Apocalipsis 11:3 - Kashibo-Kakataibo Biblia

³ A unicamaxa ꞌatimati anu nimainun cana an ꞌë ñuiquin unicama canun rabë́ uni xuti ꞌain. A uni rabë́ ax ca rabë́ olivos cacë iisa ꞌimainun rabë́ anu lamparín nanti ñusa ꞌicën. An ca ꞌën xucëxun ꞌaisamaira nëtë, mil doscientos sesenta, a nëtëcama ꞌë ñuiquin bana unicama ñuixunti ꞌicën. Atux ca masá nuitucë unían pañucësaribi chupa pañucë ꞌiti ꞌicën.

Nukën 'Ibu Diosan ain unikama 'inan ain bana

³ A unicamaxa 'atimati anu nimainun cana an 'ë ñuiquin unicama canun rabë́ uni xuti 'ain. A uni rabë́ ax ca rabë́ olivos cacë iisa 'imainun rabë́ anu lamparín nanti ñusa 'icën. An ca 'ën xucëxun 'aisamaira nëtë, mil doscientos sesenta, a nëtëcama 'ë ñuiquin bana unicama ñuixunti 'icën. Atux ca masá nuitucë unían pañucësaribi chupa pañucë 'iti 'icën.

Apocalipsis 11:3 Iomraidhean Croise

Génesis 37:34

Usakin atu kai ka Jacob aín chupa tukai nitë́xëti ꞌitsaira iankëxa, aín bëchikë bamakësa sinani.

1 Reyes 21:27

Ësokia Dios kikë bana Elíasnën ñuixunkëxun a banakama kuakin ka Ahabnën aín chupa abi tukai ꞌikiani aín xubunu kuanxun chupa xënira pañutankëx añubi pima a pañukë chupa xënira añabi ꞌuxanan, masá nuitukëishi ꞌaish niakëxa.

2 Reyes 19:1

Usakian kakëxun kuabianxun atun ñuixunkëxun kuakin ka ꞌapu Ezequíasnën ain chupa tukai nishkin bëtsi chupa xëni pañuakëxa, usakin pañubiani ka anuxun Dios rabiti xubunu kuankëxa.

Nehemías 9:1

A ꞌuxënbia veinticuatro nëtë ꞌikëbë ka anun Israel unikamax añu ñubi pima samanux timë́tëkënkankëxa; usai ꞌikin chupa xënikama pañuanan me bitankëx atun maxkánu anun matakakiakëxa;

Salmos 69:11

ꞌën uni ñukëbëtan pañuti chupa pañuia isi ka ꞌë ꞌusani kamabi uni kuaia,

Jeremías 1:10

ꞌËn mi bërí ꞌunánmikë bana usakinbi kamina kati ꞌain. Bërí kana usakin ñukama ꞌakin anua ꞌapu ꞌikë ëmakama ꞌimainun bëtsi menu ꞌikë ëmakama, ñankáishi ꞌitánun masókin rurupakin, ꞌatima okin këñutankëxun mi, amiribishi birukin ꞌatëkënun mi kain.

Daniel 7:25

Usa ꞌixun ka an Dios manámi ꞌikë kushiira ꞌatimakin ñuianan an rabikë unikama këñukin pëuti ꞌikën; ꞌanan ka Dios kia bana aribi bëtsiokin nainsa tanan usakin unikaman fiesta ꞌatia Dios kia aribi bëtsiokin nainsa tanti ꞌikën, usa ꞌain ka an Dios rabikë unikaman ꞌapu an kakësokinshi ꞌati ꞌikën, rabë́ ꞌimainun achúshi baritia ꞌirukë anua mapai achúshi ꞌimainun achúshi ꞌuxë sënë́mi kiti ꞌikën.

Joel 1:13

Usa ꞌain kamina sacerdotekama anuxun ñuina xarotinu tëkë, ꞌain kushibu mitsux chupa xëni pañutankëx paëi masá sinani inkanti ꞌain, anuxun Dios rabiti xubunu ka ñu bimikama ꞌimainun a Dios ꞌinaínshiti uvas baka vino ꞌakë abi ꞌaíma ꞌikën.

Jonás 3:5

Usokian ñuixunkëxun kuati ka a ëmanu ꞌikë unikama ñuñu ꞌimainun ñuñuma unikamabë, kamabi uni axa a ëmanu tsókë akamax Diosmi sinani kamáxbi kananxun, añu ñubi pima samáti atun chupa xëni pañuanan chupan mapúkankëxa.

Jonás 3:8

ꞌIanan ka kamáxbi chupan mapuanan atun ñuinakamaribi chupan mapukanti ꞌikën, atun ñu ꞌatima ꞌakë a sinani bënë́kin chupa xëni pañuxun ka ami sinánkin Dios aín kushibëtanbi ñukákanti ꞌikën. Usakin ꞌakin ka achúshi achúshi unin bëríbia ꞌatima ñu ꞌakë akama ënkanti ꞌikën;

Números 11:26

Anu ka setenta unikama anua kaískë Eldad ꞌimainun Medad kakin anëkë uni rabë́ ꞌiakëxa, ꞌaínbi ka xubusa okin chupa ꞌakë anu kuanima ain ꞌikënubi tikiakëxa. Anu ꞌaínbia, atunuribi aín kushi chukúmashi ꞌiruan ka an ꞌamikëxun raírinën ꞌakësaribi okin anu ꞌikë unikama an Dios kikë bana unikaman ꞌakësaribi okin bana ñuixuankëxa.

Mateo 11:21

—Corazín ëmanuax ucë unicama ꞌimainun Betsaidanuax ucë unicama, mitsu cana asérabi cain, mitsun ëmanuxun ꞌën cushínbi ꞌën ñu ꞌacësaribi oquin Tiro ꞌimainun Sidón anuxun ꞌën ꞌá ꞌain ca anu ꞌicë unicama aín ꞌuchacama ëni ꞌëmi sinan ꞌitsíanxa. Aín ꞌucha cupí masá nuituti sinanati ca chupa chëquicë pañuanan chimaputan mashiquia ꞌitsíanxa.

Mateo 18:16

Min cacëxuan cuaisama tancëbë camina bëtsi uni an a ñucama ꞌunáncë, a buani, axa mimi nishcë uni anu cuantëcënti ꞌain. Abëmi cuancë uni anribia cacëxun ca axa mimi nishcë uni an, asérabi ca minmi ñuicë bana ax ꞌicë quixun ꞌunánti ꞌicën. ꞌUnánan ca mix camina asérabi abë upí ꞌiisa tani quixun ꞌunánti ꞌicën.

Lucas 10:13

Ësaquinribi ca Jesusan cacëxa: —Corazín ëmanuax ucë unicama ꞌimainun Betsaidanuax ucë unicama, mitsu cana asérabi cain, mitsun ëmanuxun ꞌën cushínbi ꞌën ñu ꞌacësaribi oquin Tiro ꞌimainun Sidón anuxun ꞌën ꞌá ꞌain ca anu ꞌicë unicama aín ꞌuchacama ëni ꞌëmi sinan ꞌitsíanxa. Aín ꞌucha cupí masá nuituti sinanati ca chupa chëquicë pañuanan chimaputan mashiquia ꞌitsíanxa.

Lucas 24:48

Mitsun camina ꞌëx ꞌia iscë ꞌixun, uisai carana ꞌë ñuiquin cuënëo banacama quicësabi oi ꞌia quixun unicama ñuixunti ꞌain.

Juan 15:27

Mitsúnribi camabi nëtën ꞌëbë ꞌixun ꞌën bana ñuixunia cuanan ꞌën ñu ꞌaia iscë ꞌixun camina ꞌë ñuiquin uisa carana ꞌëx ꞌai quixun unicama ꞌunánmiti ꞌain.

Juan 3:27

Cacëxun ca Juanën cacëxa: —Uinu ꞌicë unínbi ca Nucën Papa Diosan ꞌimicëxunma usa ñu ꞌatima ꞌicën.

Hechos 1:8

Usa ꞌaínbi camina Nucën Papa Diosan Bëru Ñumshin Upí mitsunu ucëbë aín cushiñu ꞌicanti ꞌain. Aín cushiñu ꞌixun camina mitsun ꞌën bana unicama ñuixunti ꞌain, Jerusalén ëmanu, Judea mecamanu, ꞌimainun Samaria menu, ꞌimainun camabi menu cuanquin.

Hechos 13:31

Baísquimicëx ca ꞌitsa nëtën pain ꞌi, abëa Galilea menuax Jerusalénu cuancë unicamami ꞌitsai chiquiracëacëxa. Usa ꞌain ca atun bërí a ñuiquin unicama ñuixunia.

Hechos 2:32

Davidnën cuënëo bana quicësabi oquin ca Nucën Papa Diosan Jesús bamacëbi baísquimiaxa quixun cananuna nucamanbi ꞌunan.

Hechos 3:15

Usoquin camina mitsun an unicama Nucën Papa Diosnan ꞌinúxa abë ꞌinun ꞌimiti, Jesus, a uni ꞌamian. Usoquinmi ꞌamicë́xa bamacëbi ca Nucën Papa Diosan a baísquimiaxa. Bamacëa baísquimicë cananuna nun asérabi isan.

1 Corintios 12:28

Nucën Papa Diosan mëníosabi oquin ca axa Jesucristomi catamëcë unicaman bëtsi bëtsi ñu ꞌaia. Raíri unix ca aín bana ñuixunuan Jesucristonën caíscë ꞌia. Raíri unin ca Nucën Papa Dios quicë bana unicama ñuixunia. Raíri unin ca axa Jesúsmi catamëcë unicama aín bana ꞌunánmia. Raíri unin ca uni itsin ꞌacëma ñu ꞌaia. Raíri unínribi ca uni ñucë pëxcuia, raíri unin ca unicama ꞌaquinia, raíri unix ca Nucën Papa Diosan bana cuatia timë́cë unicama aín cushi ꞌia, raíri uníxribi ca Nucën Papa Dios rabi unían cuatima banan banaia.

2 Corintios 13:1

Mitsu isi rabëti cuan ꞌaíshbi cana amiribishi mitsu isi cuantëcënti ꞌain. Camabi ñu ca unin, rabë́ unían ñuia cuapánti ꞌicën. Rabë́ ꞌimainun achúshi unían ñuiaira ca asérabi ca quixun ꞌunánti ꞌicën.

Efesios 4:11

An ca ax cuëëncësa oquían bëtsi bëtsi ñu ꞌanun aín unicama ꞌimia. Bëtsi bëtsi unix ca aín bana ñuixunuan ꞌimicë ꞌicën. Raírinën ca Nucën Papa Dios quicë bana unicama ñuixunia. Raírinën ca axa Jesucristomi catamëcëma unicama amia catamënun upí oquin ꞌaquinia. Raírinën ca axa ami catamëcë unicama upiti Jesucristo cuëëncësabi oi ínun áquinia. Raírinën ca uisai cara Nucën Papa Diosan bana cuënëocama quia quixun uni ꞌunánmia.

Deuteronomio 19:15

Ësokin ka Moisésnën Israel unikama katëkëankëxa: Achúshi uníxa këmëi banai a unin ka ꞌatima ñuira ꞌakin a tanti bana kikësokin ꞌakinma uni ꞌaxa kikëbëtan kamina asérabi ka ax ꞌikë kixun sinántima ꞌain. Usa ꞌaínbi kamina rabë́ ꞌimainun achúshi uni an usai ka asérabi ꞌiaxa kixun bana ñuiti bëkë axa asérabi ka usakin ꞌaxa kikëbëtan usa ka kixun kati ꞌain.

Apocalipsis 1:5

An uisaira cara Nucën Papa Dios ꞌicë quixun uni ꞌunánmicë, Jesucristonënribia nuibaquin ꞌaquincëxmi mitsux chuámarua ꞌiti cana cuëënin. Ax utëcëncëbë aín unicamaxribi bama ꞌaíshbi baísquinun, ca ax pain bamatancëx baísquiacëxa. Ax ca ënë nëtënu ꞌicë ꞌapucaman ꞌapu a ꞌicën. An ca nu nuibanan nun ꞌucha cupí aín imi ꞌapati bama ꞌixun nun ꞌuchacama tërë́anan,

Apocalipsis 11:2

A xubu rapasu ꞌicë me mëníocë, ashi camina tupúntima ꞌain. Ax ca axa Nucën Papa Diosmi sináncëma unicamaxa anu ꞌinun ëncë ꞌiti ꞌicën. A unicaman ca cuarenta y dos ꞌuxëcama anu a xubu ꞌicë ëma, Jerusalén, a ꞌatimoi niti ꞌicën. Usa ꞌain camina a xubu rapasu ꞌicë me mëníocë, a tupúntima ꞌain.

Apocalipsis 11:6

A rabëtax ca cushiñu ꞌicën. Usa ꞌixun ca ꞌaisa tanquin atúan Nucën Papa Dios quicësabi oquin bana ñuixunmainuan ꞌuí ꞌibúaxma ꞌinun ꞌimiti ꞌicën. ꞌAisa tanquin ca bacanu ꞌicë ꞌunpax imi ꞌimiti ꞌicën. ꞌAisa tanquin ca bëtsi bëtsi ñu ꞌaquin paë tania tëmëranun unicama ꞌimiti ꞌicën. Uiti oquin cara usoquin ꞌaisa tania usoquin ca ꞌati ꞌicën.

Apocalipsis 12:6

Bacë́ntancëx ca a xanu anu uni ꞌicëma menu cuanxa, anua ax ꞌiti Nucën Papa Diosan mënío anu. Mil doscientos sesenta nëtën ꞌi anu ꞌia ca an mëníosabi oquin Nucën Papa Diosan anúan ax upitax tsónun piti ꞌinánti ꞌicën.

Apocalipsis 13:5

Usai quicëbëtan ca parúnpapanuax uax ꞌirucë ñuinacanꞌëo, ax a cërúai ami ꞌatimati bananun Nucën Papa Diosan ëanxa. Usaquin ca cuarenta y dos ꞌuxë́an unicaman aín bana cuanun ëanxa.

Apocalipsis 19:10

Quicëbë cana a rabinux a ángel tanáin rantin purúan. Usai ꞌiabi ca ꞌë caxa: —Usai ꞌiáxma ca ꞌit. Uicaman cara Nucën Papa Dios quicë bana unicama ñuixunia an ca Jesús ñuiquin an ꞌunánmicë banacama uni ñuixunia. Mibëtan ax Jesús quicë banacama quicësabi oi ꞌicë unicaman ꞌacësaribi oquin cana ꞌënribi ax quicësaribi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.

Apocalipsis 20:4

Acama istancëxun cana anu tsóti cha bëtsi bëtsi isan. Anu ca an uni raíri ñu upí cara ꞌaxa, ñu upíma cara ꞌaxa quixun isti, acama tsócë ꞌiaxa. Acama isanan cana axa —ꞌëx cana Jesúsnan ꞌai —quiquin bana ñuixuncë cupí tëbíscacë unicama, ꞌimainun axa Nucën Papa Diosan bana cuacë cupí tëbíscacë unicama, acaman ñunshínribi isan. Acamax ca ꞌitsa maxcáñu ꞌianan ꞌitsa matúxca ñuinacanꞌëo a rabima, ꞌianan a tanquin unin ꞌacë ñu a rabima, ꞌianan ainan ꞌinun ꞌunántioquin aín bëmánan ꞌimainun aín mëcën cuënëocëma ꞌiaxa. ꞌËn iscëx ca acamax bama aíshbi baísquiaxa. Baísquitancëx ca Cristobë mil baritia ꞌapu ꞌiaxa.