Apocalipsis 1:8 - Kashibo-Kakataibo Biblia

⁸ Nucën ꞌIbu Dios, axa usabi ꞌiá ꞌaish usabi ꞌicë, ax ca cushiira ꞌaish, uisa cushi cara, aín cushibëtanbi sënë́nmaira ꞌicën. Usa ꞌaish ca ax ësai quia: —ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain.

Nukën 'Ibu Diosan ain unikama 'inan ain bana

⁸ Nucën 'Ibu Dios, axa usabi 'iá 'aish usabi 'icë, ax ca cushiira 'aish, uisa cushi cara, aín cushibëtanbi sënë́nmaira 'icën. Usa 'aish ca ax ësai quia: —'Ëx cana uisa ñubia 'aíma 'aínbi 'iacën, usa 'aish cana ënë menu 'icë ñucama cëñúcëbë usabi 'iti 'ain. Usa 'aish cana a pain 'unánti bana “A” 'imainun tsiánquinribi 'unánti bana “Z” asaribi 'ain.

Apocalipsis 1:8 Iomraidhean Croise

Génesis 17:1

Usa ꞌain ka Abram axa noventa ꞌimainun nueve baritiañu ꞌikë, Nukën ꞌIbun amiribishi ami mëratëkënkin ësokin kakëxa: —ꞌËx kana min ꞌIbu Dios kamabi kushiñuira a ꞌain, usa ꞌain kamina ꞌëx kuëënkësabi ꞌoíshi tsóanan ꞌëx kikësabiokin kamabi ñu ꞌati ꞌain,

Génesis 28:3

Usa ꞌain ka Nukën ꞌIbu Dios kamabi kushiñu an mi upíokin sinánxunkin min rëbúnkinëxa ꞌaisamaira ꞌia timënun ꞌimiti ꞌikën, ꞌimianan ka min rëbúnki kamanuax ꞌaisamaira ëma ꞌai uni ꞌuakamë ꞌëoti ꞌikën.

Génesis 35:11

anëkin ka ësokin kakëxa: ꞌËx kana Dios kamabi kushiñuira a ꞌain; usa ꞌain kamina bëchipati mebi tsitsirui ꞌuakamë ꞌëoi bukuti ꞌain, min rëbúnkikamaribi ka bëtsi bëtsi ëma ꞌai aín ꞌapuñu ꞌapuñu bukuti ꞌikën.

Génesis 43:14

Usa ꞌaínbi ka Nukën ꞌIbu Dios ax kamabi kushiñu an mitsua uisabi okima nuibanun ꞌimianan, min xukë́n sipunu ꞌikë a ënun sinánmikin Benjamín utëkënun upíokin sinánmiti ꞌikën. Usa ꞌain kana ꞌën bëchikëkama nëtë́këbë, bëchikëñuma ꞌëx ꞌiti ꞌain.

Génesis 48:3

Usai ꞌikin ka aín bëchikë José anu bëbakë kakëxa: —Nukën ꞌIbu Dios kushiira kushi axa tirí kakë ëma Canaán me anuax ꞌëmi mërakin upíokin sinánxunkin,

Génesis 49:25

¡asábi ka Nukën ꞌIbu Dios a ꞌën rabikë, an ka mi ꞌakinuxun ꞌaia; Nukën ꞌIbu Dios kamabi kushiñuira an ka mi upiokin ꞌakinti ꞌikën! ¡Naíkamë ꞌëo manámixunbi ka ꞌuí ꞌibútanun mi upíokin sinánxunti ꞌikën! ¡An ka parúmpapa ꞌukëmëu ꞌikë me anuaxbia ꞌumpax utanun mi upíokin sinánxunti ꞌikën! ¡An ka min ñuinakama tuaia ꞌanan xanu bakënti aribi upíokin sinánxunti ꞌikën!

Éxodo 3:14

ꞌImainun ka Diosan kakëxa: —ꞌËx kana axa nëtë́timoi tsókë a aín. Usa ꞌain kamina israel unibu kati ꞌain: ꞌËnbi kana atunu mi xuti kixun kamina kati ꞌain.

Éxodo 6:3

Usa ꞌikë ka min chaitiokë Abraham, Isaac ꞌimainun Jacob akaman ꞌëx kana kamabi kushiñu Dios a ꞌai kixun ꞌunánkëxa, ꞌaínbi kana asérabi ꞌën anëira a atu ꞌunánmiama ꞌain: ꞌËx kana min ꞌIbu a ꞌain.

Isaías 41:4

¿Uin kara ënë ñukama ësokin ꞌakëx? ¿Uin kara bërámabi ꞌa ꞌixun bëríbi usaía ñu inútikama a ꞌimiti it? ꞌËx kana mitsun ꞌIbu Dios achúshi a ꞌain, uin kara uinsaranbi ꞌitabakënu unin ñuiama ñu ꞌakëxa.

Isaías 43:10

Ësai ka Nukën ꞌIbu asérabi kiakëxa: “Mitsun kamina uisakin karana ñu ꞌakën akama ñuiti ꞌain. Mitsux kamina ꞌën unikama ꞌën kaisa a ꞌain, ꞌëmi katamëkin ꞌunánkin kamina, ꞌëx karana ui ꞌai kixun ꞌë ꞌunánkanti ꞌain. ꞌËx ꞌisama ꞌain ka uinu ꞌikë bëtsi diosbi asérabi ꞌaíma ꞌiakëxa. ꞌIanan ka ꞌëx pain ꞌia ꞌain bëtsi dios ꞌaíma ꞌiti ꞌikën.

Isaías 44:6

Ësai ka Nukën ꞌIbu, Israel unikama ꞌapu an atu biti, kamabi kushiñu ax kiaxa: “ꞌËx irapain kana ñu ꞌaíma ꞌain ꞌiakën, usa ꞌaish kana kamabi ñu këñúkëbëbi anubi ꞌiti ꞌain; usa ꞌain ka bëtsi dioskama ax ësaribi asérabi ꞌiti ꞌaíma ꞌikën.

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Números 24:4

usa ꞌixun kana ꞌën Diosan bëru ñunshinan ꞌë ꞌunánmikëxun upíokin unánkin ꞌaia ka Dios kushiira kushi an ꞌë namákësa okin ismianan ain banaribi ꞌunánmia.

2 Corintios 6:18

ꞌImianan cana mitsun Papa ꞌiti ꞌain. ꞌIcëbë camina mitsux, bëbu ꞌimainun xanucamaxribi, ꞌën bëchicë ꞌiti ꞌain. Usai cana mitsun ꞌIbu Dios, cushiira, ꞌëx quin.

Apocalipsis 1:11

Banai ësai quia cana cuan: —ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain. Ënuxunmi min iscë ñucama ñuiquin camina quiricanu cuënëoti ꞌain. Cuënëotancëxun camina axa ꞌëmi sinani ꞌëmi catamëcë unicama, mëcën achúshi ꞌimainun rabë́ ëmanu ꞌicë, acamami cuënëocë quirica buánmiti ꞌain, Efeso, Esmirna, Pérgamo, Tiatira, Sardis, Filadelfia, Laodicea, a ëmacamanu ꞌicë unicama a.

Apocalipsis 1:17

Usa isi cana racuëtan bamai a tanáin nipacëan. Nipacëtia ca aín mëcën mëqueunën ramëquin ꞌë caxa: —Racuëaxma ca ꞌit. ꞌËx cana ñu ꞌaíma pan ꞌain ꞌiacën. Usa ꞌaish cana camabi ñu cëñúcëbë usabi ꞌiti ꞌain.

Apocalipsis 1:4

ꞌËx Juan ꞌixun cana Asia menu ꞌicë mëcën achúshi ꞌimainun rabë́ ëmanuax timë́cë axa Jesucristomi catamëcë unicama, mitsu ësaquin cain: Nucën Papa Dios axa usabi ꞌiá ꞌaish usabi ꞌicë, an nuibaquin ꞌaquincëxmi mitsux chuámarua bucuti cana cuëënin. Cuëëanan cana anua Nucën Papa Dios ꞌicë aín Bëru Ñunshin Upí anribi aín bana upí oquin cuanun ꞌaquianan, a bana quicësabi oi ꞌinun ꞌaquincëxmi mitsux chuámarua bucuti cuëënin.

Apocalipsis 11:17

Rabiquin ca caxa: Nucën ꞌIbu Dios, min cushi ca chaira ꞌaish bëtsi cushisama ꞌicën. Camina usabi ꞌiá ꞌianan usabi ꞌaish, usabi ꞌiti ꞌain. Cushiira ꞌixun camina min cuëëncësabi oquin ꞌain. ꞌAi camina bërí mixëshi min unicaman ꞌApu ꞌain. Usa ꞌicë cananuna bërí —asábi ca —quixun caquin mi rabin.

Apocalipsis 15:3

Anuax ca Nucën Papa Dios rabi cantaxa. Moisés, an Nucën Papa Diosan cacësabi oquin ꞌá, a sinánan Carnero ꞌicësaribitia unin ꞌucha cupí bama, an Nucën Papa Dios cuëëncësabi oquin ꞌá, aribi sinani ca Nucën Papa Dios rabi cantaxa. Ësai quicë ca a canta ꞌiaxa: Minmi ꞌacë ñucamax ca upíira ꞌicën, unin sináncësamaira oquin sinánquin camina ñu ꞌacën. Mix camina Nucën ꞌIbu Dios ꞌain. Min cushix ca chaira ꞌaish bëtsi cushisama ꞌicën. Mix cushiira ꞌaish camina camabi menu ꞌicë unicaman ꞌApu ꞌain. Usa ꞌaish camina sinánñuira ꞌixun paránquinma atúxribia upí ꞌinun ꞌiminux atun ꞌApu ꞌain.

Apocalipsis 16:14

A ñunshin ꞌatimacama tuan tita iscësa, acaman ca unicama paránuxun unin ꞌacëma ñu ꞌaxa. Usoquin ꞌanan ca camabi menu cuanquin, anu ꞌicë ꞌapucama aín suntárucamaxa bëtsi menu ꞌicë suntárubë ꞌacananux tsuáquirunun sinánmiaxa. Usa ꞌixun ca camabi uni timëaxa, axa aín cushi chaira ꞌaish bëtsi cushisamaira Nucën Papa Dios, an anun ꞌaisamaira oquin atu castícanti nëtë sënë́ncëbëtan.

Apocalipsis 16:7

Usaquin cuanan cana anuxun tsëpasa ñu sanutanun nëënti, anuax ësai qui banaia cuan: —Usa ca. Nucën ꞌIbu Dios ꞌaish camina min cushi chaira ꞌaish, bëtsi cushisama ꞌain. Min sinan upíira ꞌixun camina uisa caramina oti ꞌai usoquin ꞌan. Mixmi ñu ꞌatima cuëëncëma cupí camina usoquin ꞌan.

Apocalipsis 19:15

Ax pain chiquícë aín cuëbínuaxa machítusa manë xëtocë chiquitia cana isan. A manë xëtocë ax ca camabi menu ꞌicë axa ami sináncëma unicama anun ꞌati ꞌiaxa. Ax cushi ꞌixun ca camabi menu ꞌicë unían aín bana cuanun ꞌimiti ꞌicën. ꞌImainun ca ax cushiira ꞌixun axa ami nishcë unicama Nucën Papa Diosan mëníosabi oquin castícanti ꞌicën, uvas bimia taën chacacëx cëñúcësaribi ꞌinun.

Apocalipsis 19:6

Usai quicëbëtan cana ꞌaisamaira uni munuma cushin banacësari banaia cuan. A banax ca baca xuqui cushíinra banarucësari ꞌianan caná munuma banacësaribi ꞌiaxa. Ësai banaia cana cuan: Nucën ꞌIbu Dios axa aín cushi chaira ꞌaish bëtsi cushisama, ax ca ꞌApuira ꞌicën. A cananuna munuma banaquin rabin.

Apocalipsis 2:8

Usaquin catancëxun ca ësaquinribi cuënëonun ꞌë caxa: —An axa Esmiranuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: Axa ñu ꞌaíma pan ꞌain ꞌiá ꞌaish camabi ñu cëñúcëbë usabi ꞌiti, axa bamaxbi bamatëcëntimoi baísquicë, Jesús, an ca ësaquin mi caia:

Apocalipsis 21:22

Nucën ꞌIbu Dios, axa aín cushi bëtsi cushisama, a ꞌimainun Carnero ꞌicësaribitia unin ꞌucha cupí bama, axbia uinu cara a ëma sënënia anubi ꞌain, ca ꞌën iscëx a ëmanu anuxun Nucën ꞌIbu Dios rabiti xubu ꞌaíma ꞌiaxa.

Apocalipsis 21:6

Caxun ca ꞌë caxa: —Anuishi sënë́nquin cana ꞌan. ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain. Shimaia uni ꞌunpax ꞌacatsi bënë́cësa, usaribitia ꞌënan ꞌiisa tani bënëtia, cana ꞌënan ꞌaísha ꞌën Bëru Ñunshin Upíñu ꞌinun, cupí ñuixunquinma, ꞌimiti ꞌain.

Apocalipsis 22:13

ꞌËx cana uisa ñubia ꞌaíma ꞌaínbi ꞌiacën. Usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain.

Apocalipsis 4:8

A ñucama achúshi achúshinëx ca anúan nuánti mëcën achúshi ꞌimainun achúshi pëchiñu ꞌiaxa. Aín bërucamax ca ëman ꞌianan ꞌucë mëúribi ꞌiaxa. A ñux ca nëtë́nbi imë́bi nëtëtima Nucën Papa Dios rabi ësai quiaxa: Nucën Papa Dios, ax ca upíira upí, upíira upí upíira upí ꞌicën. Aín cushix ca chaira ꞌaish bëtsi cushisama ꞌicën. Ax ca usabi ꞌiá ꞌaish, usabi ꞌaish, usabi ꞌiti ꞌicën.