1 Juan 5:16 - Kashibo-Kakataibo Biblia

¹⁶ Abëa Jesucristomi catamëcë uni itsían ñu ꞌatima ꞌaia ꞌunánquin ca unin —tërë́ntisama ꞌinun ca ꞌuchacëma ꞌicë —quixun sinánquin aín ꞌucha tërë́nquin sinanaminun Nucën Papa Dios ñucáxunti ꞌicën. Ñucáxuncëxun ca Nucën Papa Diosan aín ꞌucha tërë́nquin a uni upí ꞌitëcënun ꞌimiti ꞌicën. Usa ꞌaínbi cana axa tërë́ntisama ꞌinun ꞌuchacë uni a Nucën Papa Dios ñucáxunun quixun mitsu caiman.

Nukën 'Ibu Diosan ain unikama 'inan ain bana

¹⁶ Abëa Jesucristomi catamëcë uni itsían ñu 'atima 'aia 'unánquin ca unin —tërë́ntisama 'inun ca 'uchacëma 'icë —quixun sinánquin aín 'ucha tërë́nquin sinanaminun Nucën Papa Dios ñucáxunti 'icën. Ñucáxuncëxun ca Nucën Papa Diosan aín 'ucha tërë́nquin a uni upí 'itëcënun 'imiti 'icën. Usa 'aínbi cana axa tërë́ntisama 'inun 'uchacë uni a Nucën Papa Dios ñucáxunun quixun mitsu caiman.

1 Juan 5:16 Iomraidhean Croise

Génesis 20:17

Usokian kakëxun ka Abrahamnën Nukën ꞌIbu Dios ñukáxuankëxa, ñukáxunkëxun ka Nukën ꞌIbu Diosan Abimélec aín xanukëñunbi pëxkuakëxa. Usokin ꞌanan ka an ñu ꞌaxunkë xanukamaribi tuánun ꞌimiakëxa,

Génesis 20:7

ꞌAínbi kamina bërí, a xanu aín bënë ꞌinántëkënti ꞌain, ax ka an Dios kikë bana ñuixunkë ꞌikën, usa ꞌixun ka an mi ꞌë ñukáxunti ꞌikën, ñukáxunkëx kamina mix upitax tsóti ꞌain; usa ꞌain kamina bëríbi a uni aín xanu ꞌinántëkënti ꞌain, ami ꞌinankëbëma ka min xanu ꞌimainun min xubunu ꞌikë unikamaribi këñuti ꞌikën.

Éxodo 34:9

ësakin kakëxa: —¡ꞌËn ꞌIbu! ¡ꞌËn ꞌIbu! Asérabi nu nuibati kamina nu kuankëbë nubë kuanti ꞌain. Ënë unikaman ka asérabi aín sinan iruarakin bana kuakëma ꞌikën, ꞌaínbi kamina nux mimi ꞌuchakë a tërënkin minan ꞌinun nu ꞌimiti ꞌain.

Jeremías 14:11

Nukën ꞌIbu Diosan ka ꞌë kakëxa: ꞌË kamina ënë unikama upiokin ꞌakinun kixun katima ꞌain.

Jeremías 7:16

Diosan ka Jeremías kakëxa, minmi ënë unikama abi ꞌë ñukáxunkëxunbi kana min bana kuatima ꞌain. ꞌIanan kana ñunshinakëkin kakëxunbi ꞌën min bana kuashiti ꞌain.

Lucas 12:10

Axa, uni ꞌinux anuax uá ꞌë ñui ꞌatimati banacë uni a ca Nucën Papa Diosan aín ꞌucha tërë́nti ꞌicën. Usa ꞌaínbi ca axa aín Bëru Ñunshin Upí ñui ꞌatimati banacë uni aín ꞌucha Nucën Papa Diosan tërënima.

Juan 17:9

Atu sinani cana mibë banain. An min bana cuacëma unicama cana mi ñucáxuniman. Minmi minan ꞌinun ꞌëmi sinánmicë unicama ënëishi cana mi ñucáxunin.

2 Timoteo 4:14

Alejandro, an manë ñu uniocë uni, an ca ꞌëmi manánxun ꞌitsaira ꞌë tëmëramiaxa. Usa cupí ca uisa cara oti ꞌicë usoquin Nucën ꞌIbu Diosan ꞌati ꞌicën.

1 Juan 5:17

Camabi ñu ꞌatima ꞌacë ax ca ꞌucha ꞌicën. Bëtsi bëtsi ꞌucha ca uisoxunbi tërëcaisama ꞌicën. Usa ꞌaínbi ca camabi ꞌuchax tërëcaisamama ꞌicën.

1 Samuel 12:19

Usai ꞌikin ka kamabi unikaman Samuel kakëxa: —Min kamina Dios ñukáti ꞌain, an mi ñu mëëxunti unikama nu kupí, an ka nu këñunun ꞌimitima ꞌikën; nun kananuna ami ꞌaisamairai ꞌuchakë ꞌixunbi amiribishi achúshi ꞌapu nu ꞌinánun kixunribi ñukan.

1 Samuel 2:25

Achúshi uníxa bëtsi unimi ꞌatimati banakë a ka Nukën ꞌIbun mëníoti ꞌikën; ꞌaínbi ka achúshi uníxa Nukën ꞌIbu ñui banakë a ¿kara uin mëníoxunti ꞌik? Kixun kakëxunbi ka aín papan bana atun kuaisama tankëxa, usai ka Nukën ꞌIbunbi usai ꞌia atu këñumiti sinánkë ꞌain ꞌiakëxa.