3 Juan 1:11 - Kashibo-Kakataibo Biblia

¹¹ ꞌËn nuibacë xucë́n, an ñu ꞌatima ꞌacë unían ꞌacësa oquin ꞌaquinma camina an ñu upí ꞌacë unían ꞌacësa oquinshi ñu ꞌati ꞌain. An ñu upí ꞌacë uni ax ca Nucën Papa Diosnan ꞌicën. Usa ꞌaínbi ca an ñu ꞌatima ꞌacë uni an ainanma ꞌixun Nucën Papa Dios ꞌunáncëma ꞌicën.

Nukën 'Ibu Diosan ain unikama 'inan ain bana

¹¹ 'Ën nuibacë xucë́n, an ñu 'atima 'acë unían 'acësa oquin 'aquinma camina an ñu upí 'acë unían 'acësa oquinshi ñu 'ati 'ain. An ñu upí 'acë uni ax ca Nucën Papa Diosnan 'icën. Usa 'aínbi ca an ñu 'atima 'acë uni an ainanma 'ixun Nucën Papa Dios 'unáncëma 'icën.

3 Juan 1:11 Iomraidhean Croise

Salmos 34:14

Ñu ꞌatima ꞌati a ënkin kamina ñu upí ꞌati ꞌain; usakin ꞌakin kamina ami ꞌakë ñu a ënkinma abi ꞌati ꞌain.

Salmos 37:27

Ñu ꞌatima ꞌakë ënkin kamina ñu upíshi ꞌati ꞌain, usakin ꞌai kamina anu xënibua ꞌaínbi tsóti nëtënu ꞌiti ꞌain.

Juan 10:27

Carneronëan an bërúancë unin bana cuacësaribi oquin ca axa ꞌëmi catamëcë unin ꞌën bana cuatia. Cuatia cana acama ꞌën ꞌunanin. Usa ꞌixun ca ꞌën bana cuaquin a bana quicësabi oquin ꞌaia.

Juan 12:26

Axa ꞌënan ꞌiisa tancë unin ca ꞌëx cuëëncësabi oquin ꞌati ꞌicën. Usoquin ꞌai ca uinu carana ꞌëx ꞌain, anuribi ax ꞌiti ꞌicën. An ꞌëx cuëëncësabi oquin ꞌacë unicama a ca ꞌën Papan nuibaquin ꞌaquinia.

Juan 3:20

An ñu ꞌatima ꞌacë unicaman ca an ꞌaia unin isti rabanan xabánuxun ꞌati cuëënquinma bëánquibucënuxun ñu ꞌaia.

1 Corintios 11:1

ꞌËx Cristo ꞌiásaribiti ꞌicësaribiti camina mitsúxribi ꞌiti ꞌain.

1 Corintios 4:16

ꞌËn pain Jesucristonën bana mitsu ñuixuncë ꞌaish camina ꞌëx ꞌicësaribiti ꞌiti ꞌain.

Efesios 5:1

Mitsux aín bëchicë ꞌicë an nuibacë ꞌaish camina usai ꞌiti sinani Nucën Papa Dios ꞌicësaribiti ꞌiti ꞌain.

Filipenses 3:17

ꞌËn xucë́antu, mitsun camina ꞌëx usai ꞌiia ꞌunanin. Usa ꞌain camina ꞌëx ꞌicësaribiti ꞌiti ꞌain. ꞌIanan camina mitsúxribimi usai ꞌinun nux ꞌiia an iscë unicamaxa ꞌicësaribiti ꞌiti ꞌain.

1 Tesalonicenses 1:6

Nux ꞌicësaribiti ꞌianan Nucën ꞌIbu Jesús ꞌiásaribiti tëmëraibi camina mitsux Jesucristo ñuicë bana cuati ainan ꞌaish Nucën Papa Diosan Bëru Ñunshin Upitan ꞌimicëx cuëëinra cuëëan.

1 Tesalonicenses 2:14

Nucën xucë́antu, mitsux camina Judea menuaxa Jesucristomi catamëti Nucën Papa Diosan unicamax ꞌicësaribi ꞌain. Acama ca aín aintsi ꞌixunbi judíos unicaman bëtsi bëtsi ocëxa. Usaribi oquin ca mitsuribi mitsun aintsinbi bëtsi bëtsi oxa.

2 Timoteo 3:10

Min camina ꞌën bana ñuia upí oquin cuanan uisai carana ꞌëx ꞌi abi ꞌunánan añu carana ꞌaisa tani quixun ꞌunan. ꞌUnánan camina ꞌunan, ꞌën cana Nucën Papa Diosmi catamëquin, aín bana cuaisama taniabi ami nishquinma uni upí oxuinshi bana ñuixuan quixun. Camina ꞌunan, tëmëraquinbi ënquinma cana atu nuibaquin Nucën Papa Diosan banaishi sinánquin unicama ñuixuan.

Hebreos 6:12

Mitsúxmi chiquish ꞌiti cananuna cuëëniman. Cananuna cuëënin, Nucën Papa Diosan aín quicësabi oquin ꞌaquincë́xa aín uni raírinëx a ëníma ami catamëti upiti ꞌia isími usaribiti ꞌiti.

1 Pedro 3:11

Ñu ꞌaisama ꞌati ënquin ca ñu upíshi ꞌati ꞌicën. Nishananíma ca unibë upíshi ꞌiti ꞌicën.

1 Pedro 3:13

Mitsúnmi upí ñu ꞌaia isía mitsu ñui uni mimi manáncëxbi ca cëmëi quicë ꞌiti ꞌicën.

1 Juan 2:29

Mitsun camina, Jesucristo ax ca asérabi upí ꞌicë quixun ꞌunanin. Usa ꞌixun camina ësaquinribi ꞌunánti ꞌain, an upí ñu ꞌacë unicamax ca Nucën Papa Diosan bëchicë ꞌicë quixun.

1 Juan 3:10

Ënëx ca ësa ꞌicën. Ui unin cara ñu upí ꞌaima ax ca Nucën Papa Diosnanma ꞌicën, ui unin cara uni itsiribi nuibatima axribi ca Nucën Papa Diosnanma ꞌicën. Usa ꞌain cananuna uinu ꞌicë unix cara Nucën Papa Diosan bëchicë ꞌicë quixun ꞌunánan uinu ꞌicë unix cara ñunshin ꞌatimanën ꞌapunan ꞌicë quixun ꞌunánti ꞌain.

1 Juan 4:1

ꞌËn nuibacë xucë́antu, ënë nëtënuxun ca ꞌitsa unin —Nucën Papa Diosan sinánmicëxun cana uni bana ñuixuni —quiquinbi an sinánmicëxunmabi anbia sináncë bana uni ñuixunia. Usa ꞌain camina —Nucën Papa Diosan ca ꞌë sinánmia —quiquian unin ñuicë bana acamaira cuatima ꞌain. Upí oquin pain camina asérabi cara Nucën Papa Diosan sinánmicëxun uni ñuixunia quixun cuati ꞌain.