1 Samuel 1:3 - Kashibo-Kakataibo Biblia

³ Usa ꞌain ka kamabi baritia ꞌikëbë Elcaná ax aín ëmanuxun rabianan Nukën ꞌIbu kamabi kushiñu a Silónuxun ñuina xaroxuni chikíakëxa. Elí kakë sacerdote ain bakë bëchikë rabë́ Hofní ꞌimainun Finees kakin anëkë ꞌiakëxa, usa ꞌain ka a rabëtaxbi sacerdoteribi ꞌiakëxa.

1 Samuel 1:3 Iomraidhean Croise

Éxodo 34:23

Kamabi unikamax ka achúshi baritia ꞌikëtibi, rabë́ ꞌimainun achúshiti ꞌë rabinux timë́ti ꞌikën, ꞌëx kana Israel unikaman ꞌIbu ꞌain.

Lucas 2:41

Usaía Jesús canimainun ca José ꞌimainun María camabi baritian, Pascua anun carnero ꞌati nëtën Jerusalénu ꞌinux cuancëxa. A nëtë ax ca aín raracama Egipto menuax ꞌatimocë ꞌaish bamaibi ië́a, a sinánquin Nucën Papa Dios rabiquin carnero ꞌati nëtë ꞌiacëxa.

1 Samuel 1:21

Anëan ka Elcaná aín aintsikamabëbi Silónu kuankëxa, kuanxun ka anuxun ax kikësabiokin ꞌakin, rëtankëxun ꞌaímai këñutanun baritia tibi ꞌakësabi okin ñuina xaroi kuankëxa;

1 Samuel 1:9

Bëtsi nëtën ka Silónu kuanx, piíkin sënë́ontankëx Ana niruakëxa. Anu ka sacerdote Elí kakë ax anu tsóti ꞌakënu anuxun Nukën ꞌIbu rabiti xubu xëkuë anun atsínti ꞌurama tsókë ꞌiakëxa.

1 Samuel 14:3

Siló kakë menu ꞌikë sacerdote Ahías ax ka anbia usakin ꞌakë ꞌixun lino ꞌakë chupa efod kakë a uankë ꞌiakëxa. Ax ka Ahitud aín bakë bëchikë Icabodnën piaka ꞌiakëxa, ꞌimainun ka Fineesnën bakë bëchikë Elí, Nukën ꞌIbun sacerdote Silónu ꞌikë aín baba ꞌiakëxa. Usa ꞌaínbi ka aín unibë ka Jonatán kuanxa kixun unin ꞌunánma ꞌikën.

1 Samuel 2:19

ꞌAmainun ka baritia ꞌikëtibi aín tita ꞌimainun aín papan, anuxun Dios rabiti xubunu atun ꞌakësabi okin ñuina rëxun xaroi kuankin chupa chukúma achúshi upíokin ꞌaxunkë a buánxuankëxa.

1 Samuel 2:34

Usai ꞌimainun ka min bakë bëchikë rabë́, Hofní ꞌimainun Finees minmi ꞌë kakësabi oi ka ꞌia kixun mi isnun a nëtënbi a rabëtaxbi ñuti ꞌikën.

1 Samuel 3:13

ꞌËn kana usabi okin aín aintsikama tëmëramiti ꞌai kixun kana a ñuixuan, usakin kana ꞌitsaira ꞌinun ñu ꞌaisama ꞌakë kupín ꞌati ꞌai kixun ka an ꞌunánxa; aín bakë bëchikë kaman ꞌën kuëënkëma ñukama ꞌaiabi ka usakin kamina ñu ꞌatima ꞌai kixun ꞌësëkin kakëma ꞌikën.

1 Samuel 4:11

ꞌAnan ka filisteo suntárukaman anua Diosan bana kuënëokë ꞌarukë bunántisa okin ꞌakë aribi Israel suntárukama ꞌakin, bianan ka Elínën bakë bëchikë rabë́ Hofní ꞌimainun Finees aribi rëtëkankëxa.

1 Samuel 4:4

Usai kitankëxun ka Israel ꞌapukaman an biti suntáru raíri Siló kakë ëmanu xuakëxa, xukëx kuanxun ka bunántisa okin ꞌakë kurin ratakakakë anua Dios kamabi kushiñu Querubin samaira ainan a bëakëxa. Bëkëbë ka Elínën bëchikë Hofní ꞌimainun Finees a rabëtaxribi atubë uakëxa, ukin ka anua Diosan bana kuënëokë ꞌarukë bunántisa okin ꞌakë a bëakëxa.