Apocalipsis 11:8 - Kashibo-Kakataibo Biblia

⁸ Bamamicë ꞌaíshbi maíncëma ꞌaish ca a ëma cha, anu Nucën ꞌIbu Jesús i curúsocënu matása, Jerusalén, anu ꞌicë bainu racáti ꞌicën. A ëmax ca Sodoma ꞌimainun Egipto caquin anëcëribi ꞌicën, anu ꞌicë unicamaxa Sodoma ꞌimainun Egiptonu ꞌicë uníxa ꞌiásaribiti Nucën Papa Diosmi sináncëma ꞌain.

Nukën 'Ibu Diosan ain unikama 'inan ain bana

⁸ Bamamicë 'aíshbi maíncëma 'aish ca a ëma cha, anu Nucën 'Ibu Jesús i curúsocënu matása, Jerusalén, anu 'icë bainu racáti 'icën. A ëmax ca Sodoma 'imainun Egipto caquin anëcëribi 'icën, anu 'icë unicamaxa Sodoma 'imainun Egiptonu 'icë uníxa 'iásaribiti Nucën Papa Diosmi sináncëma 'ain.

Apocalipsis 11:8 Iomraidhean Croise

Génesis 13:13

anuxun ka kamabi unin ꞌatima ꞌixun ꞌaisamairai Nukën ꞌIbumi ꞌuchakin bëtsi bëtsi ñu akëxa.

Génesis 19:24

usaía ëmanu bëbakëbëtanshi ka Nukën ꞌIbu tsi ꞌimainun azufre naínua ꞌibúmikin Sodoma ꞌimainun Gomorra kakë ëma a këñuakëxa;

Éxodo 20:2

ꞌËx kana min ꞌIbu Dios an, Egipto menuxun tëmërakin ñu mëëiabi mitsu chikían a ꞌain.

Éxodo 3:7

ꞌaínbi ka Nukën ꞌIbun: —Asérabi kana ꞌën unikama Egipto menuax tëmëraia isan. ꞌËn kana an bërúanxun ñu mëëmikë unikama ꞌucha kupían tëmëraia kuan, ꞌimainun kana asérabi ꞌën upíokin uisai kara atux tëmëraia kixun ꞌunan.

Jeremías 23:14

ꞌËn kana Jerusalénnu ꞌikë an ꞌën bana uni ñuixunkë unikama ꞌatima ñu an ꞌë ꞌaisama ꞌimikë ñuira ꞌaia isan: usakin ka atun aín xanuma bëtsi xanu aín nami ꞌanan, bëtsi unikama këmëkin paránia, usakin ꞌakin ka uni ꞌatima sinánñukama, a uínbia ꞌain ñu ꞌatima ꞌakë ënxuma ꞌanun kixun sinánmia. Usa ꞌain ka atu ꞌimainun a ëmanu tsókë unikamax Sodoma ꞌimainun Gomorranu ꞌikë uni tsóasaribi ꞌën iskëx ꞌikën.

Jeremías 26:23

xukëx kuanxun ka Egipto menua bitsínkin bëxun ꞌapu Joaquím a Urías ꞌinánkëxa, ꞌinánkëxun ka Joaquímnën, ꞌatankëxun anu uni ñuñumakama maínti ꞌakë anu maínun unikama ꞌamiakëxa.

Ezequiel 37:11

Usa ꞌain ka Diosan ꞌë kakëxa: Israel unikama ax ka ënë xokamasaribi ꞌikën. Usa ꞌaish ka atux ësai ki nitsia: Nun xokamax ka ꞌitsaira paëia, usa ꞌain kananuna nukamax uisa ñu upibi kainima nëtë́kësa ꞌain.

Amós 4:11

“ꞌAnan kana atu ꞌatimaira okin achúshi ñun Sodoma ꞌimainun Gomorra ꞌasaribiokin ꞌakën; ax ka tsi ënxaira anua aín ëxku ënxaira bikësa ꞌiakëxa, ¡usa ꞌaínbi kamina mitsux ꞌëmi sinanatëkëinsama tankankën!” Usai ka Dios kiaxa.

Mateo 10:15

Asérabi cana ꞌën mitsu cain, Sodoma ëmanu ꞌicë unicama ꞌimainun Gomorra ëmanu ꞌicë unicama ca aín bana cuaisama tancë cupí Nucën Papa Diosan castícancëxa. Usamaira oquin castícancë ca an a ëmanu ꞌicë unicama mitsu bicëma cupí ax ꞌiti ꞌicën.

Hechos 9:4

Usoquian pëcacëx menu nipacëquin ca ësaía quia cuacëxa: —Saulo, Saulo, ¿uisati caramina ꞌë bëtsi bëtsi oin?

Hebreos 13:12

Usaribiti ca Jesús, Jerusalén ꞌuri aín imi ꞌapati i curúsocënu, camabi uníxa aín ꞌucha tërë́ncë ꞌaish Nucën Papa Diosnan ꞌinun, bamacëxa.

Hebreos 6:6

ꞌixunbi ami sinánquinbi ëni uni raírinën cuatánun —ꞌëx cana Jesucristomi sinántëcënima —quia, a unix ca an Nucën Papa Diosan Bëchicë i curúsocënu matáscë uníxa ꞌiásaribi ꞌicën. Usai ꞌicë uni ax ca amiribishi Jesucristomi sinanatëcënima.

2 Pedro 2:6

Usonan ca Nucën Papa Diosan ëma rabë́, Sodoma ꞌimainun Gomorra cacë, ꞌimainun anu ꞌicë unicamaribi atun ñu ꞌaisama ꞌacë cupí aín chimapuishi ꞌitánun nëancëxa. A bana cuatía an ñu ꞌatima ꞌacë unicama ñu ꞌatima ꞌatimi racuë́ti oquin ca Nucën Papa Diosan usoquin Sodoma ꞌimainun Gomorra ꞌacëxa.

Judas 1:7

A ángelcamaxa abë ꞌiisama tanan Nucën Papa Dios cuëëncësabi oi ꞌiisama tani ꞌiásaribiti ca Sodoma ꞌimainun Gomorra ꞌimainun a ꞌurama ꞌicë ëmacamanu ꞌicë unicamaxribi ꞌiacëxa. Nucën Papa Diosan ca aín xanubëishia ꞌiti uni ꞌanan xanuribi aín bënëbëishia ꞌiti uniocëxa. Usa ꞌaínbi ca a ëmacamanu ꞌicë unicama aín xanuma ꞌaínbi bëtsi xanubë ꞌimainun xanúxribi aín bënëma ꞌaínbi bëtsi unibë ꞌimainun uníxribi xanúxmabi bëtsi unibë ꞌi, ꞌaisamairai ꞌuchacëxa. Usaía ꞌicë ca Nucën Papa Diosan aín ꞌucha cupíbi, manë tsin nëancëxa, xënibua ꞌaínbi ainanma ꞌinun. Usaía ꞌiá a sinani cananuna nuxribi usai ꞌitin rabanan bërúancati ꞌain.

Apocalipsis 11:13

Usai ꞌicëbë ca me ꞌaisamaira shaíquiaxa. Shaíqui ca Jerusalén ëma nëbë́tsi rabë́, mëcën rabë́ oquin tëacësa ꞌaíshbi amo ꞌicë achúshi rurucubuaxa. Rurucubucëbë ca ꞌaisamaira uni siete mil bamaxa. Acama bamacëbëtan ca bamacëma unicaman racuë́quin, Nucën Papa Dios naínu ꞌicë rabiaxa.

Apocalipsis 11:9

Rabë́ ꞌimainun achúshi nëtë ꞌimainun nëtë itsi bari xamárutamainun anu racácë ca anu cuancë unicama, bëtsi bëtsi unibu, bëtsi bëtsi menuax ucë ꞌianan bëtsi bëtsi banan banacë, acaman isquin, uni raírinëan maíntisa taniabi ꞌamitima ꞌicën.

Apocalipsis 14:20

Usoquian anuxun uvas bimi chinínti anu bucunia cana isan. Iscëx ca ëmanuax anuxuan chiníncancëx ꞌaisamaira imi ëbánquianxa. A imi ëbanquianxa racácë, aín nëmin ca caballo nicë aín cuëbí sënën ꞌiaxa. Usa ꞌaish ca a imia me mapubiani ëbánquiancë, ax trescientos kilómetros sënën ꞌiaxa.

Apocalipsis 14:8

Usai quicëbë ca bëtsi ángelribi a caxu ai quiaxa: —Babilonia, a ëma chaira, anu ꞌicë unicaman ca aín xanuma ꞌaínbi xanu itsin ñunshini cuëënti, ꞌimainun ꞌaisamaira ñu ꞌatima, an ꞌacësaribi oquian ꞌanun quixun camabi menu ꞌicë unicama ꞌunánmiaxa. A ëma ꞌimainun anu ꞌicë unicamax ca bërí cëñúaxa, ca ꞌaíma ꞌicën.

Apocalipsis 16:19

ꞌIcëbë ca Babilonia cacë ëma, ax achúshi ꞌaíshbi rabë́ ꞌimainun achúshisa ꞌitánun tuquimainun camabi menu ꞌicë ëma chanu ꞌicë xubucamax rurucubuaxa. Usaribi oquin ca Nucën Papa Diosan Babilonianu ꞌicë unicamami nishquin, atun ñu ꞌatima ꞌacë a manucëma ꞌixun paë tanía tëmëratanun castícanxa.

Apocalipsis 17:1

Usai ꞌicëbëtan ca xanpañu mëcën achúshi ꞌimainun rabë́ ángelcama, a achúshinëx ꞌënu uquin, xanu ñuicësoquinbi Babilonia ñuiquin ësaquin ꞌë caxa: —ꞌAisama ꞌaish ca Babilonia ëmanu ꞌicë unicamax ënë xanusa ꞌicën. Ca ut. Mi cana xanu ꞌatima, axa parúnpapa camánan tsócë, a cara aín ꞌucha cupí uisoquin Nucën Papa Diosan castícanti ꞌicë quixun mi ismiti ꞌain.

Apocalipsis 17:18

Ami iscë xanu a sinánquin camina ëma cha, anu ꞌicë unicama ꞌaisama ꞌixun camabi menu ꞌicë ꞌapucama ꞌimainun atun unicama, asaribia ꞌinun ꞌunánmicë, a sinánti ꞌain.

Apocalipsis 17:5

Usa ꞌaish ca aín bëmánanu achúshi anë unin ꞌunáncëma ꞌaíshbi ësai quicë ꞌiaxa: “Ënë ëma cha, Babilonia, ax ca ꞌaisama xanusaribi ꞌicën. Usa ꞌaish ca a an ꞌunánmicë ꞌaish camabi uni ꞌimainun xanu, an nu ꞌaisama ꞌacë aín titasa ꞌicën”.

Apocalipsis 18:10

Ianan ca racuëti ꞌuracëox quiti icën: —Usai ꞌimari ꞌitibi camina ꞌin. Babilonia chaira, mix bëtsi ëmasama ꞌiá ꞌaíshbi camina bënëtishi Nucën Papa Diosan ꞌuchoquin castícancë ꞌain. Usai ca ꞌapucama quiti ꞌicën.

Apocalipsis 18:18

Sëtëtax ca a ëma usoquin nëëncë́xa aín tsin cuin tëxë́ruia isi cuëëncëni ësai quiaxa: —Uinu ꞌicë ëmáxbi ca ënë ëmasama ꞌiaxa.

Apocalipsis 18:2

Ai ca munuma banai quiaxa: —Babilonianu ꞌicë unicaman ꞌaisamaira oquin ñu ꞌatima ꞌacë ꞌixun ca bëtsi mecamanu ꞌicë unicamanribia usaquin ꞌanun sinánmiaxa. Camabi nëtënu ꞌicë ꞌapucamaxribi ca Babilonianu ꞌicë unicaman ꞌaia isi aín unicamabë usaribiti ꞌi cuëëanxa. Babilonianu ꞌicë an ñu marucë unicamax ca ꞌitsa ñu upíira ꞌimainun cupíira bianan maruanan aín nuitunën upí oquin sinanima ꞌitsa curíquiñuishi ꞌiti sinánxa. Atúxa usai ꞌia isi ca camabi menu ꞌicë an ñu marucë uni, Babilonianu ꞌicë ñu biquin marui ꞌitsa curíquiñu ꞌiaxa. A ëmanu ꞌicë unicamaxa usai ꞌi ꞌaisama ꞌicë ca Nucën Papa Diosan ñusmoxa. Ñusmocëbë ca anu ꞌicë xubucama rurucubuaxa. Usa ꞌain ca ñunshin ꞌatimacama anu bërí ꞌia, uisaira ñunshin ꞌatimacama cara, ax ca anu ꞌia, ꞌimainun ca uisa ñu pëchiu ꞌatima cara unin cuëëncëma, axribi anu ꞌia.

Apocalipsis 18:21

Usai a unicamax quicëbëtan ca anun ñu bacati cushiñu ángel achúshinën maxax chaira, anun ñu rënti maxáxsa, a biquin parúnpapanu niaxa. Ni ca quiaxa: —A maxax istëcëntimoquin nicë usaribi ca Babilonia, a ëma chaira, ꞌimainun anu ꞌicë unicamaxribi unin a istëcëntimoquin cëñucë ꞌiti ꞌicën.

Apocalipsis 18:24

An Nucën Papa Dios quicë bana uni ñuixuncë unicama ꞌimainun axa ami sináncë unicama ꞌimainun camabi menu ꞌicë unia unin ꞌacë, ax ca Babilonianu ꞌicë unicaman ꞌucha ꞌiaxa. Usa ꞌain ca Babilonianu ꞌicë unicama Nucën Papa Diosan cëñuaxa.