Apocalipsis 10:5 - Kashibo-Kakataibo Biblia

⁵ Angel an aín taë itsin parúnpapa amánan aín taë itsin me amácë, an ca aín mëcën mëqueu ꞌicë manámi oxa.

Nukën 'Ibu Diosan ain unikama 'inan ain bana

⁵ Angel an aín taë itsin parúnpapa amánan aín taë itsin me amácë, an ca aín mëcën mëqueu 'icë manámi oxa.

Apocalipsis 10:5 Iomraidhean Croise

Génesis 14:22

Usokin kakëxunbi ka Abramnën ësokin kakëxa: —ꞌËn kana ësokin kana ꞌanuxun ꞌai kixun Nukën ꞌIbu kushiira an naíkëñun me unio a kan,

Nehemías 9:6

Ësokin unikama katankëxun ka Esdrasnën Dios ësokin kakëxa: “Mixmi Dios ira ꞌain ka misaribi Dios uixi ꞌitima ꞌikën. Min kamina naíkamë ꞌëo ꞌanan a manámia ꞌikë ñukama këñun anu ꞌikë ꞌispakamaribi uniokën; ꞌanan kamina meribi ꞌatankëxun anu ꞌikë ñukamaribi ꞌakën, ꞌatankëxun kamina parúmpapanu ꞌikë ñukamaribi ꞌakën. Usa ꞌain ka min ꞌimikëx kamabi ñukamax upiti tsotia. Usa ꞌikë ka min ángel naínu ꞌikë kaman rabimainun menuxunribi mi rabiti ꞌikën.

Éxodo 20:11

ꞌËn kana mapai achúshi ꞌimainun achúshi nëtë ꞌimikin ꞌëx min ꞌIbu ꞌixun naí ꞌimainun me parúmpapa kamabi anu ꞌikë ñukama uniokën, usakin uniotankëx kia ꞌain ka siete nëtë ꞌikëbë anun uni tantiti ꞌikën, usai ꞌikin kana a upíokin sinánxuni a nëtëx ka bëtsi nëtësama upíira nëtë ꞌiti ꞌikë kiax kana kiakën.

Éxodo 6:8

Usa ꞌain kana a me ꞌinánuxun ꞌën Abraham, Isaac ꞌimainun Jacob akama ká me mitsunanbi ꞌinun ꞌinánti ꞌain. ꞌËx kana mitsun ꞌIbu ꞌain.

Hechos 14:15

—¿Uisocasquin caramina ësoquin ñu ꞌacanin? Nuxribi cananuna mitsusaribi unishi ꞌain. Usa ꞌaíshbi cananuna an mitsu ꞌaquincëxunmabimi ñancábi ñu rabicë, a ënquin Nucën Papa Dios ashi rabinun quixun mitsu cai uan. An bamatiomoi tsóo ꞌixun naí, me, bacacama ꞌimainun anu ꞌicë ñucamaribi unio, a camina sinánti ꞌain.

Hechos 17:23

ꞌËx ënë ëmanu ꞌicë bain niquin cana anuxunmi mitsun dioscama rabicë ꞌitsa isan. Isanan cana anuxun mitsun dios rabiquinmi anu ñu nanti ñu achúshinumi ësaquin cuënëocë isan: “Ënëx ca anuxun nun ꞌunáncëma dios rabiti a ꞌicën”. ꞌUnánxunmabimi rabicancë dios a cana ꞌën mitsu ñuixunin.

Romanos 1:20

Isquinmabi ca unin Nucën Papa Dios ꞌunánti ꞌicën, an unio ñucama isquin. Usa ꞌain ca an camabi ñu unio cupí, unin Nucën Papa Dios, ax ca asérabi Dios ꞌicë quixun ꞌunánan ax ca nëtë́timoi usabi cushiira ꞌicë quixun ꞌunántisa ꞌaíshbi ami sináncëma ꞌicën. Usa ꞌaish ca, ꞌunáncëma ꞌaish cana ami sináncëma ꞌain, a unicamax quitima ꞌicën.

Deuteronomio 32:40

ꞌËn kana naími okin ꞌën mëkën chaioruin, usa ꞌaish kana asérabi ësai kin: ꞌëx kana uínsaran nëtënbi këñútimoi tsotin usa ꞌaish kana asérabi kin

Hebreos 6:13

Nucën Papa Diosbë ca camabi uni ꞌimainun ángelcamaribi sënëníma. Usa ꞌixun ca anbi sinanatëcëntimoquin Abraham cacëxa:

Apocalipsis 1:18

ꞌËx cana axa bamatimoi tsócë a ꞌain. Bamatancëx baísquia ꞌaish cana bamatëcëntimoi tsotin. Ui unicamax cara uiti nëtën tsóti ꞌicë, uisa nëtën cara bamati ꞌicë quixun cana ꞌën mëníoin. Bamatancëx cara aín ꞌucha cupí anuax uni tëmëracë anu cuanti ꞌicë, cara anua aín ꞌucha tërë́ncë uni ꞌicë anu cuanti ꞌicë quixun cana mëníoin.

Apocalipsis 10:2

Aín mëcënan ca bacacë quiricaratsu tuíanxa. Usai ꞌiquin ca aín taë mëqueunën parúnpapa amánan aín taë mëmiunën me amáxa.

Apocalipsis 14:7

ca ësai munuma banaquin caxa: —Anun Nucën Papa Diosan camabi uni aín ñu ꞌacësabi oquin, uisa cara oti ꞌicë usoquin ꞌati nëtë ca uaxa. Usa ꞌain camina ami racuë́quin a rabiti ꞌain. An naícama, mecama, parúnpapacama, xëxácama unio, a camina rabiti ꞌain.

Apocalipsis 16:17

Usai ꞌicëbëtan ca anuxun Nucën Papa Dios rabiti xubunuax chiquícë ángel itsínribi aín xanpanu ꞌicë ñu tutucaxa. Tutucacëbëa naínu ꞌicë anuxun Nucën Papa Dios rabiti xubu anua Nucën Papa Dios ꞌicë anuax ësai banaia cana cuan: —Anuishi sënë́nquin cana ꞌan.

Apocalipsis 4:11

Nucën ꞌIbu Dios, min camina camabi ñu uniocën. Mix cuëëncësabi oi ca ꞌiacëxa, mix cuëëncësabi oquin camina min cushínbi camabi ñu ënë menu ꞌicë ꞌimainun naínu ꞌicë ñuribi uniocën. Usa ꞌaish camina camabi unicama ꞌimainun ángelcamanribi rabitisa ꞌain.

Apocalipsis 4:9

Usaquian ꞌitsa bëruñu ñu an Nucën Papa Dios, axa anu ꞌApuira tsóti, anu ꞌianan bamatimoi tsócë, a nëtë́timoquin rabianan —ca asábi ꞌicë —quixun cacëbëtan cacëbëtan,