1 Samuel 4:3 - Kashibo-Kakataibo Biblia

³ Usakia ꞌakëx ka anuaxa ꞌakanankë anuax Israel suntáru raírinëx rikiankëxa, rikiankëbë ka atun ꞌapukamax kiakëxa: “¿Uisa kupí kara Nukën ꞌIbu bërí filisteo suntárukaman usakin nu ꞌanun ꞌamiax? Anu kuanxun kamina Siló kakë ëmanu nankë bunántisa okin ꞌakë kurin ratakakakë anua Nukën ꞌIbu Diosan bana kuënëokë ꞌarukë a bitsi kuanti ꞌain, axa nu nëbëtsi aín ka Diosan ax numi nishkë unikamanua nu ië́miti ꞌikën.”

1 Samuel 4:3 Iomraidhean Croise

2 Samuel 15:25

Usa ꞌain ka kamabi uni ëmanuax chikíkëbëtan ꞌapu Sadoc kakëxa: —Amiribishi kamina bunántisa okin ꞌakë anua Diosan mëníokë ñu ꞌarukë a buántëkënti ꞌain, Diosan ꞌëx anu kuantëkënti kuëënkëbë Jerusalénnu kuankin kana anua nantinua nankë isti ꞌain.

Isaías 50:1

Ësai ka Nukën ꞌIbu kia: “¡ꞌËn kana Israel unikama mitsun tita ꞌikëbi rakankë kixun kamina sinánkantima ꞌain, achúshi unin aín xanu ënkin rakankë usaribi okin, usokin ꞌanan karana mitsu ñu mëmikë uni ꞌakësokin ama ꞌain bëtsi uni ribinxun akësokin ꞌama ꞌain! Mitsux kamina mitsun ꞌuchakë kupín marukë ꞌiakën; Israel unikama mitsun titax ka timakin rakankësa ꞌiakëxa, mitsun kakëxunbi ꞌën bana kuaisama tankë kupín.

Isaías 58:3

usai ꞌibi ka kikania. ¿Uisa kupín karanuna Diosan iskëbëtanmabi pikëmëti ꞌain? ¿Uisa kupín karanuna Diosan ka usai ꞌi tëmëraia kixun ꞌunánkëbëmabi usai ꞌiti ꞌain? Anunmi pikëmëti nëtën kamina mitsun ñukama marutishi ꞌanan, a mitsun ñu mëmikë unikamaribi ꞌatima okanin;

Jeremías 7:4

Usa ꞌain kamina axa këmëi mitsu paráni banai ësai kikë a unikama ami rarámatima ꞌain. Atun ka ësai kikin mitsu kati ꞌikën: ¡Ënu ka anuxun Dios rabiti xubu ꞌikën!

Números 10:33

Usa ꞌain ka Nukën ꞌIbun bashi Sinaí kakë anuax kuani rabë́ ꞌimainun achúshi nëtë ꞌikiani kuankëxa. Kuankian levita uni raírinën Nukën ꞌIbu Diosan bunántisa kurin ratakakakë anua aín ñukama purukë a rëkuë́mibiani kuani uinu kara tantiti ꞌikë kixun baribiamainun ka ꞌaisamaira uni atu kaxú kuankëxa.

Números 10:35

Kuankian bunántisa kurin ratakakakin ꞌakë a rëkuë́mibiankin buánkëbë ka Moisés ësai kiakëxa: ꞌËn ꞌIbu numi ꞌakinti kananuna kuëënin. ¡Ax mimi nishkë unikama abístanun ꞌimiti kana kuëënin! ¡ꞌËx kana mi isi ꞌikësa ꞌinua ax numi ꞌikë unikama abísti kuëënin!

Deuteronomio 31:26

ꞌËn kuënëokë a tanti bana ënë kamina mitsu ꞌinámainun bunántisa okin ꞌakë kurin ratakakakë rapasu anua Diosan achúshi ñu ꞌakë kikë anu nankanti ꞌain, anu nankë ax ka mitsun usai kananuna ꞌiakën kixun anua ꞌunánti ꞌiti ꞌikën.

2 Timoteo 3:5

—Uni raírinëxa ꞌicësaribiti cana ꞌëx Nucën Papa Diosmi sinani nitsi —quiquinbi ca an sinánmicëxunma aín bana quicësabi oquin ꞌatima ꞌicën. Usaía ax ꞌicë unicamami ꞌunani camina bërúancati ꞌain.

Hebreos 9:4

Tabernáculo nëbë́tsi rabë́ oquin bëpáncë chupa rapasu ca anuxun tsëpasa ñu sanutanun xaroti nancë ꞌiacëxa, a Cata Upíira cacë, a rapasu. A Cata Upíira cacë, anu ca bunánti, curin ratacacacë ꞌaish anúnribi aín namë́nu rocë ꞌiacëxa. A bunántinu ca curi ꞌacë chumu, anu maná cacë piti ñu ꞌitsamashi purucë, ꞌimainun Aaronën tsati ꞌaíshbi coo, a ꞌimainun maxax parúsha rabë́, anu usai ca aín uni ꞌiti ꞌicë quixun Nucën Papa Diosan cuënëo, acama ꞌiacëxa.

Josué 4:7

kixun ñukákëxun kamina mitsun kati ꞌain: Ax ka Nukën ꞌIbun bunántisa okin ꞌakë kurin ratakakakë a sacerdotekaman Jordán kakë baka sikarakëkinkin rëkuë́mibiankëbëa baka tëarabëakëxa kixun kati ꞌikën. Ënë maxakamax ka Israel unibunëan ënuax ka usai ꞌiakëxa kixun sinánti ꞌikën.

Josué 6:6

Usakin katankëxa Dios sënë́an ka Josuénën sacerdote unikama kuënxun kakëxa: Mikaman kamina bunántisa okin ꞌakë kurin ratakakakë anua Nukën ꞌIbun bana kuënëokë ꞌarukë a buánti ꞌain, buámainun ka mapai achúshi ꞌimainun rabë́ mikamax bunántisa okin ꞌakë kurin ratakakakë a inui rëkuë́nkiani kuankin a banoti ꞌakë carnero manchan a buani rëkuë́nkianti ꞌain.

1 Pedro 3:21

Nucën Papa Diosan sinánmicëxa Noé manë nuntinu ꞌiruax ië́asa, usaribiti cananuna nuxribi Nucën Papa Diosmi catamëti ꞌunpaxan nashimicë ꞌaish iëtin. Nun namia chuañuma ꞌinun cananuna nashimicë ꞌitima ꞌain. Usai ꞌíma cananuna —Jesucristo baísquia cupía Nucën Papa Diosan nu upí ꞌimicë ꞌaish cananuna nun ꞌuchacama tërë́nce ꞌaish an iscëx upí ꞌai —quixun sinani nashimicë ꞌain.

Judas 1:5

Upí oquinmi ꞌunáncëbi cana ënë ñucama mitsu sinánmitëcënin, Nucën ꞌIbu Diosan ca Israel unicama Egipto menua buánxunbi ami catamëtiama oquin raíri cëñuacëxa.

1 Samuel 1:24

ꞌIkinkëxua ꞌain xuma ꞌakë ënia ka chukúmara ꞌikëishi anbi anuxun Nukën ꞌIbu rabiti xubu Silónu ꞌikë anu buánkëxa. Buánkin ka vaca bakë rabë́ ꞌimainun achúshi këñun veintidos litro trigo bimi ꞌimainun achúshi ñuina xakánu ꞌarukë uvas bakaribi buánkëxa.

1 Samuel 14:18

ꞌImainun ka a nëtën lino ꞌakë chupa efod kakë Diosnan an uankë sacerdote Ahías ax anua Israelnën suntárukama ꞌikë anubi ꞌiakëxa, anu ꞌikë ka Saúlnën kakëxa: —Ënu kamina efod kakë chupa Diosnan a bëti ꞌain kixun kakëxa.

1 Samuel 4:2

anuxun ka filisteo suntárukaman pain israel suntáru ꞌakin pëuakëxa, pëuax abë ꞌakanankin ñusma oxun ꞌakin ka cuatro mil Israel suntáru rëtëkankëxa.