Apocalipsis 1:1 - Kashibo-Kakataibo Biblia

¹ Nucën Papa Diosan ca ënë quiricanu cuënëocë ñucama Jesucristo ismiaxa, xënibuiracëma ꞌaínshi ca ësai ꞌiti ꞌicë quixuan aín unicama isminun. Nucën Papa Diosan a ismicë ñucama aín unicaman ꞌunánun ca Jesucristonën aín ángel achúshi Juan isminun xuaxa.

Nukën 'Ibu Diosan ain unikama 'inan ain bana

¹ Nucën Papa Diosan ca ënë quiricanu cuënëocë ñucama Jesucristo ismiaxa, xënibuiracëma 'aínshi ca ësai 'iti 'icë quixuan aín unicama isminun. Nucën Papa Diosan a ismicë ñucama aín unicaman 'unánun ca Jesucristonën aín ángel achúshi Juan isminun xuaxa.

Apocalipsis 1:1 Iomraidhean Croise

Daniel 9:21

Kakëbëbi ka Gabriel kakë ángel ꞌën namákësokin iskëbëa ꞌëmi mërakë ax nuánkësakuatsini anu ꞌëx ꞌikë anu uaxa. Ukë anun ka Dios ñuina xaroxunti hora ꞌiti chukúmara pishinkë ꞌain bari kuabuti ꞌiaxa.

Daniel 9:23

Minmi abë banakin kakëxumaishi ka Diosan min bana kuaxa. Usa ꞌain kana ꞌëx uisai kara ax min ñukákëx kiaxa mi kai ain, Diosan ka ꞌitsaira mi kuëënia. Usa ꞌain kamina bërí bëmë́kin uisakin namákë kara min namákësokin iskë a mi ñuixumainun kuati ꞌain:

Amós 3:7

Usa ꞌain ka uinsaranbi Nukën ꞌIbun aín bana ñuikë unikama a usakin kana ñu ꞌai kixun ꞌunánmixuma ñu ꞌaima.

Juan 12:49

ꞌËx cana ꞌënbi sinánx banaiman. ꞌËn Papa, an ꞌë xuá, an ca uisai carana banati ꞌain, uisoquin carana uni ꞌunánmiti ꞌai quixun ꞌë caxa.

Juan 15:15

Usa ꞌain cana ꞌën ñu mëëmicë uni camina ꞌai quixun mitsu caiman. An ñu mëëxuncë unin ca uisoquin ñu ꞌati cara an ñu mëëmicë unin sinania quixun ꞌunanima. ꞌËbë nuibanancë unicama camina ꞌai quixun cana mitsu cain. Usa ꞌicë cana ꞌën Papan ꞌë cacë ñucama mitsu ꞌunánmian.

Juan 3:32

An ca an iscë ñucama ñuianan, an cuacë banacamaribi ñuia, ñuiabi ca uinu ꞌicë unínbi aín bana ca asérabi ꞌicë quixun sinanima.

Juan 8:26

ꞌItsa ñu ñuiquin cana mitsu cacëma pain ꞌain, uisa ñu ꞌai caramina ꞌuchai quixunmi ꞌunánun. Caquinma cana an ꞌë xuá axa quicë banax asérabi ꞌain, an ꞌë cacëxun ꞌën cuacë, ashi ënë nëtënu ꞌicë unicama ñuixunin.

Romanos 16:25

Cananuna Nucën Papa Dios asérabi rabiti ꞌain. Mitsux ainan ꞌaish Jesucristomi catamëtia ca an mitsu upíira upiti ami sinánun mitsu cushioti ꞌicën. Usoquin ca ꞌati ꞌicë quixun ca aín unicaman mitsu ꞌunánmiaxa. ꞌËnribi cana usoquin unicama ñuixunin. Ënë mecama uniocëma pain ꞌixun ca Nucën Papa Diosan, usai ca Jesucristo ꞌiti ꞌicë quixun sináncëxa. A ñucama unin ꞌunánma ꞌaínbi ca bërí Jesucristo ucë cupí unin ꞌunánti ꞌicën.

Gálatas 1:12

A bana cana unin ñuia cuacëma ꞌain. Uinu ꞌicë unínbi ca a bana ꞌë ꞌunánmicëma ꞌicën. Jesucristonënshi ca a bana ꞌë ꞌunánmiaxa.

Efesios 3:3

A bana uisai quicë cara quixun unin ꞌunánma ꞌicëbi ca bërí unin ꞌunania. Nucën Papa Diosanbi ca ꞌëribi ꞌunánmiaxa. ꞌItsamashi pain cana an ꞌë ꞌunánmicë bana mitsu ñuixunquin cuënëon.

Tito 1:1

ꞌËx cana Pablo, an Nucën Papa Dios cuëëncësabi oquin ꞌanan Jesucristonëan a ñuiquin aín bana ñuixunun caísa ꞌain. Usa ꞌaish cana ꞌëx, uisai cara a Nucën Papa Diosan ainan ꞌinun caísa unicama Jesucristomi catamëti upí ꞌiti ꞌicë quixun ꞌunánmicë uni ꞌain.

Apocalipsis 1:19

A min iscë ñucama ꞌimainun a min isti ñucama, acama camina usai ca ꞌia quixun ñuianan usai ca ꞌicëma ꞌaíshbi ñu ꞌiti ꞌicë quixun cuënëoti ꞌain.

Apocalipsis 1:9

ꞌËx Juan ꞌaish cana mitsúxmi ꞌicësaribiti Jesúsnan ꞌaish mitsun xucë́nsa ꞌain. Mitsúxmi ꞌicësaribiti cana Jesucristonan cupí, unin ꞌatimocë ꞌaíshbi asérabi Nucën Papa Diosan uni ꞌain. Mitsu ꞌacësaribi oquian an cushiocëxun cana uisa ñu cara ꞌicëbëbi bënë́quin ami catamëti ëniman. Usa ꞌixun Nucën Papa Diosan bana ñuixuanan, Jesús ñui quicë banaribi uni ñuixuncë cupí cana Patmos cacë nasínu sipuacësa ꞌinun unin ëncë ꞌain.

Apocalipsis 17:1

Usai ꞌicëbëtan ca xanpañu mëcën achúshi ꞌimainun rabë́ ángelcama, a achúshinëx ꞌënu uquin, xanu ñuicësoquinbi Babilonia ñuiquin ësaquin ꞌë caxa: —ꞌAisama ꞌaish ca Babilonia ëmanu ꞌicë unicamax ënë xanusa ꞌicën. Ca ut. Mi cana xanu ꞌatima, axa parúnpapa camánan tsócë, a cara aín ꞌucha cupí uisoquin Nucën Papa Diosan castícanti ꞌicë quixun mi ismiti ꞌain.

Apocalipsis 19:10

Quicëbë cana a rabinux a ángel tanáin rantin purúan. Usai ꞌiabi ca ꞌë caxa: —Usai ꞌiáxma ca ꞌit. Uicaman cara Nucën Papa Dios quicë bana unicama ñuixunia an ca Jesús ñuiquin an ꞌunánmicë banacama uni ñuixunia. Mibëtan ax Jesús quicë banacama quicësabi oi ꞌicë unicaman ꞌacësaribi oquin cana ꞌënribi ax quicësaribi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.

Apocalipsis 19:9

Usai quicëbëtan ca ángelnën ꞌë caxa: —Ësaquinribi ca cuënëot: “Uicamax cara Carnero ꞌicësaribitia unin ꞌucha cupí bama, anúan aín unicama abë ꞌiti nëtë́an abë ꞌinun camicë ꞌicë, acamax ca cuëëinra cuëënti ꞌicën, unían xanu biquin abëtan pi unun camicë unicamax cuëëncësamaira oi”. Ësaquinribi ca ꞌë caxa: —Ënë bana a ꞌën mi cacë ax ca Nucën Papa Diosaxa quicë ꞌicën. Ca asérabi ꞌicën.

Apocalipsis 21:2

Isanan cana Jerusalén ëma ió, upíira upí, Nucën Papa Diosan nëtënuaxa ubutia isan. ꞌËn iscëx ca upíira upí ꞌiaxa, xanúxa bërí bënunux upiti mëníocacësaribi.

Apocalipsis 21:9

Usai quicëbëtan ca mëcën achúshi ꞌimainun rabë́ ángelcama anun ënë menu ꞌicë unicama ashiquin tëmëramiti ñua aín xanpanu ꞌicë, acama achúshinën ësaquin ꞌë caxa: —Ca ut. Carnero ꞌicësaribitia unin ꞌucha cupí bama, an abëa ꞌinun binuxun cacë aín unicama a cana mi ismiti ꞌain.

Apocalipsis 22:1

Usaquin ꞌë ismitancëxun ca angelnën anua Nucën Papa Dios ꞌimainun Carnero ꞌicësaribitia unin ꞌucha cupí bama, ax ꞌicë, anuaxa baca aín ꞌunpax bëxnan bëxnánquicë chiquitia ꞌë ismiaxa.

Apocalipsis 22:16

ꞌËx cana Jesús ꞌain. Usa ꞌixun cana axa ꞌëmi catamëcë unicaman ënë ñucama ꞌunánun ꞌën ángel mia canun xuan. ꞌËx cana David, axa judíos unibunën ꞌapu ꞌiá, aín rëbúnqui ꞌain. Usa ꞌaíshbi cana ꞌëx David ꞌicëma pan ꞌain ꞌiacën. Pëcaratia xaba ꞌinúan ꞌispon urucë usaribi cana ꞌëx ꞌiti ꞌain.

Apocalipsis 22:6

Ismitancëxun ca a ángelnën ꞌë caxa: —ꞌËn mi cacësabi oi ca asérabi ꞌiti ꞌicën. Nucën ꞌIbu Dios, an ax quicë bana uni ñuixuncë unicama sinánmicë, an ca uisai cara xënibucëma ꞌaínshi ñu ꞌiti ꞌicë quixuan, aín unicaman ꞌunánun, aín ángel xuaxa.

Apocalipsis 22:8

ꞌËx Juan ꞌixun cana ꞌën ënë ñucama cuanan isan. Usoquin ënë ñucama cuanan isi cana ángel, an ꞌë ismicë, a rabinux a tanáin rantin purúan.

Apocalipsis 22:9

ꞌËn a rabicascëxunbi ca ꞌë caxa: —Usai ꞌiaxma ca ꞌit. Mibëtan, an min ꞌacësaribi oquin an Nucën Papa Diosan bana uni ñuixuncë unicama ꞌimainun an ënë quiricanu cuënëocë banacama upí oquin sinánquin cuacë unicaman ꞌacësaribi oquin cana ꞌënribi ax quicësabi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.

Apocalipsis 4:1

A ñucama pain cuatancëxun cana xëcuë xëocacësa ꞌinuan naí panárabëcë isan. Isquin cana anun paían ꞌë cacë bana axa manë banañu banocë́xa banacësari banaia cuatëcëan, ësai qui: —Ënu ca ꞌirui ut, mixmi aia cana uisa ñucama cara ꞌiti ꞌicë quixun mi ismiti ꞌain.

Apocalipsis 5:7

Anu cuanquin ca Carnero ꞌicësaribitia unin ꞌucha cupí bama, an axa tsócë Nucën Papa Dios aín mëcën mëqueua ꞌicë quirica a biaxa.