Apocalipsis 1:3 - Kashibo-Kakataibo Biblia

³ Anun cuënëo banacama quicësabi oi ꞌiti nëtë ca xënibuiracëma ꞌaínshi uti ꞌicën. A nëtën ca an ënë bana iscë unicama ꞌimainun an uni itsían ñuia cuacë unicama ꞌimainun a bana cuaquin —asérabi ca usaía quicësabi oi ꞌiti ꞌicë —quixun sinánquin a bana quicësabi oquin ꞌacë unicama cuëëinra cuëënti ꞌicën.

Nukën 'Ibu Diosan ain unikama 'inan ain bana

³ Anun cuënëo banacama quicësabi oi 'iti nëtë ca xënibuiracëma 'aínshi uti 'icën. A nëtën ca an ënë bana iscë unicama 'imainun an uni itsían ñuia cuacë unicama 'imainun a bana cuaquin —asérabi ca usaía quicësabi oi 'iti 'icë —quixun sinánquin a bana quicësabi oquin 'acë unicama cuëëinra cuëënti 'icën.

Apocalipsis 1:3 Iomraidhean Croise

Proverbios 8:34

Chuámarua ka uin kara ꞌën kakëxun ꞌën bana kuatia ax ꞌiti ꞌikën, ꞌianan ka kamabi nëtë́an an bërúankë unisa ꞌixun ꞌën xubu xëkuë kamanuxun, bana kuati ukë a ka Diosan ꞌakinti ꞌikën.

Mateo 24:15

Usaquin caxun ca Jesusan ësaquinribi aín ꞌunánmicë unicama cacëxa: —An Nucën Papa Dios quicë bana unicama ñuixuncë uni Danielnëan a ñuiquin cuënëo uni ax ca ꞌatimaira ꞌicëa unin timacë ꞌaíshbi aín suntárucamabë uti ꞌicën. Danielnëan ñuia uni ax ca utancëx ami sinanimabi anuxun Nucën Papa Dios rabiti xubu Jerusalénu ꞌicë, anu ꞌiti ꞌicën. An ënë bana iscë uni an ca uisai quice cara quixun ꞌunánti ꞌicën.

Lucas 11:28

Cacëxun ca Jesusan cacëxa: —Usa ꞌaínbi ca an Nucën Papa Diosan bana cuanan a bana quicësabi oquin ꞌacë uni, axira ꞌën titaxa cuëëncësamaira oi cuëënti ꞌicën.

Romanos 13:11

Ësoquinribi camina sinánti ꞌain, nux ami catamëtabaquin cananuna —Jesucristo ca utëcënti ꞌicë —quixun ꞌunáncën. Usaquin ꞌunan ꞌixun cananuna ꞌunanin, axa utëcënti nëtë ca ꞌuramatia quixun. Usa ꞌain cananuna unían ꞌuxnëti pëcaracëbë bësuquin, bari ca uruia quixun sinani bënëtishi aín ñu mëëti ꞌai cuancësaribi oquin, Nucën Papa Diosan a ꞌanun nu ꞌináncë ñu ꞌati ꞌain.

Romanos 13:12

Jesucristo utëcëncëma pan ꞌain cananuna imë́ upí oquin isíma nicësa ꞌain. Usa ꞌaíshbi cananuna ax utëcëncëbë abë ꞌaish xabánu nicësa ꞌiti ꞌain. Usaquin sinani cananuna ñu ꞌatima ꞌati ëni ami cushicë ꞌaish xabánu nicësa ꞌiti ꞌain.

1 Pedro 4:7

Anúan ënë menu ꞌicë ñucama cëñúti nëtë ca ꞌuramatia. Usa ꞌain camina camabi nëtën upí oquin sinani Nucën Papa Diosbë banati ꞌain.

2 Pedro 3:8

ꞌËn nuibacë xucë́antu, camina manuquinma ësaquin sinánti ꞌain, Nucën ꞌIbu Diosan, an nëtë́timoi tsócë ꞌixun, tancëx ca nun nu tancë achúshi nëtëx mil barisa ꞌicën. Usaribiti ca nun nu mil barisa tancë ax Nucën Papa Diosan tancëx achúshi nëtësa ꞌicën.

Apocalipsis 22:10

Usaquin catancëxun ca ësaquinribi ꞌë caxa: —Ënë quiricanu cuënëocë ñucama camina unpuquinma chanioquin ñuiti ꞌain, camabi unían ꞌunánun, anun ënë ñucama ꞌiti nëtë ca ꞌurama ꞌicë, usa ꞌain.

Apocalipsis 22:12

Xënibucëma ꞌain cana uti ꞌain. Uquin cana an ñu upí ꞌacë ꞌën unicama uisoquin cara ñucama ꞌaxa, usaribi oquin cupíoquin cuëënun ꞌimiti ꞌain.

Apocalipsis 22:20

An ënë ñucama ꞌë ismicë, an ca ꞌë caia: —Cana bënëtishi utëcënti ꞌain. Cacëxun cana cuëëinra cuëënquin —asábi ca, usai ca ꞌiti ꞌicën, ca ut —quixun, Nucën ꞌIbu Jesús cain.

Apocalipsis 3:11

Xënibucëma ꞌaínshi cana utëcënti ꞌain. ꞌËx umainun min ꞌacësabi oquin ꞌëmi sinánti ënquinma ꞌën mitsu cacë bana ꞌacë ꞌaish camina ꞌëbë ꞌën nëtënu ꞌi cuëënti ꞌain. Usai ꞌimi ꞌiti cupí camina unían mitsu sinanaminun ꞌamitima ꞌain.