Apocalipsis 11:2 - Kashibo-Kakataibo Biblia

² A xubu rapasu ꞌicë me mëníocë, ashi camina tupúntima ꞌain. Ax ca axa Nucën Papa Diosmi sináncëma unicamaxa anu ꞌinun ëncë ꞌiti ꞌicën. A unicaman ca cuarenta y dos ꞌuxëcama anu a xubu ꞌicë ëma, Jerusalén, a ꞌatimoi niti ꞌicën. Usa ꞌain camina a xubu rapasu ꞌicë me mëníocë, a tupúntima ꞌain.

Nukën 'Ibu Diosan ain unikama 'inan ain bana

² A xubu rapasu 'icë me mëníocë, ashi camina tupúntima 'ain. Ax ca axa Nucën Papa Diosmi sináncëma unicamaxa anu 'inun ëncë 'iti 'icën. A unicaman ca cuarenta y dos 'uxëcama anu a xubu 'icë ëma, Jerusalén, a 'atimoi niti 'icën. Usa 'ain camina a xubu rapasu 'icë me mëníocë, a tupúntima 'ain.

Apocalipsis 11:2 Iomraidhean Croise

Isaías 5:5

Asábi ka usa ꞌain kana uisakin ꞌën uvas ꞌapákëkama ꞌati karana, bërí sinani a mitsu kati ꞌain: bërí kana anun bëarakin i muxañukama ꞌapákë a anun atsínxun vacan ꞌatima otanun biti ꞌain; bianan kana anun kënëara maxá ꞌakëkama aribi anun atsínxun vacan ꞌaisama okin amátanun amanu amanu kinioti ꞌain;

Isaías 52:1

Axa Jerusalénnu tsókë unikama mitsux kamina upíokin sinani kushikanti ꞌain, mitsux kamina Jerusalén upí kakë ëma anu tsotin, usa ꞌain kamina mitsun chupa upíirabu a pañukanti ꞌain, bëtsi menu ꞌikë unikama an Dios rabikëmakama ax ka amiribishi mitsunu atsíntëkëntima ꞌikën.

Daniel 7:19

Usa ꞌain kana ꞌën ñuinakan ꞌëo rabë́ ꞌimainun rabë́ribi a uisa kara bëtsi iskësa iskësama ꞌaísha ꞌatimaira a ꞌunánkatsi ꞌian: ax ka aín xëtakama manë iruira ꞌianan aín ꞌuntsisribi manë panshian ꞌakësa ꞌiaxa; usa ꞌixun ka kamabi ñu pianan raíri masókin atima onan axa tëxëkëkamaribi aín taën amákin ꞌatima oxa.

Daniel 7:25

Usa ꞌixun ka an Dios manámi ꞌikë kushiira ꞌatimakin ñuianan an rabikë unikama këñukin pëuti ꞌikën; ꞌanan ka Dios kia bana aribi bëtsiokin nainsa tanan usakin unikaman fiesta ꞌatia Dios kia aribi bëtsiokin nainsa tanti ꞌikën, usa ꞌain ka an Dios rabikë unikaman ꞌapu an kakësokinshi ꞌati ꞌikën, rabë́ ꞌimainun achúshi baritia ꞌirukë anua mapai achúshi ꞌimainun achúshi ꞌuxë sënë́mi kiti ꞌikën.

Números 14:34

Mitsun kamina cuarenta nëtë ꞌimikin Canaán kakë me ñachai nian; usaribiti ka cuarenta baritia ꞌimi mitsun bakë bëchikëkama mikaman ꞌucha kupinshi tëmërai niti ꞌikën, achúshi baritia nikë ax ka: achúshi nëtë nikësa ꞌiti ꞌikën. Usai tëmërakin kamina uix kara ꞌë ñui ꞌatimati banaxa ax kara uisai ꞌia kixun ꞌunánti ꞌain.

Mateo 27:53

Baísqui nirui anua racan anuax chiquítancëx ca Jesúsa baísquicëbë Jerusalénu cuancëxa. Cuancë ca ꞌitsa unin anuxun isacëxa.

Mateo 4:5

Usotancëxun ca ñunshin ꞌatimanën ꞌapun Jesús Jerusalén ëma upí anu buáncëxa. Buántancëxun ca anuxun Nucën Papa Dios rabiti xubu aín mascuan sënë́ncënu buánruacëxa.

Mateo 5:13

Ësaquinribi ca Jesusan cacëxa: —Mitsux camina ënë nëtënu ꞌaish tashisa ꞌain. Tashin ca anun tashíncëxun ñu mucoquin upí ꞌimia. Usaribi oquin camina mitsun mibë ꞌicë unicama upiti bucunun ꞌaquinin. Tashi axa aín muca nëtëtia ca unin uisaxunbi amiribishi mucotëcëntima ꞌicën. Usa ꞌaish ca a tashi mucañuma ñancáishi ꞌicën. ꞌAisama ꞌicë ca unin putia, putia unin amácëx ca nëtëtia. Mitsun upiti bucunun mibë ꞌicë unicama ꞌaquincëma ꞌaish camina a tashíxa mucañuma ꞌicësaribi ꞌiti ꞌain.

Lucas 21:24

Uni raíri ca unin abë ꞌacananquin ꞌanuxun ꞌaia, raírinëx ca bëtsi bëtsi menu buáncë ꞌiti ꞌicën. Usaquin ꞌaquin ca judíosma unicaman Jerusalén ꞌatimonan anu ꞌixun aín cuëëncësa oquin ꞌati ꞌicën, atúan usoquin ꞌati nëtëa sënë́ncëbëtan.

Hebreos 10:29

A unia usoquin ꞌásamaira oquin ca axa aín Bëchicë ꞌimainun aín Bëru Ñunshin Upími ꞌatimati banacë uni a Nucën Papa Diosan castícanti ꞌicën. Nucën Papa Diosan Bëchicë, axa unicama ꞌuchañu ꞌicëbi ië́minux aín imi ꞌapati bama, a ami ꞌatimati bananan Nucën Papa Diosan Bëru Ñunshin Upí an uni nuibaquin ꞌaquincë ami ꞌatimati banacë, a unicamax ca an Moisésnën cuënëo bana ꞌacëma unia ꞌacësamaira oquian Nucën Papa Diosan castícancë ꞌiti ꞌicën.

Apocalipsis 11:11

Rabë́ ꞌimainun achúshi nëtë ꞌimainun nëtë itsi bari xamárucëbë ca a rabëtax bamaxbi Nucën Papa Diosan ꞌimicëx uinacëtëcëni niruaxa. Nirucëbë ca an atu iscë unicama ratuti racuë́ira racuë́axa.

Apocalipsis 11:3

A unicamaxa ꞌatimati anu nimainun cana an ꞌë ñuiquin unicama canun rabë́ uni xuti ꞌain. A uni rabë́ ax ca rabë́ olivos cacë iisa ꞌimainun rabë́ anu lamparín nanti ñusa ꞌicën. An ca ꞌën xucëxun ꞌaisamaira nëtë, mil doscientos sesenta, a nëtëcama ꞌë ñuiquin bana unicama ñuixunti ꞌicën. Atux ca masá nuitucë unían pañucësaribi chupa pañucë ꞌiti ꞌicën.

Apocalipsis 12:6

Bacë́ntancëx ca a xanu anu uni ꞌicëma menu cuanxa, anua ax ꞌiti Nucën Papa Diosan mënío anu. Mil doscientos sesenta nëtën ꞌi anu ꞌia ca an mëníosabi oquin Nucën Papa Diosan anúan ax upitax tsónun piti ꞌinánti ꞌicën.

Apocalipsis 21:10

Usaquin catancëxun ca ꞌuxcëmabi namácësoquin ꞌën iscëxun aín bashi chaira anu ꞌë buánxa. Buánquian ismicëxun cana Jerusalén ëma upíira upí, anua Nucën Papa Dios ꞌicë, anuaxa ubutia isan.

Apocalipsis 21:2

Isanan cana Jerusalén ëma ió, upíira upí, Nucën Papa Diosan nëtënuaxa ubutia isan. ꞌËn iscëx ca upíira upí ꞌiaxa, xanúxa bërí bënunux upiti mëníocacësaribi.

Apocalipsis 22:19

Uicamanribi cara ënë quiricanu ꞌicë Nucën Papa Diosan bana ñuiquinbi bëtsi bëtsi bana —a banax ca ꞌaisama ꞌicë —quiquin a uni ñuixunima, acama ca Nucën Papa Diosan ënë quiricanu cuënëoquin ñuicë Jerusalén ió anu abë ꞌitimoquin ꞌimianan anu ꞌicë quiricanua ꞌicë aín anë a tërë́nti ꞌicën.