1 Samuel 8:3 - Kashibo-Kakataibo Biblia

³ Usa ꞌaínbi ka aín bakë bëchikëkaman aín papa ꞌakësokin ñu ꞌaíma, ꞌitsaira ñuñu ꞌiti kuëënkin, unikama bëtsibë ꞌatima onankë a mëníoxunkinma a kupíonun kixun ꞌamikin upíokin ñu ꞌama ꞌikën.

1 Samuel 8:3 Iomraidhean Croise

2 Samuel 15:4

Ësokin kakin ka kakëxa: ꞌËx ënë menu ꞌapu ꞌixun kana, axa ꞌë isi ukë unikama atun ñu ꞌakë istankëxun ꞌën upíokin mëníoxuntsian kixun kakëxa.

Salmos 15:5

ꞌianan aín kuríki bëtsi uni ꞌinánkin na ꞌinánkë a inumikian ꞌinánun kixun ubíokëma; ꞌimainun bëtsi uni ñu ꞌatima ꞌakëmabi bëtsi ꞌatima onun kixun kupíokëxunbi, usokin ñu ꞌati kuëënkinma ꞌakëma. Uni ax ka uisa ñubi ꞌinutima upitax tsóti ꞌikën.

Isaías 1:23

Mitsun ꞌapukamax ka bana kuakëma ꞌianan, an unin ñu bainu bëaraxun mëkamakë unikamabë ꞌunánankë ꞌikën. Usa ꞌixun ka akaman kuríkinën kupíokëxun an ñu ꞌupima ꞌakëma unibi ꞌatima ñu isa ꞌaxa kixun kanan ñu ꞌinainshiti akamaribi baria. ꞌIanan ka papañuma ꞌimainun titañuma tuákamaribi uisakin kara ꞌakinti ꞌikë usakin ꞌakinima ꞌianan, xanu kasunamëkë akamaribi tëmërai tsótiabi ꞌakinima.

Isaías 33:15

An upí ñuishi ꞌai asérabi këmëima banakë uni ꞌianan, an bëtsi uni aín ñu kuëëniamabi bikuantankëx anun ñuñukëma ꞌianan, bëtsi ꞌatima oxunun kixun bëtsin ꞌinainshikë kuríki bikëma a ꞌianan, an bëtsi uni usakin kananuna uni rëtëti ꞌai kixun kakëxunbi kuëënxunkëma ꞌianan, an uisaxunbi usakin kana ñu ꞌatima ꞌati ꞌai kixun sinánkëma uni,

Miqueas 3:11

Axa Jerusalén ëmanu ꞌikë an bana mëníokë unikama an ka uin kara kupíoia a ëanan an kupíokë a ꞌatima oti sinania, ꞌimainun ka sacerdotekaman kupíokëxunshi uni ꞌunánmiti kuëënia, ꞌianan ka an Dios kikë bana ñuikë unikamanribi kuríki kupíshi abi sinántankëx ësai kia: Nukën ꞌIbu ka nubë ꞌikën usa ꞌixun ka ñu ꞌatima inútima rabanan Nukën ꞌIbun nu bërúaia.

1 Timoteo 3:3

Paë́ncëma ꞌianan ca unibë mëëananti sinánñuma ꞌiti ꞌicën. Usa ꞌaish ca bënëtima cuëmëninishi unibë bananan curíquiñu ꞌiisa tani bënë́tima ꞌicën.

1 Timoteo 6:10

Axa ñuñu ꞌianan ꞌaisamaira curíquiñu ꞌiti cuëëncë uni an ca masáquin sinan sinánquin, uisa ñu cara upíma ꞌicë abi ꞌaisama sinánñu ꞌixun ꞌaia. Usa ꞌain ca raíri unin Jesucristomi sináncë ꞌixunbi ꞌaisamaira ñu biti cuëënquin, Jesucristo manubianxun ñu ꞌaisama ꞌaia. Usa ꞌaish ca masá nuituti nitsia.

1 Samuel 12:2

Ënu ka ꞌapu an mitsu bërí ꞌakinti anëkë a ꞌikën. Bëná ꞌaíshbi mitsun ꞌapu ꞌia ꞌixun kana bërí nëtënbi mitsu ꞌakinin. Usa ꞌain kana bërí kaniakëkë ꞌaish ꞌitsaira ꞌën bu uxua ꞌirua, ꞌimainun kamina ꞌën bakë bëchikëkamaribi mitsubë tsotia uisa uni kara kixun ꞌunánkan,

1 Samuel 2:35

Usai ꞌikëbëtan kana ꞌënbi achúshi sacerdote min aintsima bëtsi uni ꞌën kakësabiokin ꞌaisa uni bariti ꞌain, an ka ꞌën kakësabiokin ꞌati ꞌikën, ꞌianan kana a asaribi okin aín rëbúnkikamanribi ax kikësa okían ꞌën ꞌimia ꞌapu ñu mëëxunun ꞌimiti ꞌain.