1 Samuel 10:2 - Kashibo-Kakataibo Biblia

² Bërí kamina ꞌëbë ënananin usa ꞌain kamina, anu Raquel maían ꞌurama anuax uni rabëbë mërananti ꞌain, ax ka Selsah anua Benjamínën rëbúnkinën me ꞌurama anu ꞌikën. Atun ka ami barikë burro aín xanukama ka mëraxa ka mi kati ꞌikën, usa ꞌain ka burro aín xanukama ami sinanima mitsumira bërí sinania kixun ka mi kati ꞌikën, uisa kara ꞌën bakë bëchikë ꞌiaxa kiax kia.

1 Samuel 10:2 Iomraidhean Croise

Génesis 35:16

Usai anu ꞌitankëx ka Betelnuax kuankëxa; ꞌaínbi ka Efrata ꞌurapain ꞌaínbi Raquel tëmërai aín tuá bakë́ankëxa.

Génesis 48:7

ꞌËn kana ësokin mi kain, ꞌëx Padán-aram anu kuantëkënkëbë ka Canaán kakë me anuaxa ka min tita Raquel ñuakëxa, ax ka Efrata kakë me urama ꞌiakëxa, Efrata ëma anun kuanti bai ꞌipitiu kana maíankën, ax ka Belén kakë ëma bërí ꞌikën.

Jeremías 31:15

Ësai ka Nukën ꞌIbu kiaxa: “Ramá kakë ëma anua ka ꞌitsaira rarumati masá nuituti inia uni kuakanxa. Ax ka Raquel axa aín tuákama rabanan inkë ꞌiaxa, usai ꞌika uínbi kuëënmisamai aín tuákama bamakë ꞌain ianxa.” (Usai ka kiaxa.)

1 Samuel 10:16

Kixun kakëxun ka Saúlnën aín kuku kakëxa: —Nun kuamainubi ka ësokin nu kaxa burro aín xanu akama ka mërakanxa kixun ka nu kaxa. ꞌAínbi ka Saúlnën abë banakian Samuelnën Diosan Bëru ñunshin upitan ka mi ꞌapu ꞌimiti ꞌikë kakë ashi ñuixuanma ꞌikën.