën ꞌapu ꞌicën. Anun bimi biti nëtë ñuiquinbi cana ꞌëx utëcënti nëtë ñui quian. An bimi bicë unicama asa ca ángelcama ꞌicën.

Mateo 24:24

Anúan usoquin unicaman tëmërati nëtë ucëbëtan ca unin ax asérabi ama ꞌixunbi —ꞌëx cana Cristo ꞌai —quixun paránti sinánquin unicama canuxun ꞌaia. Usaribiquin ca uni raírinën cëmëquin —ꞌën cana Nucën Papa Dios quicë bana unicama ñuixunin —quixun unicama canuxun ꞌaia. Cana ca unicama paránti sinánquin, uni itsían ꞌacëma ñu ꞌanuxun ꞌaia. ꞌAquin ca Nucën Papa Diosan ainan ꞌinun caíscë unicamaribi paránti sinánuxun ꞌaia.

Mateo 25:41

Usaquin catancëxun cana axa ꞌën mëmiu ꞌicë unicama cati ꞌain: Mitsux ꞌën unibuma ꞌaish ca ꞌë ꞌura cuantan. Cuanx ca manë tsi anua aín ꞌapubë ñunshin ꞌatimacama ꞌinun mënío anu ꞌitan.

Mateo 4:1

Nashimicë ꞌicë ca Nucën Papa Diosan Bëru Ñunshin Upitan Jesús anu uni ꞌicëma menu cuanti sinánmiacëxa, anuxun ca ñunshin ꞌatimanën ꞌapun ñu ꞌatima ꞌamicatsi quixun ꞌati ꞌicë quixun ꞌunánquinbi.

Mateo 4:10

Usaquian cacëxun ca Jesusan cacëxa: —Ñunshin ꞌatimanën ꞌapu, ënuax ca cuantan. Nucën Papa Diosan bana cuënëo ca ësai quia: “Min ꞌIbu Diosëshi camina rabiti ꞌain. Rabiquin camina ashi ax cuëëncësabi oquin ñu ꞌaxunti ꞌain”.

Mateo 4:5

Usotancëxun ca ñunshin ꞌatimanën ꞌapun Jesús Jerusalén ëma upí anu buáncëxa. Buántancëxun ca anuxun Nucën Papa Dios rabiti xubu aín mascuan sënë́ncënu buánruacëxa.

Mateo 4:8

Usotancëxun ca ñunshin ꞌatimanën ꞌapun amiribishi tantëcëncatsi quixun aín bashi chairucë manan Jesús buáncëxa. Buántancëxun ca anuxun camabi me ꞌimainun a menu ꞌicë ëmacamaxa cha ꞌaish upí ꞌicë ismiacëxa.

Lucas 10:18

Cacëxun ca Jesusan cacëxa: —Usa ca. Caná naínuax menu bënëtishi ꞌibúcësaria ñunshin ꞌatimanën ꞌapu Satanás naínuax nipacëtia cana isacën.

Lucas 13:16

¿Mitsun ñuinami usoquin ꞌacë ꞌain carana mitsusaribi ꞌaísha Abrahamnën rëbúnqui ꞌicë, ñunshin ꞌatimanën ꞌapun dieciocho baritian ꞌinsínmicë xanu, ënë anun ñu mëëtima nëtë ꞌaínbi pëxcutima ꞌain? Cana ꞌati ꞌain.

Lucas 22:3

Usacëbë ca Jesusan ꞌunánmicë unicama mëcën rabë́ ꞌimainun rabë́, acama achúshi, Judas Iscariote, anu ñunshin ꞌatimanën ꞌapu Satanás atsíancëxa.

Lucas 22:31

Usaquin catancëxun ca Jesusan Simón Pedro cacëxa: —Simón, ñunshin ꞌatimanën ꞌapu, Satanásnën ca mitsu ꞌatimamitisa tanquin an usaquin ꞌanúan ënun quixun Nucën Papa Dios ñucáxa. Usa ꞌixun ca xanúan ñu bimi tacaquin shaícacësaribi oquin mitsu tanti ꞌicën.

Lucas 8:12

Anúan uni nicë me iru anu nipacëcë ñu bëru, asaribi ca bëtsi bëtsi uni ꞌicën. Aín pabitan cuaquinbia —asérabi ca usa ꞌicë —quixun sináncëbëma anu uxun ca a bana aín nuitu mëu sinani Nucën Papa Diosnan ꞌinux ië́axma ꞌinun quixun uni ñunshin ꞌatimanën ꞌapun manumia.

Juan 12:31

Bërí ca ënë nëtënu ꞌicë unicama, cara ꞌëmi sinania, cara ꞌëmi sinanima quixun Nucën Papa Diosan isti ꞌicën. Isanan ca an ꞌëmi sináncëma unicaman ꞌapu, ñunshin ꞌatimanën ꞌapuribi ax cushi ꞌicëbi ꞌën unicama ꞌibuatimoquin ñusmoti ꞌicën.

Juan 14:30

Ënë banacamaishi cana mitsu cain. An ënë menu ꞌicë unicama ax cuëëncësa oquian ꞌanun ꞌamicë ꞌapu ca aia. Usa ꞌain cana bana itsiribi ñuiquin mitsu caiman. Uxunbi ca an ꞌë uisoima.

Juan 16:11

An ënë nëtënu ꞌicë unicama ꞌibuacë ñunshin ꞌatimanën ꞌapu ca castícanuxun ꞌuchocë ꞌicën. Usa ꞌain ca axa ꞌëmi catamëcëma unicamanribi, usaribiti ca atux castícancë ꞌiti ꞌicë quixun ꞌunánti ꞌicën.

Juan 8:44

Mitsun papax ca ñunshin ꞌatimanën ꞌapu ꞌicën. Ainan ꞌixun camina axa cuëëncësa oquinshi ꞌaisa tanin. An ca nëtë ióñubi uni ꞌati sináncëxa. Ax ca cëmë ꞌaish axa ꞌiásabi cëmëia. Cëmëi ca an sináncësa oquinshi sinani banaia. Ainra ca cëmë́ntapun ꞌixun unían uni itsi cëmëquin paránun ꞌimia.

Hechos 26:18

Minmi ꞌë ñuixuncëxa atux ñu ꞌatima ꞌatishi sinani bëánquibucënu nicësa ꞌaíshbi sinanaquin ñu upíshi ꞌati sinánun cana mi xutin, ñunshin ꞌatimanën ꞌapu Satanásnën ꞌibuacë ꞌaíshbi sinanatía Nucën Papa Diosnan ꞌinun. Usai ꞌëmi catamëcë ꞌaísha aín ꞌuchacama tërë́ncë ꞌinun cana atunu mi xutin. Usa ꞌain ca an mëníosabi oi atux aín unicamabë Nucën Papa Diosan nëtënu ꞌiti ꞌicën”.

Hechos 5:3

ꞌInania ca Pedronën cacëxa: —Ananías, ¿uisacasquin cara ñumshin ꞌatimanën ꞌapu, Satanás, an ꞌibuaquin, Nucën Papa Diosan Bëru Ñunshin Upí paráncësa ꞌixunmi me cupími bicë curíqui mësú binun mi sinánmiax?

Romanos 16:18

Usa unin ca Nucën ꞌIbu Jesucristo cuëëncësabi oquin ꞌaquinma aín cuëëncësa oquinshi ꞌaia. Atux ca an Nucën Papa Diosan bana upí oquin ꞌunáncëma unicamabë upiti banaibi cëmëia. Usaquin paránquin ca aín bana cuanun uni sinánmia.

Romanos 16:20

Usoquin mitsun ꞌacëbëtan ca Nucën Papa Dios, an aín unicama chuámarua ꞌimiti, an ñunshin ꞌatimanën ꞌapu mitsu ubíotëcënxunma ꞌanun bënë́nquinshi ñusmamiti ꞌicën. Nucën ꞌIbu Jesucristonën mitsu nuibaquin ꞌaquincëx mitsux upí ꞌiti cana cuëënin.

2 Corintios 11:14

Usaquin uni parania isíbi camina ratúcantima ꞌain. Ñunshin ꞌatimanën ꞌapu, Satanás, anribi ca aín bana isa Diosan banasaribi ꞌicë quixun sinánmisa tanquin uni parania.

2 Corintios 11:3

Ax cëmëti ꞌunan ꞌixun ca runun Eva paráncëxa. Usaribi oquin sapi ca anu ꞌicë unicaman mitsu parania quixun cana ꞌitsa sinanin. Cristomi asérabi upiti catamëcë ꞌixunbi sapi camina bëtsi oquin sinánquin aín bana ënti ꞌai quixun cana sinan.

2 Corintios 12:7

ꞌInsíncë ꞌaish ꞌën nami paëi ꞌëx ubiti tëmëracë ꞌaínbi ca Nucën Papa Diosan ꞌëx aín nëtënu cuanxun ñu iscë cupí rabiacáti rabanan usoquin ꞌë ꞌiminun ñunshin ꞌatimanën ꞌapu ëanxa.

2 Corintios 2:11

Usoquin manucëma ꞌicë ca ñunshin ꞌatimanën ꞌapu, Satanás, an nu ꞌatimaquin sinánmiquin ꞌatimamiti ꞌicën. Usa ca ax ꞌicë quixun cananuna ꞌunan. An usoquin nu ꞌatimaquin sinánmiti rabanan cananuna aín ꞌucha manui a unibë upí ꞌiti ꞌain.

2 Corintios 4:4

Usaquin sináncë unicaman ca ñunshin ꞌatimanën ꞌapúan sinánmicëxun, uisairai cara aín ꞌucha tërë́ncë ꞌaish Nucën Papa Diossaribi, Cristo, ainan ꞌiti ꞌicë quixun ꞌunanima.

Efesios 4:14

Usai ꞌi cananuna bërámanu ꞌiásaribiti bërí ꞌitima ꞌain. Bërí cananuna tuáxunratsunën unín paráncëxun sinánbëquincësa ꞌaish unín bëtsi bëtsi bana ñuixunquin paráncëxun amanua amanua sinani usaribi ꞌitima ꞌain. An uni paráncë unicaman cëmëquin nu paránquin ñu ꞌatima ꞌanun quixun ꞌimicëx usai ꞌiá ꞌaíshbi cananuna bërí usai ꞌitëcëntima ꞌain.

2 Tesalonicenses 2:3

Usai quicë bana ñuia cuaquinbi camina —asérabi ca —quixun sinántima ꞌain. Jesucristo uti nëtë ucëma pan ꞌain ca ꞌaisamaira unin Nucën Papa Diosan bana cuaisama tanti ꞌicën. Usaía ꞌicëbë ca aínra unicama paránquin aín bana cuanun quixun ꞌaisama ñu ꞌamiti uni achúshi, axa aín ꞌucha cupí ꞌaisamaira oquin castícancë ꞌiti, ax uti ꞌicën.

1 Timoteo 2:14

Uniocëbi ca ñunshin ꞌatimanën ꞌapúan sinánmicëxun runun Adánma, Eva paránquin ñu ꞌatima ꞌamiacëxa. Usocëx ca ꞌuchacëxa.

2 Timoteo 3:13

Usaía ꞌimainun ca ꞌaisama unicama ꞌimainun an uni paráncë unicama, ax bëtsi unían paráncë ꞌixun atúnribi usaribi oquin uni paráncë ꞌaish axa ꞌiásamaira ꞌiti ꞌicën.

Hebreos 2:14

Achúshi unin bëchicëcamax ca aín xucë́nsaribi ꞌia. Usaribiti ca Nucën Papa Diosan bëchicëcamaxa uni ꞌain, axribi uni ꞌinux Jesús uacëxa. Uni ꞌaish ca, an ñu ꞌatima ꞌati sinánmicë ꞌaísha Nucën Papa Diosbë uni ꞌitima ꞌicëbi ñunshin ꞌatimanën ꞌapu a ñusmonux bamati cupí, Jesús uni ꞌiacëxa.

1 Pedro 5:8

Paru ꞌinúan cuëë́rui aín piti bari nicësa, usaribiti ca ñunshin ꞌatimanën ꞌapu, uni ñu ꞌatima ꞌanun quixun sinánmianan Nucën Papa Diosmi sinánti ënminuxun bari nitsia. Usa ꞌain camina mitsua paránti rabanan bërúancati ꞌain.

1 Juan 5:19

Cananuna ꞌunanin, nuxnu Nucën Papa Diosnan ꞌaínbi ca camabi menu ꞌicë unicamax ainanma ꞌaish ñunshin ꞌatimanën ꞌapunan ꞌicë quixun.

Judas 1:9

Usaría a unicamax quicë ꞌaínbi ca usoquin caquinma ángelcaman cushi, Miguel, an abë banaquin ñunshin ꞌatimanën ꞌapu ꞌatima bana ꞌinánquinma, Moisés bamacë rabanan abë cuëbicanancëxunbi, Miguelnën ñunshin ꞌatimanën ꞌapu ësaquinshi cacëxa: “Nucën ꞌIbu Diosan ca mi ꞌuchoquin ñu cati ꞌicë” quixun.

Apocalipsis 12:12

Ñunshin ꞌatimanën ꞌapu a Nucën Papa Diosan aín nëtënua chiquíncë ꞌain, camina a nëtënu ꞌicëcama, mitsux cuëënti ꞌain. Mitsu usaquin canan cana axa menu ꞌicëcama ꞌimainun axa parúnpapanu ꞌicëcama ësaquin cain: Nucën Papa Diosan aín nëtënua chiquíncë ꞌaish ca ñunshin ꞌatimanën ꞌapu ꞌaisamairai nishaxa, anun an ñu ꞌati nëtë ca ꞌitsama ꞌicë quixun ꞌunani. Nishquian ñu ꞌacëbëtan camina ꞌaisamaira masá nuituquin tëmërati ꞌain.

Apocalipsis 12:3

A istancëxun cana bëtsi ñuribi naínua isan, ax ca pianancë ñuina chaira, maxë capë́sa ꞌiaxa. Aín maxcá ca mëcën achúshi ꞌimainun rabë́ ꞌiaxa. Usa ꞌaish ca aín maxcá achúshi achúshinu mañuti ꞌiaxa. Aín matúxcacama ca mëcën rabë́ ꞌiaxa.

Apocalipsis 12:7

Usaía ꞌian ca Nucën Papa Diosan nëtënuax, ángelcaman cushi, Miguel, a ꞌimainun aín ángelcamax, pianancë ñuina chaira maxë capë́sa a ꞌimainun aín ángelcamabë ꞌacananxa.

Apocalipsis 12:8

ꞌAcananquin ca Miguel ꞌimainun aín ángelcaman, pianancë ñuina chaira maxë capë́sacëñun aín ángelcama ñusmoxa. Ñusmocëbë ca Nucën Papa Diosan nëtënu anua atux ꞌiti ꞌaíma ꞌiaxa.

Apocalipsis 13:14

Parúnpapanuax uaxa ꞌirucë ñuinacanꞌëon ismainun, usoquin ꞌanúan Nucën Papa Diosan ëncëxun ca unían iscëma ñu ꞌanan acëma ñuribi ꞌaquin, ënë menu ꞌicë unicama paránxa. Paránan ca a ñuinacanꞌëo parúnpapanuax uaxa ꞌirucë axa manë xëtocën motisama oquin tëacë ꞌaíshbi mocë, abi tanquin a iscësaribi ꞌitánun ꞌanun uni ꞌamiaxa.

Apocalipsis 16:14

A ñunshin ꞌatimacama tuan tita iscësa, acaman ca unicama paránuxun unin ꞌacëma ñu ꞌaxa. Usoquin ꞌanan ca camabi menu cuanquin, anu ꞌicë ꞌapucama aín suntárucamaxa bëtsi menu ꞌicë suntárubë ꞌacananux tsuáquirunun sinánmiaxa. Usa ꞌixun ca camabi uni timëaxa, axa aín cushi chaira ꞌaish bëtsi cushisamaira Nucën Papa Dios, an anun ꞌaisamaira oquin atu castícanti nëtë sënë́ncëbëtan.

Apocalipsis 18:2

Ai ca munuma banai quiaxa: —Babilonianu ꞌicë unicaman ꞌaisamaira oquin ñu ꞌatima ꞌacë ꞌixun ca bëtsi mecamanu ꞌicë unicamanribia usaquin ꞌanun sinánmiaxa. Camabi nëtënu ꞌicë ꞌapucamaxribi ca Babilonianu ꞌicë unicaman ꞌaia isi aín unicamabë usaribiti ꞌi cuëëanxa. Babilonianu ꞌicë an ñu marucë unicamax ca ꞌitsa ñu upíira ꞌimainun cupíira bianan maruanan aín nuitunën upí oquin sinanima ꞌitsa curíquiñuishi ꞌiti sinánxa. Atúxa usai ꞌia isi ca camabi menu ꞌicë an ñu marucë uni, Babilonianu ꞌicë ñu biquin marui ꞌitsa curíquiñu ꞌiaxa. A ëmanu ꞌicë unicamaxa usai ꞌi ꞌaisama ꞌicë ca Nucën Papa Diosan ñusmoxa. Ñusmocëbë ca anu ꞌicë xubucama rurucubuaxa. Usa ꞌain ca ñunshin ꞌatimacama anu bërí ꞌia, uisaira ñunshin ꞌatimacama cara, ax ca anu ꞌia, ꞌimainun ca uisa ñu pëchiu ꞌatima cara unin cuëëncëma, axribi anu ꞌia.

Apocalipsis 19:20

ꞌAcanánia ca ñuinacanꞌëo acëñun a rabiquian Nucën Papa Dios rabixunma ꞌanun quixun an unicama paráncë ñuinacanꞌëo aribi bicanxa. An usoquin unicama paráncë ñuinacanꞌëo ax ca an bëtsi ñuinacanꞌëo ꞌitsa maxcáñu an ismainun unin ꞌacëma ñu ꞌaquin uni paran a ꞌiaxa. Ax ca an ꞌitsa maxcáñu ñuinacanꞌëonan ꞌicë ꞌunántioquin cuënëocë unicama, ꞌimainun an a tanquin ꞌacë ñu rabicë, acama paran a ꞌiaxa. ꞌAcananquin bitancëxun ca a ñuinacanꞌëo rabë́ ꞌianëmëꞌëosa manë tsi anuaxa azufre ꞌimainun manë tsi rëquirucë anu ꞌinun niaxa.

Apocalipsis 2:13

ꞌËn cana ꞌunanin, anumi mitsux ꞌicë anu ca ñunshin ꞌatimanën ꞌapu, Satanás, ax cushi ꞌicën. Anu ꞌicë unicama an sinánmicëxun ꞌatima ñu ꞌacëbëtanbi camina mitsun ꞌëmi sinánti ëncëma ꞌain. Micama achúshi, Antipas cacë, ax ꞌëmi sinánti ëncëma ꞌixun ꞌë ñuiquin bana ñuixuncë cupía axa ꞌëmi sináncëma unicaman ꞌacë́xa bamacëbëtanbi camina mitsun ꞌëmi sinánti ëncëma ꞌain.

Apocalipsis 2:24

ꞌItsa uníxa usai ꞌicëbëtanbi camina Tiatíranu ꞌicë mitsu raírinën aín bana ca cëmë ꞌicë quixun ꞌunánquin a xanun bana cuacëma ꞌain. Bëtsi bëtsi uníxa, nun cananuna mitsun ꞌunáncëma ñu, ñunshin ꞌatimanën ꞌapúan nu ꞌunánmicë, a mitsu ꞌunánmiti ꞌai quiabi camina a ꞌunántisama tan. Mitsúxmi usai ꞌiti ca asábi ꞌicën. Usaíbi camina ꞌiti ꞌain. Bëtsi ñumi ꞌanun cana mitsu caiman.

Apocalipsis 2:9

Mitsúnmi ñu ꞌacëcama cana ꞌunanin. ꞌËn cana ꞌunanin, mitsux ꞌëmi catamëcë cupí camina tëmëranan ñuñuma unisa ꞌain. Ñuñuma ꞌaíshbi camina ꞌën nëtënu ꞌëbë ꞌaish ñuñu unicamax ꞌicësamaira oi anu ꞌicë ñuñu ꞌaish cuëëinra cuëënti ꞌain. Ësaquin cana ꞌunanin, bëtsi bëtsi uni, —nux cananuna judíos uni ꞌai —quibi judíosma ꞌaish, ñunshin ꞌatimanën ꞌapu, Satanásnën unishi ꞌixun ca ꞌatimati banaquin mitsu ñuia.

Apocalipsis 20:10

Usoquin cëñuanan ca ñunshin ꞌatimanën ꞌapu, an unicama paráncë, a ꞌianëmëꞌëosa manë tsi, anuaxa azufreribi rëquirucë, anu ꞌinun niaxa. Anua ꞌitsa maxcáñu ꞌianan ꞌitsa matúxcañu ñuinacanꞌëo a ꞌimainun bëtsi ñuinacanꞌëo an Nucën Papa Dios rabiquinma ñuinacanꞌëo rabinun quixun unicama paráncë, anu atux ꞌicë ca ñunshin ꞌatimanën ꞌapuribi anu niaxa. Anuxun ca acaman nëtë́nbi imë́bi xënibua ꞌaínbi nëtë́timoquin paë tanquin tëmërati ꞌicën.

Apocalipsis 20:8

Chiquítancëxun ca camabi menu ꞌicë unicama paránquin bëtsi oquin sinánmiti ꞌicën. Usoquin ꞌanan ca Gog cacë ꞌapu ꞌimainun Magog cacë ꞌapu ꞌimainun aín unicama paránquin tsuáquirumiquin axa Nucën Papa Diosmi sináncë unicamabëa ꞌacananun timëti ꞌicën. An timëcë unicamax ca ꞌaisamaira ꞌaish parúnpapa masisaribi ꞌiti ꞌicën.

Apocalipsis 3:9

Usa ꞌain cana ñunshin ꞌatimanën ꞌapun sinánmicë unicama axa, ꞌëx cana asérabi judío uni ꞌai quibi cëmëi ꞌëmi sináncëma unicama a mitsun bana cuatia mitsumi sinánun ꞌimiti ꞌain. ꞌImicëxun ca ꞌunánti ꞌicën, ꞌën cana asérabi mitsu nuibati quixun.

Apocalipsis 9:1

Usai ꞌicëbëtan ca bëtsi ángelnënribi aín manë banañu banoxa. Banocëbëtan cana naínuaxa ꞌispa achúshi menu nipacëcë isan. Nucën Papa Diosan ꞌináncëxun ca anun quini chaira ꞌaish nëmínra xëocati ñu bixun tuíanxa.

Apocalipsis 9:20

ꞌAisamaira oquin ꞌatimocëxbia bamacëma unicamax ca sinanaquin, atun ñu ꞌaisama ꞌacëcama ëncëma ꞌiaxa. Ñunshin ꞌatimacama rabianan ca unin ꞌacë ñu, curi ꞌacë ꞌimainun uxua manë ꞌacë ꞌimainun panshían manë ꞌacë ꞌimainun maxax ꞌacë ꞌimainun i ꞌacë, a ñucaman isíma ꞌianan cuatíma ꞌianan nitsíamabi, a rabiquin an ꞌacësabi oquin ñu ꞌatima ꞌati ënquinma ꞌaxa.