Apocalipsis 1:18 - Kashibo-Kakataibo Biblia

¹⁸ ꞌËx cana axa bamatimoi tsócë a ꞌain. Bamatancëx baísquia ꞌaish cana bamatëcëntimoi tsotin. Ui unicamax cara uiti nëtën tsóti ꞌicë, uisa nëtën cara bamati ꞌicë quixun cana ꞌën mëníoin. Bamatancëx cara aín ꞌucha cupí anuax uni tëmëracë anu cuanti ꞌicë, cara anua aín ꞌucha tërë́ncë uni ꞌicë anu cuanti ꞌicë quixun cana mëníoin.

Nukën 'Ibu Diosan ain unikama 'inan ain bana

¹⁸ 'Ëx cana axa bamatimoi tsócë a 'ain. Bamatancëx baísquia 'aish cana bamatëcëntimoi tsotin. Ui unicamax cara uiti nëtën tsóti 'icë, uisa nëtën cara bamati 'icë quixun cana 'ën mëníoin. Bamatancëx cara aín 'ucha cupí anuax uni tëmëracë anu cuanti 'icë, cara anua aín 'ucha tërë́ncë uni 'icë anu cuanti 'icë quixun cana mëníoin.

Apocalipsis 1:18 Iomraidhean Croise

Job 38:17

¿ꞌIanan kaina min uinuira kara uni ñukëkama ax kuania kixun anúan kuankë aín xëputi a isan?

Mateo 11:23

Capernaúmnuax ucë unicama, ¿mitsun caramina sinanin, camina Nucën Papa Diosan nëtënu ꞌiti ꞌai quixun? Camina anuma, anua uni ꞌaisamacama bamatancëx cuancë, anu ꞌiti ꞌain. Mitsun ëmanuxun ꞌën cushínbi ꞌën ñu ꞌacësaribi oquian Sodomanuxunribi ꞌacë ꞌain ca aín ꞌuchacama ëni anu ꞌicë unicama nëëncëma ꞌiá ꞌitsíanxa.

Mateo 16:19

ꞌËn cana ꞌën cushi mi ꞌinánti ꞌain, ami cushixunmi ꞌë ñuiquin bana unicama ñuixunun. An minmi ꞌë ñuiquin bana ñuixuncëxun cuacë unicamax ca ꞌën Papa Diosan uni ꞌiti ꞌicën. A cushínbi Nucën Papa Diosan sináncësaribi oquin sinánquin, aín unicamax ca usai ꞌiti ꞌicë quixun caquin, ësa ñu ca ꞌati ꞌicë quixun canan, ësa ñu ca ꞌatima ꞌicë quixun cacëbëtan ca Nucën Papa Dios naínu ꞌicë an, —usa ca —quixun sinánti ꞌicën.

Lucas 24:5

Usa isi ca xanucamax racuëti meu tëtúbuacëxa. Tëtúbutiabi ca a unin cacëxa: —¿Uisa cupí caramina mitsun anu uni bamacë mëníotinua axa ashiti bamacëma uni barin?

Juan 11:25

Cacëxun ca Jesusan cacëxa: —ꞌËx cana an uni baísquimiti a ꞌain, ꞌianan cana anúan uni ainan ꞌaish Nucën Papa Diosbë ꞌiti a ꞌain. Axa ꞌëmi catamëcë uni, ax ca bama ꞌaíshbi tsónux baísquiti ꞌicën.

Juan 14:19

ꞌItsama nëtë ꞌicëbëtan ca an Nucën Papa Diosan bana cuacëma unin ꞌë istëcëntima ꞌicën. Usa ꞌaínbi camina mitsun ꞌë istëcënuxun ꞌain. ꞌËx pain Nucën Papa Diosbë ꞌicë cupí camina usaribiti mitsúxribi abë ꞌinuxun ꞌain.

2 Corintios 13:4

Cristo ax ca uni itsi ꞌicësai i curúsocënu matáscë ꞌiacëxa. Usai ꞌiá ꞌaíshbi ca bërí Nucën Papa Diosan cushin uisatimoi tsotia. Usa ꞌain cananuna nux Cristo ꞌiásaribiti ꞌiquin uisa cara unin ocëxunbi cupiquinma tanshiti cushimasa ꞌixunbi an ꞌimicëxun Nucën Papa Diosan cushin mitsu ꞌaquinin.

Gálatas 2:20

ꞌUchatëcënuxunma ashiquin ꞌën ꞌuchacama ëni cana Cristobë bamacësa ꞌain. Usa ꞌaish cana ꞌëshima, Cristo ax ꞌëbë ꞌain, aín cushínbi ax cuëëncësa oíshi ꞌin. Nucën Papa Diosan Bëchicë, axa ꞌë nuibati bamatsianxmabi ꞌën ꞌucha cupí bama, ami catamëti cana ax ꞌëbë ꞌain, ax cuëëncësabi oi ꞌin.

Colosenses 3:3

Mitsun ꞌucha cupía Cristo bama ꞌain camina ꞌuchatëcëntimoi abë bamacësa ꞌain. Usa ꞌaish camina axa baísquitancëx abë ꞌain, mitsúxribi aín Papabë ꞌain, mitsux Cristobë ꞌaish.

Hebreos 1:3

Nucën Papa Dios ax ca unin sinánsamaira ꞌaish upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cara ax ꞌiacëxa quixun ꞌunánquin unin ꞌunánti ꞌicën, aín Papa Dios ax ca asaribi upí ꞌicë quixun. An unio ꞌixun ca an unio ñucama, aín banánbia usabi ꞌinun ꞌimia. Usa ꞌaish ca camabi unin ꞌucha tërë́ncë ꞌinun bamax baísquitancëx, aín Papan nëtënu cuan ꞌaish aín mëqueu abë ꞌApu ꞌicën.

Hebreos 12:2

Jesús, a cupí nux ami catamëcë ꞌaish ainan ꞌianan asaribi upí ꞌaish aín nëtënu abë ꞌiti, ax ꞌiásaribiti ꞌinuxun cananuna uisai cara ax ꞌiacëxa quixun sinánti ꞌain. ꞌUchañuira uni ꞌacësa oquin ca unin i curúsocënu a matásti ꞌicë quixun ꞌunánxbi ca ënë menu uacëxa, —ënë ñucama inúcëbë unicama upí ꞌiti mëníotancëx cana ꞌën Papa Diosbë ꞌi cuëëntëcënti ꞌai —quixun ꞌunani. Usai bamax baísquia ꞌaish ca Nucën Papa Diosan nëtënu abë ꞌApu ꞌicën.

Hebreos 7:16

ax bamaxbi bamatëcëntimoi baísquicë ꞌicë, a sacerdote ꞌimiacëxa, Moisésnën cuënëo bana, Judanën rëbúnqui ca sacerdote ꞌiti ꞌicë quicë ꞌaímabi.

Hebreos 7:25

Ui unicaman cara a cupí abë upí ꞌiisa tanquin Nucën Papa Dios ñucatia, a ca Jesusan xënibua ꞌaínbi Nucën Papa Diosnan ꞌinun ië́mia. A unicama Nucën Papa Dios ñucáxunux ca bamatimoi tsotia.

Apocalipsis 10:6

Manámi oquin ca caxa: —Axa bamatimoi tsócë, an naí, me, parúnpapa, acama ꞌimainun anu ꞌicë ñucamaribi unio Nucën Papa Dios, an cuamainun cana cain: Ax quiasabi oi ca bërí ꞌiti ꞌicën.

Apocalipsis 15:7

Usa ꞌain ca ángelcama chiquitia axa ꞌitsa bëruñu rabë́ ꞌimainun rabë́ ñu acama achúshinën a ángelcama achúshi achúshi, xanpa curi ꞌacë ꞌinánxa. A xanpacamanu ca axa bamatimoi tsócë Nucën Papa Diosan, anun atumi nishquin an ꞌatima ñu ꞌacë unicama castícanti ñu ꞌiaxa.

Apocalipsis 2:8

Usaquin catancëxun ca ësaquinribi cuënëonun ꞌë caxa: —An axa Esmiranuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: Axa ñu ꞌaíma pan ꞌain ꞌiá ꞌaish camabi ñu cëñúcëbë usabi ꞌiti, axa bamaxbi bamatëcëntimoi baísquicë, Jesús, an ca ësaquin mi caia:

Apocalipsis 20:13

Bama unicama ꞌimainun ca parúnpapanuax bacamiquia camaxribi baísquiaxa. Baísquia ca uisoquin cara ñu ꞌatima ꞌaxa, usoquinribi Nucën Papa Diosan uisoquin cara ꞌati ꞌicë usoquin ꞌaxa. ꞌAnan ca uisoquin cara ñu upí ꞌaxa usaribi oquin a upitia bamatimoi abë tsonun ꞌimiaxa.

Apocalipsis 20:14

Usaquin ꞌá ꞌain ca bamati ꞌimainun anua uni bamacë ꞌicë ax ꞌianëmëꞌëosa manë tsi rëquirucë anu nicë ꞌiaxa. ꞌImainun ca ui unicamax cara Nucën Papa Diosan nëtënu ꞌinun aín anë cuënëoma ꞌicë, acamaxribi anuax bamatëcëncësa ꞌaish chiquítimoi ꞌinux, ꞌianëmëꞌëosa manë tsinu nicë ꞌiaxa.

Apocalipsis 3:7

Usaquin catancëxun ca ësaquinribi cuënëonun Jesusan ꞌë caxa: —An axa Filadelfianuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: A aín chaitiocë David ꞌiásaribi ꞌApu ꞌinun Nucën Papa Diosan ꞌimicë, Jesús, axa ꞌuchañuma ꞌaish aín bana asérabi ꞌice, ax ca an xëcuë bërúancë unisaribi ꞌicën. An xëcuë bërúancë ꞌixuan an xëocaia ca uinu ꞌicë unínbi xëcuë xëputima ꞌicën. ꞌImainun ca an xëpuia uinu ꞌicë unínbi xëcuë xëocatima ꞌicën. Usaribi oquin ca ui unix cara ainan ꞌiti ꞌicë, ui unin cara aín bana unicama ñuixunti ꞌicë, acama ainshi mëníoia. Usoquian an mëníocë ꞌain ca uinu ꞌicë unínbi —usama ca —catima ꞌicën. Ax usa ꞌixun ca ësaquin mi caia:

Apocalipsis 4:9

Usaquian ꞌitsa bëruñu ñu an Nucën Papa Dios, axa anu ꞌApuira tsóti, anu ꞌianan bamatimoi tsócë, a nëtë́timoquin rabianan —ca asábi ꞌicë —quixun cacëbëtan cacëbëtan,

Apocalipsis 5:14

Usaía cantaia ca ꞌitsa bëruñu rabë́ ꞌimainun rabë́ ñu, axribia bamatimoi tsócë, acaman —usai ca ꞌiti ꞌicë —quixun caxa. Cacëbë rantin purúnquin ca a caniacëcë unicamanribi axa bamatimoi tsócë a rabiaxa.

Apocalipsis 6:8

Cuaquin isquin cana bëtsi caballo, curua, chiquitia isan. Axa anu tsócë uni aín anëx ca Bamati cacë ꞌiaxa. An Bamati cacë uni a nuibiancë, a unix ca Anua Uni Bamacë ꞌIti caquin anëcë a ꞌiaxa. A uni rabë́ ca, ënë menu ꞌicë unicama ꞌaisamaira ꞌaísha nëbë́tsi, rabë́ ꞌimainun rabë́ oquin tëacësa ꞌicëbia amo ꞌicë achúshi cëñunun Nucën Papa Diosan ꞌimiaxa. Usaquin ꞌimicëxun ca a uni rabëtan ꞌacananía ꞌaisamaira uni bamanun ꞌimianan ꞌacëñuma ꞌaísha ꞌaisamaira uni bamanun ꞌimianan ꞌinsinan ꞌaisamaira uni bamanun ꞌimianan axa piánancë ñuinacan picë́xa ꞌaisamaira uni bamanun ꞌimiaxa.

Apocalipsis 9:1

Usai ꞌicëbëtan ca bëtsi ángelnënribi aín manë banañu banoxa. Banocëbëtan cana naínuaxa ꞌispa achúshi menu nipacëcë isan. Nucën Papa Diosan ꞌináncëxun ca anun quini chaira ꞌaish nëmínra xëocati ñu bixun tuíanxa.

1 Samuel 2:6

Usa ꞌain ka Diosan uni tsónun ꞌimianan bamanun ꞌimia; ꞌimianan ka anu uni mainkënu ꞌimixunbi, anuabi uni baískimi tëkënia.