Apocalipsis 11:11 - Kashibo-Kakataibo Biblia

¹¹ Rabë́ ꞌimainun achúshi nëtë ꞌimainun nëtë itsi bari xamárucëbë ca a rabëtax bamaxbi Nucën Papa Diosan ꞌimicëx uinacëtëcëni niruaxa. Nirucëbë ca an atu iscë unicama ratuti racuë́ira racuë́axa.

Nukën 'Ibu Diosan ain unikama 'inan ain bana

¹¹ Rabë́ 'imainun achúshi nëtë 'imainun nëtë itsi bari xamárucëbë ca a rabëtax bamaxbi Nucën Papa Diosan 'imicëx uinacëtëcëni niruaxa. Nirucëbë ca an atu iscë unicama ratuti racuë́ira racuë́axa.

Apocalipsis 11:11 Iomraidhean Croise

Génesis 2:7

Usa ꞌain ka Nukën ꞌIbu Diosan mebi unisa ꞌinun ꞌatankëxun aín rëkinu rëxúnkakëxa, rëxúnkakëxëshi ka uíni uni ꞌiakëxa. Usai ꞌika uni uniakëxa.

Oseas 3:5

Usai pain ënë ñukama ꞌikë ꞌain ka Israelkaman ami sinanatëkënkin, Nukën ꞌIbu Dios rabiti sinántëkënti ꞌikën, ꞌimainun ka atun ꞌapu ꞌia David aín rëbúnki achúshi atun ꞌapu ꞌiti ꞌikën. Anuan ënë nëtëkama këñuti a nëtë ꞌikëbëtan ka ami rakuë́kin Dios upíokin a ꞌakinun kixun ñukáti ꞌikën.

Hechos 5:11

Usacëbë ca axa Jesucristomi catamëcë unicama ꞌimainun an ñuicania cuacë unicamaxribi racuë́ira racuë́acëxa.

Hechos 5:5

Ësai quia cuatishi ca Ananías nipacëti bamacëxa. An usai bamacë ñuicania cuacë unicamax ca racuë́iracëxa.

Romanos 8:11

Nucën Papa Dios, an Jesús bamacëbi baísquimia, aín Bëru Ñunshin Upí mitsubë ꞌixun ca an Cristo Jesús bamacëbi baísquimia anbi mitsuribi bamacëbi Cristo utëcëncëbëtan baísquimiti ꞌicën, aín Bëru Ñunshin Upí mitsubë ꞌain.

Romanos 8:2

Nuxnu ami catamëcë ꞌaish Cristo Jesúsbë achúshisa ꞌicë ca aín Bëru Ñunshin Upí nubë ꞌixun ñu ꞌatima, a ꞌaia uni Nucën Papa Diosbë ꞌitimoi bamati, a ꞌatëcënxunma ꞌanun nu ꞌimiaxa.

Josué 2:9

ꞌËn sinánkëxun ka Nukën ꞌIbun mitsunan ꞌinun ënë me mikama ꞌinánti ꞌikën, usa ꞌain kananuna nukamax ꞌitsaira rakuë́tin. Usa ꞌain ka axa ënë menu tsókë unikama mitsux ukë kuati rakuëtan bamaia.

Apocalipsis 11:13

Usai ꞌicëbë ca me ꞌaisamaira shaíquiaxa. Shaíqui ca Jerusalén ëma nëbë́tsi rabë́, mëcën rabë́ oquin tëacësa ꞌaíshbi amo ꞌicë achúshi rurucubuaxa. Rurucubucëbë ca ꞌaisamaira uni siete mil bamaxa. Acama bamacëbëtan ca bamacëma unicaman racuë́quin, Nucën Papa Dios naínu ꞌicë rabiaxa.

Apocalipsis 11:9

Rabë́ ꞌimainun achúshi nëtë ꞌimainun nëtë itsi bari xamárutamainun anu racácë ca anu cuancë unicama, bëtsi bëtsi unibu, bëtsi bëtsi menuax ucë ꞌianan bëtsi bëtsi banan banacë, acaman isquin, uni raírinëan maíntisa taniabi ꞌamitima ꞌicën.