Apocalipsis 12:10 - Kashibo-Kakataibo Biblia

¹⁰ Usaía ꞌicëbëtan cana Nucën Papa Diosan nëtënuaxa ësai munuma banaia cuan: —An ami catamëcë unicama, nucën xucë́antu, ꞌatimaquin ñuiquin nëtë́quinma nëtë́nbi ꞌimë́bi Nucën Papa Dios manóncë, ax ca ënua chiquíncë ꞌicën. Usa ꞌain ca bërí an aín cushínbi ainan ꞌinun uni ië́micë, Nucën Papa Dios, ainshi asérabi aín ꞌApu ꞌixun, aín unicama bërúanan Cristo atun ꞌIbu ꞌinun ꞌimiaxa.

Nukën 'Ibu Diosan ain unikama 'inan ain bana

¹⁰ Usaía 'icëbëtan cana Nucën Papa Diosan nëtënuaxa ësai munuma banaia cuan: —An ami catamëcë unicama, nucën xucë́antu, 'atimaquin ñuiquin nëtë́quinma nëtë́nbi 'imë́bi Nucën Papa Dios manóncë, ax ca ënua chiquíncë 'icën. Usa 'ain ca bërí an aín cushínbi ainan 'inun uni ië́micë, Nucën Papa Dios, ainshi asérabi aín 'Apu 'ixun, aín unicama bërúanan Cristo atun 'Ibu 'inun 'imiaxa.

Apocalipsis 12:10 Iomraidhean Croise

Job 1:11

ꞌAínbi kamina usai kara mimi ꞌatimokin sinani banaia isnuxun ain ñukama bikuanti ꞌain.

Job 1:9

Kixuan kakëxunbi ka ñunshin ꞌatimanënribi kakëxa: —Jobnëa min kakësabiokin ꞌakë ax ka an sinánkësokishia ꞌakë ꞌikën.

Job 2:5

Usa ꞌaínbi ka minmi ꞌinsinun ꞌimikëxun tani tëmërakin min bëmánanubi ꞌatimakin mi ñui banati ꞌikën.

Salmos 22:28

Dios ax ka ꞌapuira ꞌikë usa ꞌain, usa ꞌixun ka kamabi me kuainakë anu ꞌikë ëmakamanu ꞌikë unikama ax kikësabiokin ꞌanun ꞌamia.

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Mateo 26:64

Cacëxun ca Jesusan cacëxa: —Minmi ꞌë cacë, usa cana ꞌëx ꞌain. Mitsun camina, uni ꞌinux anuax uá, ꞌë Nucën Papa Dios, cushiira, abë ꞌApu ꞌaish aín mëqueu tsócë isanan ꞌëx naí cuin mëucüax utëcënia isnuxun ꞌain.

Mateo 28:18

Usoquian rabicëxun ca Jesusan a rapasu cuanquin atu cacëxa: —ꞌËn Papa Diosan ca naínuxun ꞌanan menuxunribi añu ñu carana ꞌaisa tani a ꞌëx cuëëncësa oquin ꞌanun aín cushi ꞌë ꞌinánxa.

Mateo 6:10

Aín ꞌApu ꞌicëa camabi unin mi rabiti cana cuëënin. Usaquian mi ꞌanun camina ꞌimiti ꞌain. Min nëtënuxuan ángelcaman ꞌacësaribi oquian ënë nëtënuxun unicaman mix cuëëncësabi oquin ꞌati cana cuëënin.

Lucas 11:2

Cacëxun ca Jesusan cacëxa: —Nucën Papa Diosbë banaquin camina ësoquin cati ꞌain: ꞌËn Papa Dios, naínu ꞌicë, mix camina asérabi min sinan upíira ꞌain. —Usa camina mix ꞌai —quiax ca camabi uni mi ñui upí banáinshi banati ꞌicën. Aín ꞌApu ꞌicëa camabi unin mi rabiti cana cuëënin. Usaquian mi ꞌanun camina ꞌimiti ꞌain. Min nëtënuxuan ángelcaman ꞌacësaribi oquian ënë nëtënuxun unicaman mix cuëëncësabi oquin ꞌati cana cuëënin. Usaquian ꞌanun camina ꞌimiti ꞌain.

Lucas 22:31

Usaquin catancëxun ca Jesusan Simón Pedro cacëxa: —Simón, ñunshin ꞌatimanën ꞌapu, Satanásnën ca mitsu ꞌatimamitisa tanquin an usaquin ꞌanúan ënun quixun Nucën Papa Dios ñucáxa. Usa ꞌixun ca xanúan ñu bimi tacaquin shaícacësaribi oquin mitsu tanti ꞌicën.

1 Corintios 5:4

Usa ꞌain camina ami sinánquin an cushiocëxun Nucën ꞌIbu Jesucristo cuëëncësa oquin ꞌanux timë́ti ꞌain, ꞌënribi an cushiocëxun, an ca mitsu ꞌaquinia quixun sinánxunmainun.

2 Corintios 12:9

Ñucácëxunbi ca ꞌë caxa: “ꞌËn mi nuibaquin ꞌaquincëxun ꞌunani camina usashi ꞌiti ꞌain. An —cushima cana ꞌai —quixun sináncë uni, a cana ꞌën cushínbi upí oquin ñu ꞌanun ꞌaquinin”. Usoquin ca Nucën ꞌIbu Jesucristonën upiti ami catamëquin ñucë ꞌixunbi ñu ꞌanun ꞌë ꞌaquinia quixun ꞌunani cana ꞌëx ñucë ꞌaíshbi cuëënin.

Tito 2:3

Xanu apáncama camina usaribi oquin cati ꞌain, ami sinani ca Nucën Papa Dios cuëëncësabi oi upí nuituñu ꞌiti ꞌicë quixun. Bëbu ꞌimainun xanunbi ca cëmë bana ñuitima ꞌicën. Ca paë́ntima ꞌicën. Atúan aín sinan upí ꞌixun ñu upí ꞌaia isquin ca atun xanu tuácama ꞌimainun atun ñe xutacamanribi usaribi oquin ꞌati ꞌicën.

1 Pedro 5:8

Paru ꞌinúan cuëë́rui aín piti bari nicësa, usaribiti ca ñunshin ꞌatimanën ꞌapu, uni ñu ꞌatima ꞌanun quixun sinánmianan Nucën Papa Diosmi sinánti ënminuxun bari nitsia. Usa ꞌain camina mitsua paránti rabanan bërúancati ꞌain.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.

Apocalipsis 2:26

Axa aín bamati nëtë utámainun ꞌëmi catamëquin ꞌëx cuëëncësabi oi ꞌiti ëncëma uni, acama cana ꞌëx utëcënquin aín cushi ꞌixun camabi menu ꞌicë unicaman aín bana cuaquin aín quicësabi oquin ꞌanun ꞌaminun ꞌimiti ꞌain.

Apocalipsis 7:10

Usa ꞌaish ca camáxbi munuma banai quiaxa: Anu ꞌApuira tsóti, axa anu tsócë Nucën Papa Dios, an ca Carnero ꞌicësaribitia unin ꞌucha cupí bama, a cupí nun ꞌuchacama tërë́nquin xënibua ꞌaínbi ainan ꞌinun nu ië́miaxa.