Apocalipsis 12:4 - Kashibo-Kakataibo Biblia

⁴ Aín ina chaira anun ca maë́ncësoquin ꞌispacama nëbë́tsi, rabë́ ꞌimainun achúshi oquin tëacësa ꞌaíshbi amo ꞌicë achúshi menua nipacënun rëupaxa. Usoquin ꞌispa rëupatancëx ca bacënia aín tuá ꞌenux, tuñu xanu bëmánon niracëaxa.

Nukën 'Ibu Diosan ain unikama 'inan ain bana

⁴ Aín ina chaira anun ca maë́ncësoquin 'ispacama nëbë́tsi, rabë́ 'imainun achúshi oquin tëacësa 'aíshbi amo 'icë achúshi menua nipacënun rëupaxa. Usoquin 'ispa rëupatancëx ca bacënia aín tuá 'enux, tuñu xanu bëmánon niracëaxa.

Apocalipsis 12:4 Iomraidhean Croise

Éxodo 1:16

—Min hebrea xanukama bakënun ꞌakinkë ꞌixun kamina isti ꞌain, uisa tuá kara nachikitia xanu ꞌimainun kara bëbu tuá ꞌia kixun. Xanu ꞌikë kamina kanitanun ënti ꞌain, bëbu tuá ꞌia ¡kamina ꞌati ꞌain!

Juan 8:44

Mitsun papax ca ñunshin ꞌatimanën ꞌapu ꞌicën. Ainan ꞌixun camina axa cuëëncësa oquinshi ꞌaisa tanin. An ca nëtë ióñubi uni ꞌati sináncëxa. Ax ca cëmë ꞌaish axa ꞌiásabi cëmëia. Cëmëi ca an sináncësa oquinshi sinani banaia. Ainra ca cëmë́ntapun ꞌixun unían uni itsi cëmëquin paránun ꞌimia.

1 Pedro 5:8

Paru ꞌinúan cuëë́rui aín piti bari nicësa, usaribiti ca ñunshin ꞌatimanën ꞌapu, uni ñu ꞌatima ꞌanun quixun sinánmianan Nucën Papa Diosmi sinánti ënminuxun bari nitsia. Usa ꞌain camina mitsua paránti rabanan bërúancati ꞌain.

Apocalipsis 12:7

Usaía ꞌian ca Nucën Papa Diosan nëtënuax, ángelcaman cushi, Miguel, a ꞌimainun aín ángelcamax, pianancë ñuina chaira maxë capë́sa a ꞌimainun aín ángelcamabë ꞌacananxa.

Apocalipsis 12:9

Anua atux ꞌiti ꞌaíma ꞌain ca pianancë ñuina chaira maxë capë́sa a aín ángelcamacëñunbi Nucën Papa Diosan chiquínxun menu niaxa. A capë́sa ñuina ax ca an bëráma Nucën Papa Diosan uniotabatia uni paran ꞌaish ñunshin ꞌatimanën ꞌapu, Satanás, an camabi menu ꞌicë unicama paráncë a ꞌicën.

Apocalipsis 13:2

A parúnpapanuax uax ꞌirucë ñuinacanꞌëox ca paru ꞌinúansa ꞌianan aín taë xaë́on taësa ꞌianan aín cuëbitax ꞌinúan cuëbísa ꞌiaxa. A parúnpapanuax uax ꞌirucë ñuinacanꞌëo ca capë́sa ñuinacan aín cushi ꞌinánan, aín bana cuacësaribi oquin aín bana cuanan unicaman an sinánmicësa oquin ꞌanun ꞌimiaxa.

Apocalipsis 13:4

Parúnpapanuax uax ꞌirucë ñuinacanꞌëo a, aín cushi ꞌináncë cupí, ca capë́sa ñuina chaira a camabi menu ꞌicë unicaman rabiaxa. Rabianan ca parúnpapanuax uax ꞌirucë ñuinacanꞌëoribi rabi —asaribi ñu ca ꞌaíma ꞌicë —quianan ca —axa abë ꞌacananti ca ꞌaíma ꞌicë —quiaxa.

Apocalipsis 16:13

Ësaquin isanan cana capë́sa ñuina chaira, ꞌimainun parúnpapanuax uax ꞌirucë ñuinacanꞌëo, ꞌimainun an Nucën Papa Dios rabiquinma ñuinacanꞌëo rabinun quixun unicama paráncë, acaman cuëbínuaxa ñunshin ꞌatima, tuan tita iscësa ñu rabë́ ꞌimainun achúshi chiquitia isan.

Apocalipsis 17:18

Ami iscë xanu a sinánquin camina ëma cha, anu ꞌicë unicama ꞌaisama ꞌixun camabi menu ꞌicë ꞌapucama ꞌimainun atun unicama, asaribia ꞌinun ꞌunánmicë, a sinánti ꞌain.

Apocalipsis 20:2

Ubútancëxun ca a ángelnën capë́sa ꞌaíshbi pianancë ñuinacanꞌëo chaira, an bëráma runusa ꞌixun Nucën Papa Diosan uniotabatia uni paran ꞌixun camabi menu ꞌicë uni paráncë, ñunshin ꞌatimanën ꞌapu Satanás, a biquin mil baritia niaxma ꞌinun manë risin nëaxa.

Apocalipsis 8:10

Usai ꞌicëbëtan ca bëtsi ángelnënribi aín manë banañu banoxa. Banocëbë ca ꞌispa chaira, bimicëxa taban rëquirucësa ꞌaish naínuax rëquícuaianx nipacëaxa. Usari ꞌi ca bacacamabëa xëxácama ꞌitsa ꞌaíshbi nëbë́tsi, rabë́ ꞌimainun achúshi oquin tëacësa ꞌain, amo ꞌicë achúshinu nipacëaxa.

Apocalipsis 8:11

A ꞌispax ca Mucaira caquin anëcë ꞌiaxa. Anu a ꞌispa nipacëcë bacacamabë ca xëxácamaribi mucaxa. Usai ꞌia mucacë cupí ca ꞌaisamaira uni bamaxa.

Apocalipsis 8:12

Usai ꞌicëbëtan ca bëtsi ángelnënribi aín manë banañu banoxa. Banocëbë ca bari, ꞌuxë ꞌimainun ꞌispacamaribi ꞌitsa ꞌaíshbi nëbë́tsi rabë́ ꞌimainun achúshi oquin tëacësa ꞌaíshbi amo ꞌicë achúshi bënamëti pëquicëma ꞌicën. Usa ꞌain ca nëtë ꞌimainun imë́ribi nëbë́tsi rabë ꞌimainun achúshi oquin tëacësa ꞌaíshbi amo ꞌicë achúshi bari, ꞌuxë, ꞌispacaman pëcacëma ꞌiaxa.

Apocalipsis 8:7

Achúshi ángelnën pain ca aín manë banañu banoxa. Banocëbë ca ꞌuí ꞌaíshbi matsiira ꞌaish iru, a ꞌimainun tsi rëquirucë, acamabë imi mëscúcë, acamax meu nicëx rëucüaxa. Rëucucëbë ca ꞌaisamaira ꞌaíshbi mecama nëbë́tsi, rabë́ ꞌimainun achúshi oquin tëacësa ꞌaíshbi amo ꞌicë achúshi nëëmëti nëtë́axa. Icama ꞌimainun basi paxacamaribi nëbë́tsi, rabë ꞌimainun achúshi oquin tëacësa ꞌaíshbi, amo ꞌicë achúshi ca nëëmëaxa.

Apocalipsis 8:8

Usai ꞌicëbëtan ca bëtsi ángelnënribi aín manë banañu banoxa. Usocëbë ca achúshi ñu chaira aín bashi nëëmë́cësa ꞌicë nicë́xa parúnpapanu nipacëcëbë parúnpapa chaira ꞌaíshbi nëbë́tsi, rabë́ ꞌimainun achúshi oquin tëacësa ꞌaíshbi amo ꞌicë achúshi imisa ꞌiaxa.

Apocalipsis 8:9

Usai ꞌicëbë ca anu ꞌicë ñuinacama ꞌimainun anu ꞌicë manë nunticamaxribi, ꞌitsa ꞌaíshbi nëbë́tsi, rabë́ ꞌimainun achúshi oquin tëacësa ꞌaíshbi amo ꞌicë achúshi cëñuti nëtë́axa.

Apocalipsis 9:10

A chanpucaman tsispin ca nibanta inasaribi ꞌiaxa. Ax ca anúan mëcën achúshi ꞌuxën uni paë tanmiti ꞌiaxa.

Apocalipsis 9:19

A caballocaman inax ca maxcáñu ꞌaish runusa ꞌiaxa. Anun ca unicama paë tanmiquin ꞌatimoxa. Usai ꞌiquin ca caballocaman aín cuëbínuax chiquícë ñucama ꞌimainun aín ina runusa, anun unicama ꞌaisamaira oquin ꞌatimoquin cëñuaxa.