Apocalipsis 1:7 - Kashibo-Kakataibo Biblia

⁷ Ca is, Cristo, ax ca naí cuin mëu bëbacuatsini unuxun ꞌaia. Aia ca camabi unicaman isti ꞌicën, an manë xëtocën taro, acamánbi ca aia isti ꞌicën. Ax ucëbë ca camabi menu ꞌicë unicama ami sináncëma ꞌaish masá nuituti inti ꞌicën. Asérabi ca usai ꞌiti ꞌicën.

Nukën 'Ibu Diosan ain unikama 'inan ain bana

⁷ Ca is, Cristo, ax ca naí cuin mëu bëbacuatsini unuxun 'aia. Aia ca camabi unicaman isti 'icën, an manë xëtocën taro, acamánbi ca aia isti 'icën. Ax ucëbë ca camabi menu 'icë unicama ami sináncëma 'aish masá nuituti inti 'icën. Asérabi ca usai 'iti 'icën.

Apocalipsis 1:7 Iomraidhean Croise

Salmos 22:16

Kamun ꞌitsan, ꞌakësaira okin ka uni ꞌatimakaman ꞌë bëara buianxa; usakin ꞌakin ka ꞌën mëkënu ꞌanan ꞌën taënu ꞌinúanën uni raëxpakësa okin ꞌë ꞌaxa.

Daniel 7:13

ꞌËn kana ënë ñukama namákësokin imë́ isan: Iskëbëshi ka nëtë kuin mëu unin bëchikësa ꞌaish uaxa, aia anua tsókë ami kikiani kuania ka uni apan an a ꞌurama onun ꞌamiaxa.

Números 24:17

Diosan ꞌë ismikë ñukama ax ka ꞌisama pain ꞌikën, usa ꞌikë kana ꞌurakëo ñu iskësokin ꞌën isin: ax ka Jacobnën rëbúnkinuax achúshi ꞌispa chikíkësa ꞌaish an Israel kama ꞌakinti ꞌapu ꞌiti ꞌikën. An ka Moabnu ꞌikë unikama kupitanunma ꞌanan Setnën rëbúnkikamaribi kupitanunmashi ꞌati ꞌikën.

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Mateo 16:28

ꞌËn cana asérabi mitsu cain, axa ënu ꞌëbë ꞌicë uni raírinën ca bamacëma pain ꞌixun, uni ꞌinux Nucën Papa Diosnuax uá ꞌicë, ꞌëx cana asérabi ꞌën unicaman cushi ꞌai quixun isti ꞌicën.

Mateo 24:30

Usaía ꞌicëbëtan ca uni ꞌinux Nucën Papa Diosnuax uá, ꞌëx utëcënia isti ꞌicën. Isi ca camabi menu ꞌicë ui unicamax cara Nucën Papa Diosmi sináncëma ꞌicë, acamax masá nuituti bënëti inti ꞌicën. Usai ꞌiquin ca uni ꞌinux Nucën Papa Diosnuax uá, ꞌën nëtë cuin mëúxun ꞌën cushin pëcabëtsinia isnuxun ꞌaia.

Mateo 25:31

Usaquin catancëxun ca Jesusan aín uti nëtë ñuixuntëcënquin ësaquinribi aín ꞌunánmicë unicama cacëxa: —Uni ꞌinux Nucën Papa Diosnuax uá ꞌaish ꞌën cushínbi utëcëanx cana ꞌApuira ꞌinuxun ꞌain. Usa ꞌain ca ꞌëbë ꞌën ángelcamaribi ꞌiti ꞌicën.

Mateo 26:64

Cacëxun ca Jesusan cacëxa: —Minmi ꞌë cacë, usa cana ꞌëx ꞌain. Mitsun camina, uni ꞌinux anuax uá, ꞌë Nucën Papa Dios, cushiira, abë ꞌApu ꞌaish aín mëqueu tsócë isanan ꞌëx naí cuin mëucüax utëcënia isnuxun ꞌain.

Marcos 13:26

Usaía ꞌicëbëtan ca uni ꞌinux Nucën Papa Diosnuax uá, ꞌën nëtë cuin mëúxun ꞌën cushin pëcabëtsinia unicaman isnuxun ꞌaia.

Marcos 14:62

Cacëxun ca Jesúsan cacëxa: —ꞌËx cana a ꞌain. Mitsux camina uni ꞌinux anuax uá, ꞌë, Nucën Papa Dios cushiira, abë ꞌApu ꞌaish aín mëqueu tsócë isanan ꞌëx naí cuin mëucüax utëcënia isnuxun ꞌain.

Lucas 21:27

Usai ꞌicëbëtan ca uni ꞌinux Nucën Papa Diosnuax uá ꞌixun ꞌën, nëtë cuin mëúxun, ꞌën cushin pëcabëtsinia, camabi unicaman isnuxun ꞌaia.

Juan 19:34

ꞌAiamabi ca suntáru achúshinëinshi aín pichánpuru amoshi manë xëtocën chachiacëxa. Usocëx ca imi ꞌunpáxbë mëscúcë ꞌibúacëxa.

Juan 19:37

Ësairibi ca cuënëo bana quia: “Tarotancëxun ca an ꞌacëcaman isti ꞌicën”.

1 Tesalonicenses 1:10

Acama ñuianan ca mitsun camina Nucën Papa Diosan Bëchicë Jesús bamacëbia anbi baísquimia, axa naínuax uti caini quixunribi ñuia. Ax ca an Nucën Papa Diosan, uni aín ꞌucha cupí castícancëbëtanbi, ainan ꞌicë nu ië́miti a ꞌicën.

1 Tesalonicenses 4:17

Usacëbë cananuna Nucën Papa Diosan ꞌimicëx, bamacëmacama nuxribi atubëbi biranani manámiquiquianx, nëtë cuin mëúcüax, Nucën ꞌIbu Jesúsbë birananuxun ꞌain. Usaquiani cuanx cananuna Nucën ꞌIbu Jesucristobë xënibua ꞌaínbi ënánantimoi ꞌinuxun ꞌain.

Hebreos 10:29

A unia usoquin ꞌásamaira oquin ca axa aín Bëchicë ꞌimainun aín Bëru Ñunshin Upími ꞌatimati banacë uni a Nucën Papa Diosan castícanti ꞌicën. Nucën Papa Diosan Bëchicë, axa unicama ꞌuchañu ꞌicëbi ië́minux aín imi ꞌapati bama, a ami ꞌatimati bananan Nucën Papa Diosan Bëru Ñunshin Upí an uni nuibaquin ꞌaquincë ami ꞌatimati banacë, a unicamax ca an Moisésnën cuënëo bana ꞌacëma unia ꞌacësamaira oquian Nucën Papa Diosan castícancë ꞌiti ꞌicën.

Hebreos 6:6

ꞌixunbi ami sinánquinbi ëni uni raírinën cuatánun —ꞌëx cana Jesucristomi sinántëcënima —quia, a unix ca an Nucën Papa Diosan Bëchicë i curúsocënu matáscë uníxa ꞌiásaribi ꞌicën. Usai ꞌicë uni ax ca amiribishi Jesucristomi sinanatëcënima.

1 Juan 3:2

ꞌËn nuibacë xucë́antu, bërí cananuna Nucën Papa Diosan bëchicë ꞌain. Usa ꞌicëbi ca uisaira caranuna ꞌinuxun ꞌai quixun an nu ꞌunánmicëma pan ꞌicën. Usa ꞌaínbi cananuna ꞌunanin, Jesucristo utëcëncëbëtan cananuna upí oquin uisa cara ax ꞌicë quixun isti ꞌain. A isi cananuna asaribi ꞌiti ꞌain.

Judas 1:14

Ax pain unia nucën rara Adán aín rëbúnqui nucën rara Enoc, ax ca Nucën Papa Diosan sinánmicëx usa uni ñui ësai quiacëxa: “ꞌËn iscëx ca Nucën ꞌIbu Dios camabi ꞌaisamaira aín uni upícaman nëpúamainun uaxa.

Apocalipsis 22:20

An ënë ñucama ꞌë ismicë, an ca ꞌë caia: —Cana bënëtishi utëcënti ꞌain. Cacëxun cana cuëëinra cuëënquin —asábi ca, usai ca ꞌiti ꞌicën, ca ut —quixun, Nucën ꞌIbu Jesús cain.

Apocalipsis 22:4

Rabianan ca anuax abë isananti ꞌicën. Usa ꞌaish ca Nucën Papa Diosan anë atun bëmánanu cuënëocë ꞌiti ꞌicën.

Jueces 5:31

¡Nukën ꞌIbu ꞌëx kana axa min unikamami nishkë unikama këñuti kuëënin, ꞌimainun ka an mi nuibakë unikamax upitax bukui barin urukin aín kushin pë́kabëtsinkësa usaribi ꞌiti ꞌikën!” Usai ꞌiaxa sënë́an ka cuarenta baritia ꞌimi a menuax ꞌakanantëkënima upitax buküakëxa.