Apocalipsis 12:3 - Kashibo-Kakataibo Biblia

³ A istancëxun cana bëtsi ñuribi naínua isan, ax ca pianancë ñuina chaira, maxë capë́sa ꞌiaxa. Aín maxcá ca mëcën achúshi ꞌimainun rabë́ ꞌiaxa. Usa ꞌaish ca aín maxcá achúshi achúshinu mañuti ꞌiaxa. Aín matúxcacama ca mëcën rabë́ ꞌiaxa.

Nukën 'Ibu Diosan ain unikama 'inan ain bana

³ A istancëxun cana bëtsi ñuribi naínua isan, ax ca pianancë ñuina chaira, maxë capë́sa 'iaxa. Aín maxcá ca mëcën achúshi 'imainun rabë́ 'iaxa. Usa 'aish ca aín maxcá achúshi achúshinu mañuti 'iaxa. Aín matúxcacama ca mëcën rabë́ 'iaxa.

Apocalipsis 12:3 Iomraidhean Croise

Daniel 2:41

ꞌImainun ka mix ꞌapu ꞌixunmi aín taë rëbu raíri iskë ax me tëi ꞌakë ꞌiaxa ꞌimainun ka raírinëxribi manë tunan ꞌakë mix ꞌapu ꞌixunmi iskë ax ꞌiaxa; ax ka ësa ꞌiti ꞌikën ꞌapukamax ka bëtsibë ënanankë ꞌiti ꞌikën, usa ꞌaish ka an kushioti manëkëñun mëskukësa ꞌikë kamina namákin isan, ax ka manë an kushiotikëñun me tëi mëskukëmi iskë ꞌikën.

Daniel 2:42

ꞌImainun ka aín taë rëbukama raíri manë tunan ꞌakë ꞌianan, raírinëxribi me tëi ꞌakë ꞌiaxa, ax ka ësa ꞌiti ꞌikën ꞌapu ax ka kushiira ꞌaíshbi amiribishi ñusmatëkënti ꞌikën.

Daniel 7:20

ꞌImainun kana ꞌën uisaira kara mapai rabë́ manchan kamañu ꞌimainun manchan chukúmañu ꞌaish bëruñu ꞌianan, kuëbíñu ꞌaísha rabiakati banakë a ꞌunánkatsi ꞌian, usa ꞌaish ka ax raíri manchan kamasama kushi ꞌiaxa, ꞌimainun ka rabë́ ꞌimainun achúshi manchan ax anu xabankë ꞌinun ëchikiaxa.

Daniel 7:24

Mapai rabë́ manchankama ax ka mapai rabë́ ꞌapu axa bëtsix ꞌikëbë ꞌikëbë ënë menu ꞌapu ꞌikanti a ꞌikën. Usai atux pain ꞌapu ꞌian ka bëtsiribi, ꞌapu ꞌiti ꞌikën, ax ka ax pain ꞌapu ꞌikë usamaira ꞌiti ꞌikën, ax ka manchan chukúma a ꞌiti ꞌikën. Usa ꞌixun ka an rabë́ ꞌimainun achúshi ꞌapu atu meu ꞌinun ꞌimiti ꞌikën,

Apocalipsis 12:1

Usai ꞌicëbëtan cana achúshi ñu naínu ꞌicë isan, ax ca xanu ꞌiaxa. Xanu ꞌaíshbi bari mëu nicësa ꞌianan ca aín taë shimú ꞌuxë ꞌiaxa. Aín maxcánu ca mëcën rabë́ ꞌimainun rabë́ ꞌispa mañutiocë ꞌiaxa.

Apocalipsis 12:13

Usaía naínuax banaia ꞌën cuacëbëtan ca pianancë ñuina chaira maxë capë́sa an —naínua chiquínxun ca ꞌë menu niaxa —quixun ꞌunánquin, xanu axa bëbu tuá bacë́ncë, a ꞌatimonuxun nuiaxa.

Apocalipsis 12:17

Usai ꞌia isi ca ñuina chaira capë́sa ax ꞌaisamairai xuamati xanumi nishaxa. Nishi ca a xanun rëbúnqui raíri, an Nucën Papa Diosan bana quicësabi oquin ꞌacë ꞌianan an Jesucristomi sinánti ëncëma, a unicamabë ꞌacanani cuanxa.

Apocalipsis 12:4

Aín ina chaira anun ca maë́ncësoquin ꞌispacama nëbë́tsi, rabë́ ꞌimainun achúshi oquin tëacësa ꞌaíshbi amo ꞌicë achúshi menua nipacënun rëupaxa. Usoquin ꞌispa rëupatancëx ca bacënia aín tuá ꞌenux, tuñu xanu bëmánon niracëaxa.

Apocalipsis 12:7

Usaía ꞌian ca Nucën Papa Diosan nëtënuax, ángelcaman cushi, Miguel, a ꞌimainun aín ángelcamax, pianancë ñuina chaira maxë capë́sa a ꞌimainun aín ángelcamabë ꞌacananxa.

Apocalipsis 12:9

Anua atux ꞌiti ꞌaíma ꞌain ca pianancë ñuina chaira maxë capë́sa a aín ángelcamacëñunbi Nucën Papa Diosan chiquínxun menu niaxa. A capë́sa ñuina ax ca an bëráma Nucën Papa Diosan uniotabatia uni paran ꞌaish ñunshin ꞌatimanën ꞌapu, Satanás, an camabi menu ꞌicë unicama paráncë a ꞌicën.

Apocalipsis 13:1

Usai ꞌicëbëtan cana parúnpapa masinu nixun ñuinacanꞌëo parúnpapanuax uax ꞌiruia isan. A ñuinacanꞌëo ax ca aín matúxcanëx mëcën rabë́ ꞌimainun aín matúxcanu ꞌicë mañutiribi mëcën rabë́ ꞌiaxa. Usa ꞌaish ca aín maxcataxribi mëcën achúshi ꞌimainun rabë́ ꞌimainun, aín maxcácamanuribi Nucën Papa Dios ꞌatimaquin ñui quicë bana cuënëocë ꞌiaxa.

Apocalipsis 13:2

A parúnpapanuax uax ꞌirucë ñuinacanꞌëox ca paru ꞌinúansa ꞌianan aín taë xaë́on taësa ꞌianan aín cuëbitax ꞌinúan cuëbísa ꞌiaxa. A parúnpapanuax uax ꞌirucë ñuinacanꞌëo ca capë́sa ñuinacan aín cushi ꞌinánan, aín bana cuacësaribi oquin aín bana cuanan unicaman an sinánmicësa oquin ꞌanun ꞌimiaxa.

Apocalipsis 13:4

Parúnpapanuax uax ꞌirucë ñuinacanꞌëo a, aín cushi ꞌináncë cupí, ca capë́sa ñuina chaira a camabi menu ꞌicë unicaman rabiaxa. Rabianan ca parúnpapanuax uax ꞌirucë ñuinacanꞌëoribi rabi —asaribi ñu ca ꞌaíma ꞌicë —quianan ca —axa abë ꞌacananti ca ꞌaíma ꞌicë —quiaxa.

Apocalipsis 15:1

Usai ꞌicëbëtan cana bëtsi ñuribi naínu ꞌicë isan. A isi cana ratúan. Ratúquin cana ángel mëcën achúshi ꞌimainun rabë́ isan. Acama achúshi achúshinëx ca anun menu ꞌicë unicama aín ꞌucha cupí castícanti ñuñu ꞌiaxa. Usoquin ca anuishi sënë́onquin aín nishcë sënë́ntanun Nucën Papa Diosan ꞌamiaxa.

Apocalipsis 16:13

Ësaquin isanan cana capë́sa ñuina chaira, ꞌimainun parúnpapanuax uax ꞌirucë ñuinacanꞌëo, ꞌimainun an Nucën Papa Dios rabiquinma ñuinacanꞌëo rabinun quixun unicama paráncë, acaman cuëbínuaxa ñunshin ꞌatima, tuan tita iscësa ñu rabë́ ꞌimainun achúshi chiquitia isan.

Apocalipsis 17:12

A ñuinacanꞌëon matúxca mëcën rabë́ isquin camina mëcën rabë́ ꞌapu sinánti ꞌain. Ax ꞌapu ꞌaíshbi ca ꞌapu ꞌicëma pain ꞌicën. Atux ca a ñuinacanꞌëo abë ꞌapu ꞌiti ꞌicën, ꞌaíshbi ca xënibuti ꞌima achúshi horaishi ꞌapu ꞌiti ꞌicën.

Apocalipsis 17:16

A mëcën rabë́ matúxca a isquinmi mëcën rabë́ ꞌapu sináncë, acaman ca ami nishquin a xanu ñusmoti ꞌicën. Ñusmonan ca chupañuma ꞌimianan aín nami pianan tsin nëënti ꞌicën.

Apocalipsis 17:7

Ratutiabi ca xanpa tuíncë ángelnën ꞌë caxa: —¿Uisacatsi caramina ratutin? A xanu ꞌimainun ñuinacanꞌëo anu a xanu tsócë, axa aín maxcá mëcën achúshi ꞌimainun rabë́ ꞌianan aín matúxca mëcën rabë́, a rabëtax cara uisa ꞌicë quixuan unin ꞌunáncëbëtanmabi cana mi ꞌunánmiti ꞌain.

Apocalipsis 19:12

Aín bëru rabë́ ca tsi rëquirucë ënxáira iscësa ꞌiaxa. Axa asérabi ꞌapuira ꞌain ca ꞌapun mañuti ꞌitsaira aín maxcánu ꞌiaxa. Aín anë cuënëocë ꞌicë ca uinu ꞌicë unínbi uisai quicë cara a ꞌicë quixun ꞌunántima ꞌicën, ainshi ca ꞌunania.

Apocalipsis 20:2

Ubútancëxun ca a ángelnën capë́sa ꞌaíshbi pianancë ñuinacanꞌëo chaira, an bëráma runusa ꞌixun Nucën Papa Diosan uniotabatia uni paran ꞌixun camabi menu ꞌicë uni paráncë, ñunshin ꞌatimanën ꞌapu Satanás, a biquin mil baritia niaxma ꞌinun manë risin nëaxa.