1 Samuel 4:4 - Kashibo-Kakataibo Biblia

⁴ Usai kitankëxun ka Israel ꞌapukaman an biti suntáru raíri Siló kakë ëmanu xuakëxa, xukëx kuanxun ka bunántisa okin ꞌakë kurin ratakakakë anua Dios kamabi kushiñu Querubin samaira ainan a bëakëxa. Bëkëbë ka Elínën bëchikë Hofní ꞌimainun Finees a rabëtaxribi atubë uakëxa, ukin ka anua Diosan bana kuënëokë ꞌarukë bunántisa okin ꞌakë a bëakëxa.

1 Samuel 4:4 Iomraidhean Croise

2 Samuel 15:24

Atubë ka achúshi uni Sadoc kakë ꞌimainun kamabi levita kuankin atun bunántisa okin ꞌakë anua Diosan mëníokë ñu ꞌakë buánkëxa, uanxun ka Abiatar kakë anu kamabi unia ëmanuax chikitamainun an bërúanun anu ëankëxa.

2 Samuel 6:2

Usokin ꞌabiani ka Baalá ꞌikëbia Quirat-jearim kakinribi anëkë axa Judá menu ꞌikë anuax aín treinta mil suntárukama buani, uisoxun karaisa bunántisa okin ꞌakë anua Diosan bana kuënëokë nankë a buánti ꞌikë kixun tani kuankëxa, ax ka Israel kaman Dios kamabi kushiñuira ꞌianan aín ángel pëchiñukama usamaira ainan ꞌiakëxa.

2 Reyes 19:15

nantakëxun ka Dios abë banakin ësakin kakëxa: Israel unibunën Dios mix kamina min ángelkama a manami ꞌain, usa ꞌaishi kamina mix kamabi menu ꞌikë ꞌapukaman Dios ꞌain, min kamina naíkamë ꞌëokëñun me uniokën.

Salmos 80:1

An Israel unikama bërúankë; an ka Israelnën rëbúnkikama achúshi ñuina aín ꞌibun bërúankësa okin bërúanti ꞌikën, mix anu ꞌikë anu ka querubinkama ax ꞌikën, ¡usa ꞌain kamina bërí nukaman ñukákëxun kuati ꞌain!

Salmos 80:2

Mix kushi ꞌixun kamina. Efraín Benjamín ꞌimainun Manasés aín rëbúnkikama ꞌakinti ꞌain, ¡usa ꞌain kamina min kushin ismikin nukama ië́miti ꞌain!

Malaquías 1:9

Mitsun kamina Dios nukama nuibanun kixun abë banakin kati ꞌain. ꞌAínbi kamina usakin a ꞌinánti ñu a ꞌinánkin Diosan ka a ñukama upíokin bitsia kixun mitsun sinánkantima ꞌain. Dios kamabi kushiñu ax ka ësai kia:

1 Samuel 1:24

ꞌIkinkëxua ꞌain xuma ꞌakë ënia ka chukúmara ꞌikëishi anbi anuxun Nukën ꞌIbu rabiti xubu Silónu ꞌikë anu buánkëxa. Buánkin ka vaca bakë rabë́ ꞌimainun achúshi këñun veintidos litro trigo bimi ꞌimainun achúshi ñuina xakánu ꞌarukë uvas bakaribi buánkëxa.

1 Samuel 14:3

Siló kakë menu ꞌikë sacerdote Ahías ax ka anbia usakin ꞌakë ꞌixun lino ꞌakë chupa efod kakë a uankë ꞌiakëxa. Ax ka Ahitud aín bakë bëchikë Icabodnën piaka ꞌiakëxa, ꞌimainun ka Fineesnën bakë bëchikë Elí, Nukën ꞌIbun sacerdote Silónu ꞌikë aín baba ꞌiakëxa. Usa ꞌaínbi ka aín unibë ka Jonatán kuanxa kixun unin ꞌunánma ꞌikën.

1 Samuel 2:22

ꞌImainun ka Elí ax kaniakëkë uni ꞌixunbi, aín bakë bëchikëkaman Israelkamabëtan ꞌatima ñu ꞌaia ꞌunánkëxa, ꞌunánkin ka anuax Diosbë mërananti ꞌakë xubu chukúma aín xëkuënua an bërúankë xanukamabë ꞌuxkë aribi ꞌunánkëxa.