1 Juan 5:7 - Kashibo-Kakataibo Biblia

⁷ Usa ꞌain ca naínu ꞌicë Nucën Papa Dios ꞌimainun aín Bana, Jesucristo, ꞌimainun aín Bëru Ñunshin Upí, acama ꞌaish rabë́ ꞌimainun achúshi ꞌicën. Usa ꞌaíshbi ca achúshishi ꞌicën. Anribi ca nu ꞌunánmia, Jesus, ax ca asérabi Cristo, Nucën Papa Diosan Bëchicë, a ꞌicë quixun.

Nukën 'Ibu Diosan ain unikama 'inan ain bana

⁷ Usa 'ain ca naínu 'icë Nucën Papa Dios 'imainun aín Bana, Jesucristo, 'imainun aín Bëru Ñunshin Upí, acama 'aish rabë́ 'imainun achúshi 'icën. Usa 'aíshbi ca achúshishi 'icën. Anribi ca nu 'unánmia, Jesus, ax ca asérabi Cristo, Nucën Papa Diosan Bëchicë, a 'icë quixun.

1 Juan 5:7 Iomraidhean Croise

Salmos 33:6

Diosan ka aín banan ishi naíkamë ꞌëo uniokëxa, ꞌanan ka bari ꞌuxë ꞌispa akamaribi uniokëxa.

Isaías 61:1

Nukën ꞌIbun kushi ax ka ꞌëbë ꞌikën, Usa ꞌain ka Nukën ꞌIbun ꞌë kaístankëxun ñuñuma unikama aín bana ñuixunun ꞌë xuaxa, ꞌimainun ka axa bëtsin ꞌatimokëx masá nuitukë, a upíokin kanan axa ñatanbianxun tëmëramikë unikama a chikínun ꞌë xuaxa, ꞌimainun ñatanxun sipunu nankë akamaxribi basiramashi ka chikiti ꞌikën, kakin kuëëminun ꞌë xuaxa;

Mateo 17:5

Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Mateo 18:16

Min cacëxuan cuaisama tancëbë camina bëtsi uni an a ñucama ꞌunáncë, a buani, axa mimi nishcë uni anu cuantëcënti ꞌain. Abëmi cuancë uni anribia cacëxun ca axa mimi nishcë uni an, asérabi ca minmi ñuicë bana ax ꞌicë quixun ꞌunánti ꞌicën. ꞌUnánan ca mix camina asérabi abë upí ꞌiisa tani quixun ꞌunánti ꞌicën.

Mateo 28:19

Usa ꞌain camina mitsun camabi menu cuanquin anu ꞌicë unicama ꞌëmi catamënun sinánmiti ꞌain. Usoquin sinánmiquin camina, ëmi ca catamëtia quixun ꞌunántioquin ꞌën Papa Diosmi sinani, ꞌëmiribi sinánan aín Bëru Ñunshin Upími sinania, nashimiti ꞌain.

Juan 1:1

Nucën Papa Diosan ñu unioisama pain ꞌaínbi ca aín Bana ꞌiacëxa. Aín Bana ax ca Nucën Papa Diosbë ꞌiacëxa, ax ca Nucën Papa Diosbi ꞌiacëxa.

Juan 10:30

ꞌËx ꞌën Papabë rabë́ ꞌaíshbi cananuna achúshishi ꞌain.

Juan 12:28

Papan, unicaman mix cuëëncësa oquin mi rabinun ca uisashi cara, ꞌë ocancëxbi asábi ꞌiti ꞌicën. Cacëxun ca naínuax banaquin aín Papan cacëxa: —Atúan ꞌë rabinun cana mëníocën, mënío ꞌixun cana ꞌëa rabinun sinánmitëcënti ꞌain.

Juan 14:17

Ax ca Nucën Papa Diosan Bëru Ñunshin Upí ꞌicën, an Nucën Papa Diosan sináncë ñucama ꞌunáncë, a. A ca an Nucën Papa Diosan bana sináncëma unin ui cara ax ꞌicë quixun ꞌunántima ꞌicën, ca a istima ꞌicën. Usa ꞌaish ca atux Nucën Papa Diosan Bëru Ñunshin Upíñu ꞌitima ꞌicën. Usa ꞌaínbi camina mitsun a ꞌunánti ꞌain, axa mitsunu ꞌianan xënibua ꞌaínbi mitsubë ꞌicë cupí.

Juan 15:26

Unicamax ꞌëmi nishcë ꞌaínbi ca aín Bëru Ñunshin Upí, an Nucën Papa Diosan sináncë ñucama ꞌunánan uni ꞌaquincë, an uisa carana ꞌëx ꞌai quixun mitsu ꞌunánmiti ꞌicën. Ax ca an Nucën Papa Diosan sináncë ñucama ꞌunáncë, a ꞌicën. A cana Nucën Papa Dios cuëëncësabi oquin mitsubëa ꞌinun xuti ꞌain.

Juan 5:26

Usa ꞌinun ca Nucën Papa Diosan, ënë nëtënu tsónan ainan ꞌaish aín nëtënuribi abë ꞌinun uni ꞌimia. An ca aín Bëchicë ꞌënribi usaribi oquin uni ꞌiminun ꞌë ꞌimiaxa.

Juan 8:18

Aserabi ca usa ꞌicën. ꞌËx ꞌëbi ñuiácati, usa cana ꞌëx ꞌai quimainun ca an ꞌë xuá, ꞌën Papa, axribi ꞌë ñui usai quia.

Juan 8:54

Quia ca Jesusan cacëxa: —ꞌËx rabiacacëbëtanbi ca, aín banax sapi ca asérabima ꞌicë quixun unin sinánti ꞌicën. Usa ꞌaínbi ca an ꞌë rabicë, ax ꞌën Papa ꞌicën, ami mitsun —ax ca Nucën Papa Dios ꞌicë —quixun ñuicë a.

Hechos 2:33

A ca Nucën Papa Diosan abë ꞌApu ꞌiti aín cushínbi baísquimiquin an cásabi oquin aín Bëru Ñumshin Upí ꞌinánxa. Usa ꞌain ca ami mitsun isanan cuacë ñucama, ënëx aín Bëru Ñumshin Upitan ꞌimicëx ësai ꞌia.

Hechos 5:32

Ax ca asérabi usa ꞌicë quixun cananuna nun camabi uni cain. Nucën Papa Diosan aín bana cuacë unicama ꞌináncë aín Bëru Ñunshin Upí, anribi ca —asérabi ca usa ꞌicë —quixun uni ꞌunánmia.

2 Corintios 13:14

Mitsux ꞌuchacëbi Nucën ꞌIbu Jesucristonën nuibaquin ië́micë ꞌicëa Nucën Papa Diosanribi nuibamainuan aín Bëru Ñunshin Upí axribi mitsubë ꞌicëbëmi chuámarua bucucanti cana cuëënin. Ashi, Pablo.

Deuteronomio 6:4

Israel unikama mitsun kamina ꞌën kakëxun kuati ꞌain, Nun ꞌIbu Dios ax ka Nukën ꞌIbu achúshishi ꞌaish ashi ꞌikën.

1 Juan 1:1

Ënë mecama unioisama ꞌaínbia aín Papabë ꞌiá axa ënë menu uá, a ñuiquin cananuna ënë quirica mitsu cuënëoxunin. A cananuna aín bana cuanan nun bërúnbi isacën. Nun bërúnbi ñachaquin isanan cananuna nun mëcënanribi ramëacën. Ax bamatimoi tsócë ꞌixuan aín unicamaribi abë ꞌinun ꞌimicë, a ñuiquin cananuna mitsu cain.

1 Juan 5:6

Jesucristo ax ca axa ꞌunpaxan nashimicë ꞌianan aín imi ꞌapati bama a ꞌicën. ꞌUnpaxan nashimia ashima aín imi ꞌapati bamaribi ca ax ꞌicën. Nucën Papa Diosan Bëru Ñunshin Upitanribi ca —Jesús ax ca Cristo, asérabi Nucën Papa Diosan Bëchicë, a ꞌicë —quixun nu ꞌunánmia. Nucën Papa Diosan Bëru Ñunshin Upí ax ca Nucën Papa Diosan sinánsaribi ꞌicën.

1 Juan 5:8

Ënë menuxun Nucën Papa Diosan Bëru Ñunshin Upitan ꞌunánmicë ꞌianan Jesucristo ꞌunpaxan nashimia sinánan axa aín imi ꞌapati bama, acama sinánquin cananuna ꞌunanin, Jesús ax ca asérabi Cristo, Nucën Papa Diosan Bëchicë, a ꞌicë quixun.

Apocalipsis 19:13

Aín chupa ca imin pucucë ꞌiaxa. Ax ca aín anë Nucën Papa Diosan Bana caquin anëcë ꞌiaxa.