1 Samuel 2:2 - Kashibo-Kakataibo Biblia

² ¡Nukën ꞌIbu uixi ka upíira misaribi ꞌaíma ꞌikën! ¡Uínbi ka min ꞌakësa okin bërúankin nu ꞌakinima, Nukën ꞌIbu! Uixi ka misaribi ꞌaíma ꞌikën.

1 Samuel 2:2 Iomraidhean Croise

2 Samuel 22:3

mix kamina ꞌën Dios ꞌain, usa ꞌaish kamina ami ꞌëx katamëkë ꞌaish mapara chaiira usaribi ꞌain, ꞌimainun kamina axa ꞌëmi nishkë unikaman ꞌati rabanan ami ꞌëx katamëkë manë pará usaribi ꞌain, usa ꞌixun kamina mix kushiira ꞌixun ꞌë ꞌiëmiakën ꞌimainun kamina ñu chaiirasa ꞌëx ami unëtisabi ꞌain, ꞌianan kamina mix ami ꞌëx katamëkë ꞌain, usa ꞌixun kamina mix chaiira ꞌixun ꞌë ꞌiëmiakën ax ꞌëmi nishkë unikaman ꞌati ꞌikëbi. ¡Uni axa ꞌakanantishi sinánkë unikaman ꞌaisataniabi kamina ꞌë ië́miakën!

2 Samuel 22:32

¿Uix kara Diosaribi ꞌiti ꞌik? ¿Anu kara Diosaribi bëtsi dios an nu ꞌakinti ꞌik?

2 Samuel 7:22

usa ꞌain kana mishi rabikin kai ꞌËn ꞌIbu Dios, ¡min ꞌakë ñukama ka chaiira ꞌikën! Usa ꞌain ka bëtsi uni misaribi ꞌaíma ꞌikën, ꞌimainun ka uinubi bëtsi ñukama a unin rabikë misaribi ꞌaíma ꞌikën.

1 Reyes 8:23

munuma banakin Dios ñukákëxa: “Israel unikama nun Dios: naínu ꞌianan ka menubi min ꞌakësaribi okían an ñu ꞌakë dios achúshirabi ꞌaíma ꞌikën, usa ꞌixun kamina mix kiásabiokin an min bana asérabi kuëënkin ꞌakë akamaishi ꞌakinin;

Salmos 73:25

¿Uix kara naínu an ꞌë ꞌakinkë a ꞌik? ¡Mixëshi kamina a ꞌain! ꞌËx mibë ꞌixun kana añu ñubi ënë menu ꞌixun kuëëniman.

Salmos 89:6

¡Uinubi ka naínu misaribi, dios ꞌaíma ꞌikën ꞌën ꞌibun!

Salmos 89:8

Nukën ꞌIbu Dios kamabi kushiñuira misaribi axa kamabi kushiñu ka ꞌaíma ꞌikën; usa ꞌain ka min nan banakama ax asérabi ꞌikën; ¡uinubi ka misaribi bëtsi Dios ꞌaíma ꞌikën!

Éxodo 15:11

ꞌËn ꞌIbu, ¡uinu ꞌikë bëtsi diosaxbi ka mibë sënënima! ¡Uixi ka misaribi chaiira ꞌianan upíira ꞌixun ñu ꞌatima ꞌai ꞌuchakëma ꞌaíma ꞌikën! ¡Min kamina a iskëma ñu ꞌanan ami rakuë́ti ñuribi ꞌain! ¡Usa ꞌikë kananuna mishi rabiti ꞌain!

Isaías 40:18

¿Uinu ꞌikë bëtsi uni kamabëtan sënën kara Dios ꞌikë kixun kaina mitsun kati ꞌain? ¿Uisa ñu mitsúnbi uniokë ax kara asaribi ꞌiti ꞌik?

Isaías 44:6

Ësai ka Nukën ꞌIbu, Israel unikama ꞌapu an atu biti, kamabi kushiñu ax kiaxa: “ꞌËx irapain kana ñu ꞌaíma ꞌain ꞌiakën, usa ꞌaish kana kamabi ñu këñúkëbëbi anubi ꞌiti ꞌain; usa ꞌain ka bëtsi dioskama ax ësaribi asérabi ꞌiti ꞌaíma ꞌikën.

Isaías 44:8

¡Usa ꞌaínbi kamina chuáma tani rakuë́tima ꞌain! ꞌËn kana usakin kan, bërámabi kana usai ka ꞌiti ꞌikë kixun kakën, usa ꞌain kamina mitsúnbi ꞌën usakin ñu ꞌakëmi ꞌunánkankë a ñuiti ꞌain. ¿Anu kara bëtsi dios ëbë sënën ꞌiti ꞌik? A mi katamëti bëtsi uni ka ꞌaíma ꞌikën; ꞌën kana achúshirabi ꞌunanima.”

Isaías 6:3

Usai ꞌika bëtsibë bëtsibë kánani ësai kiaxa: “Nukën ꞌIbu kamabi kushiñu ax ka upíira upí, upíira upí ꞌikën; kamabi an menu unio ñukaman ka ax ka kushiira ꞌikë kixun ꞌunania.”

Levítico 19:2

Kamabi Israel unikama kamina ësokin kati ꞌain: mitsux kamina upí ꞌiti ꞌain, ꞌëx kana mitsun Dios ꞌaish uisa ꞌuchañumabi ꞌain, usa ꞌain kamina mitsúxribi upí ꞌinuxun uisa ꞌuchabi ꞌatima ꞌain.

Romanos 15:4

Cananuna ꞌunánti ꞌain, Nucën Papa Diosan ca nunribinu a ꞌunánti oquin aín bana aín unicama cuënëomiacëxa. Usa ꞌain cananuna a banacama cupí ꞌunánti ꞌain, nux Cristomi cushicë ꞌicë ca tëmëraquinbi ëníma ami catamënun ꞌimianan, uisa ñu cara ꞌicëbëtanbi nu bërúanquin ꞌaquianan, aín nëtënu abë ꞌinun Nucën Papa Diosan nu ꞌimia quixun.

Romanos 4:8

Ui unicama cara Nucën ꞌIbu Diosan aín ꞌucha manuquin sinánmitëcënima, ax ca chuámarua tani cuëënia.

Deuteronomio 32:20

ëni ka ësai kiakëxa: Bërí kana ami kasuakëkin ꞌën atu, ¡uisai kara ꞌia isnuxun ënin! Asérabi ka a unikamax ꞌaisama unibu ꞌaish, ami ꞌunánmakin ꞌakinsama ꞌikën.

Deuteronomio 32:39

ꞌËx kana asérabi Dios ira a ꞌain; usa ꞌain ka ꞌësaribi bëtsi Dioskama ꞌaíma ꞌikën. ꞌËn kana kamabi uni aín tsóti ꞌunanin, ꞌimainun kana anua ñuti nëtë aribi ꞌunanin; ꞌën kana uni ꞌaisama okin ꞌatima oxunbi aín ꞌatimakë a mëníoxunin. Uinu ꞌikë uníxbi ka ꞌëx kushiira ꞌain ꞌën ꞌatima okaskëx ënuax abáti ꞌaíma ꞌikën.

Deuteronomio 32:4

Ax ka an nu bërúankë ꞌikën; an ꞌakë ñux ka upíira upí ꞌikën, an ꞌakë ñux ka asérabi upí ꞌikën. Ax ka Dios ꞌaish këmëima asérabi banaia, ¡an ka uínsaranbi an ñu ꞌatima ꞌakë uni abi ꞌatima oima ꞌaínbi ka ënkinma a unikama ꞌatima onuxun ꞌaia!

Deuteronomio 4:35

Ax ka mitsun unánun usakin Nukën ꞌIbu Diosan ꞌa ꞌikën, ꞌimainun ka bëtsi Dios asérabi asaribi ꞌaíma ꞌikën.

Deuteronomio 4:39

Usa ꞌain kamina a banakama upíokin ꞌunánkin manukima sinánti ꞌain, naínu ꞌianan ka menuribi, asaribi bëtsi Dios ꞌaíma ꞌikën.

1 Pedro 1:16

Ësai ca Nucën Papa Diosan bana cuënëo quia: “ꞌËx uisa ꞌuchañumabi ꞌaish upíira ꞌain camina mitsúxribimi upíira ꞌinun uisa ꞌuchabi ꞌatima ꞌain”.