1 Samuel 7:3 - Kashibo-Kakataibo Biblia

³ Usa ꞌain ka Samuelnën kamabi israel unikama kakëxa: “Mitsun asérabi mitsun nuitubëtanbi sinánkin a rabikin kamina bëtsi menu tsókë unikaman rabikë diosmi rabikankë a ënkin mitsun ꞌarakakë Astarté tankin ꞌakë a bixun nikanti ꞌain, usakin ꞌatankëxun kamina Nukën ꞌIbu rabikin ax kuëënkësabi okin ꞌakánti ꞌain. Usakin ꞌakëxun ka mitsu filisteo unikama ꞌatima oia chikínti ꞌikën.”

1 Samuel 7:3 Iomraidhean Croise

Génesis 35:2

Ësakian kakëxun ka Jacobnën aín aintsikama kanan an ñu mëëxunkë unikama ꞌimainun an ñu ꞌaxunkë xanukamaribi kakëxa: —Kamina mitsun bëtsi dioskama ami rabikëkama a ꞌë bëxunkanti ꞌain, bëanan kamina nashitankëxun mitsun chupa upíbu pañuti ꞌain.

1 Reyes 11:33

Salomónnën ka ꞌën kakësabiokin ꞌë rabikinma bëtsi dios rabikin, Astarté diosa kakë sidonio; Quemós moabita unikaman dios; a ꞌimainun Milcom amonita unikaman dios akama rabiaxa. Usakin ꞌakin ka ꞌën ismainunbi ñu ꞌatima ꞌaxa, usakin ꞌakin ka ain papa Davidtan ꞌásabiokin ꞌën banakama kikësabiokin ꞌakëma ꞌikën.

1 Reyes 8:48

asérabi amiribishi atun Dios ꞌikë mi kuëënkin këmëkinma mimi sinanakian, anua ami nishkë unikaman ñatanbiankin atu buánkë me anuxun mi ñukákin, nun chaitiokë kamami ꞌinan me ënëmi sinánkin ꞌanan minbimi atu ꞌinan ëma ënë ꞌimainun anuxun mi rabiti xubu ꞌamikë ënëmi okin iskin ñukákëxun kamina,

2 Reyes 23:15

Usokin ꞌanan ka anuxua Diosan bana kuakëma unikaman ñuina xaroti Betel kakë ëmanua Jeroboam Nabatnën bakë bëchikë an Israel unikama ꞌuchamikin ꞌamia, akama Josíasnën masókin tukapakëx kupúkë bërutanun ꞌamiakëxa, ꞌatankëxun ka tsinbi Aserá tankin ꞌakë aribi xarokëxa.

Isaías 55:7

Uni ꞌatimakama an ñu ꞌatima ꞌati sinánkin ꞌakë an ka ñu ꞌatima ꞌakë a ënti ꞌikën, ꞌimainun ka uni bana kuakëmakama atúnribi ꞌatimakian sinánkë akama ënti ꞌikën; ëni ami katamëtia ka Nukën ꞌIbun mitsu nuibati ꞌikën, ꞌimainun kamina Diosan nuibanankëira ꞌixun an mitsun ñu ꞌatima ꞌakëkama mëníoxunun ami sinánkin rabikanti ꞌain.’

Jeremías 36:3

A banakama kuakin sapi ka Judánu ꞌikë unikaman ꞌën atunu ñu ꞌaisama ꞌimiti sinánkë a ꞌunánkin, atuan ñu ꞌatima ꞌati sinánkë a ënti ꞌikën, usakin a banakama kuakin ënia kana atun ñu ꞌatima ꞌai ꞌuchakëkama a mëníoxunti ꞌain.” Kiax ka kiakëxa.

Ezequiel 18:31

Usa ꞌain kamina kamabi ñu ꞌatima ꞌën kuëënkëma mi ꞌakë a ënkanti ꞌain, usakin ëni kamina upíokin sinani kuëëni tsókanti ꞌain. ¿Uisa kupín kara Israel unikama bamati ꞌikën,

Oseas 14:1

Israel unikama Nukën ꞌIbu Diosmi kamina sinanatëkënti ꞌain, mitsúxmi ꞌuchakë a kupí kamina ꞌaisama kan.

Mateo 15:8

Ënë unicaman ca aín cuëbitanshi ꞌë rabia, ꞌixunbi ca aín nuitu mëu ꞌë sinanima.

Mateo 4:10

Usaquian cacëxun ca Jesusan cacëxa: —Ñunshin ꞌatimanën ꞌapu, ënuax ca cuantan. Nucën Papa Diosan bana cuënëo ca ësai quia: “Min ꞌIbu Diosëshi camina rabiti ꞌain. Rabiquin camina ashi ax cuëëncësabi oquin ñu ꞌaxunti ꞌain”.

Mateo 6:24

Ësa ca: Achúshi unin ca rabë́ uni ñu mëëxuntima ꞌicën. Rabë́ uni ñu mëëxuncë ꞌixun ca bëtsishi nuibaquin upí oquin ñu ꞌaxuanan bëtsi nuibatima ꞌicën. Usa ꞌixun achúshinën bana cuaquin bëtsían cacëxun aín bana parë́ti ꞌicën. Usaribiti ca uni curíqui ꞌimainun bëtsi bëtsi ñumishi sináncë ꞌaish Nucën Papa Diosmi upiti sinanima.

Lucas 4:8

Usaquian cacëxun ca Jesusan cacëxa: —Ñunshin ꞌatimanën ꞌapu, ënuax ca cuantan. Nucën Papa Diosan bana cuënëo ca ësai quia: “Min ꞌIbu Diosëshi camina rabiti ꞌain. Rabiquin camina ashi ax cuëëncësabi oquin ñu ꞌaxunti ꞌain”.

Juan 4:24

Nucën Papa Dios, ax ca unima ꞌaish nami, imi, xo, acamañuma ꞌicën, a ca unin isima. Usa ꞌain ca an Nucën Papa Dios rabicë unin asérabi ami sinani ax cuëëncësabi oi ꞌiti cuëënquin a rabiti ꞌicën.

Deuteronomio 10:20

Usa ꞌain kamina Nukën ꞌIbu Dios ashi rabianan ënkinma ax kuëënkësabi okinshi ꞌakánti ꞌain, ꞌimainun kamina sinántëkëntima asérabi aín anën ishi kana ñu ꞌati ꞌai kiti ꞌain.

Deuteronomio 13:4

Usa ꞌain kamina Nukën ꞌIbu Dios ashi an kakësabiokin ꞌakin; ax kikësaibi oi ꞌikin a bana kuakin ashi rabikanti ꞌain.

Deuteronomio 4:29

ꞌAínbi kamina anua usa ñukama ꞌaínbi anuxun Dios kuëënkësabi oi ami katamëkin min nuitunënbi sinánkin ax kuënkësabi okinshi ꞌaia, ka mitsu ꞌakinti ꞌikën.

Deuteronomio 6:13

Usa ꞌain kamina Nukën ꞌIbu ashi rabianan ax kuëënkësa okinshi ñu ꞌaxúnti ꞌain, ꞌimainun kamina sinanatëkënkinma asérabi aín anëinshi ñu ꞌati ꞌain.

Josué 24:14

—Ësokian kamabi ñu an a kupín kamina mitsun Nukën ꞌIbu asérabira ami sinánkin rabiti ꞌain. Rabikin kamina mitsun chaitiokëkaman Éufrates kakë baka kuëbí tsókin rabianan Egipto menuxun rabia dios a ënkin Nukën ꞌIbuira ashi rabiti ꞌain.

Josué 24:23

Kiabi ka Josuénën kakëxa: —Asabi ka, usa ꞌain kamina mitsun dios isa kixun, ꞌarakakë ñukama bitankëxun puti ꞌain, putankëxun kamina Israelkama mitsun nuitunënbi Dios amishi sinánkin rabiti ꞌain.

Jueces 2:11

Usa ꞌaish ka Israel unibunën ꞌakë ñukama Nukën ꞌIbun iskëx Baal rabikin atun pëukin bëtsi bëtsi ñukamaribi rabikë ka ax ꞌaisama ꞌiakëxa.

Jueces 2:13

Nukën ꞌIbu rabiti a ënkin ka Baal kakë dios akëñun bëtsi ñukama Astarté kakë dios an isa ꞌakinia kixun sinánkin aribi rabikin pëuxun bëtsi ñukamaribi rabiakëxa,

1 Samuel 31:10

Usokin ꞌanan ka raíri filisteo suntárukaman anúan ꞌakanankë aín manë xëtokë ꞌimainun aín manë pará okían ꞌakë aribi, anuxun atun dios Astarté rabikë xubu anu nankëxa, nanan ka Saúl ain bakë bëchikëkama ñukë akëñunbi anun Bet-sán kakë ëma bëararakin kënëkë anu bëntankankëxa.