3 Juan 1:9 - Kashibo-Kakataibo Biblia

⁹ Axa Jesucristomi catamëcë unicama cana atúan timë́xun cuanun quixun quirica buánmia. Buámicëbi ca Diótrefes axëshi a unicaman cushi ꞌiti cuëënquin, nun bana cuaisama tanxa.

Nukën 'Ibu Diosan ain unikama 'inan ain bana

⁹ Axa Jesucristomi catamëcë unicama cana atúan timë́xun cuanun quixun quirica buánmia. Buámicëbi ca Diótrefes axëshi a unicaman cushi 'iti cuëënquin, nun bana cuaisama tanxa.

3 Juan 1:9 Iomraidhean Croise

Marcos 9:34

Cacëxunbi ca bain cuani —uinu ꞌicë nucama achúshinëxira cara nubë sënë́nma ꞌicë —quiax atúxbi ñucacanánpuni rabínquin cáma ꞌicën.

Marcos 9:37

Uicaman cara ꞌëmi sinánquin ënë tuásaribi ꞌicëa —ñuumara ca —quixun unin sináncë uni a ꞌaquinsa ꞌicë nuibaquin ꞌaquinia, an ca ꞌëribi ꞌaquinia. Usaquin ꞌaquinquin ca ꞌëishima, an ꞌë xuá, aribi ꞌaquinia.

Lucas 9:48

Nitsínxun ca aín ꞌunánmicë unicama cacëxa: —Uicaman cara ꞌëmi sinánquin ënë tuásaribi ꞌicëa, ñuumara ca, quixun unin sináncë uni a ꞌaquinsa ꞌicë nuibaquin ꞌaquinia, an ca ꞌëribi ꞌaquinia. Usaquin ꞌaquin ca ꞌëishima, ꞌën Papa Dios, an ënu unun ꞌë xua, aribi ꞌaquinia. An cha ꞌiti sinánquinma uni itsi ꞌaquincë uni a ca Nucën Papa Diosan bëtsi unibëtan sënë́nmaira isia.

Romanos 12:10

Camina bëtsibë bëtsibë ꞌaquianani nuibananti ꞌain, mitsun xucë́nbë ꞌicësaribiti. Asamaira ꞌiisa tanquin ꞌatimoquinma camina bëtsi uni isquin upí oquin ꞌaquinti ꞌain.

Colosenses 1:18

Cristo axira ca axa ami catamëcë unicaman cushi ꞌaish amiira aín unicama catamëcë ꞌicën. Ësa ca Cristobë aín unicama ꞌicën. Mëcë́nñu, taëñu, xoñu, nuituñuribi ꞌaíshbi ca uni achúshi ꞌicën. Usaribiti cananuna Jesucristonan ꞌaish ꞌaisamaira ꞌaíshbi abë achúshisa ꞌain. Aín unicamaxa usaribiti ꞌiti oi axira pain bamatancëx baísquia ꞌaish ca an unio ñucamabë sënë́nmaira ꞌicën.

2 Juan 1:9

Ui unin cara Cristonën bana quicësabi oquin ꞌaquinma ax cuëëncësa oquinshi ꞌaia abëma ca Nucën Papa Dios ꞌicën. Usa ꞌaínbi ca axa Cristonën bana quicësabi oi ꞌicë uni abë cuni Nucën Papa Dios ꞌimainun aín Bëchicë Jesucristo ꞌicën.

3 Juan 1:8

Usa ꞌain cananuna nunbi atu ꞌaquinti ꞌain, Nucën Papa Diosan bana upí oquin ñuia ninun.